ନୂଆଦିଲ୍ଲୀ,୨୭।୨: ଜାତିସଂଘ ମାନବାଧିକାର ପରିଷଦ (UNHRC) ବୈଠକରେ କଶ୍ମିର ପ୍ରସଙ୍ଗରେ ଭାରତ ପାକିସ୍ତାନକୁ ଭର୍ତ୍ସନା କରିଛି। ଏହି ବୈଠକରେ ପାକିସ୍ତାନକୁ ଏକ ବିଫଳ ଦେଶ ବୋଲି ଭାରତ କହିଛି। ଭାରତ ଆହୁରି କହିଛି ଯେ, ପାକିସ୍ତାନ ଏପରି ଏକ ଦେଶ ଯାହା ଅନ୍ତର୍ଜାତୀୟ ସହାୟତା ଉପରେ ର୍ନିଭରଶୀଳ। ଭାରତୀୟ କୂଟନୀତିଜ୍ଞ କ୍ଷିତିଜ ତ୍ୟାଗୀ କହିଛନ୍ତି ଯେ ଜମ୍ମୁ-କଶ୍ମିର ଏବଂ ଲଦାଖ କେନ୍ଦ୍ରଶାସିତ ଅଞ୍ଚଳ ସର୍ବଦା ଭାରତର ଏକ ଅବିଚ୍ଛେଦ୍ୟ ଅଙ୍ଗ ଏବଂ ଅବିଚ୍ଛେଦ୍ୟ ଅଂଶ ହୋଇ ରହିବ।
India Blasts Pakistan in UN: ଭାରତୀୟ କୂଟନୀତିଜ୍ଞ କହିଛନ୍ତି ଯେ ଗତ କିଛି ବର୍ଷ ମଧ୍ୟରେ ଜମ୍ମୁ ଏବଂ କଶ୍ମିରରେ ହୋଇଥିବା ଅଭୂତପୂର୍ବ ରାଜନୈତିକ, ସାମାଜିକ ଏବଂ ଅର୍ଥନୈତିକ ପ୍ରଗତି ନିଜେ ସେଠାକାର ପରିସ୍ଥିତିକୁ ସୂଚାଇଥାଏ। ଏହି ସଫଳତାଗୁଡ଼ିକ ଦଶନ୍ଧି ଧରି ପାକିସ୍ତାନ ପ୍ରାୟୋଜିତ ଆତଙ୍କବାଦ ଦ୍ୱାରା ପ୍ରଭାବିତ ଅଞ୍ଚଳରେ ସୱାଭାବିକତା ଆଣିବା ପାଇଁ ସରକାରଙ୍କ ପ୍ରତିବଦ୍ଧତା ଉପରେ ଲୋକଙ୍କ ବିଶ୍ୱାସର ପ୍ରମାଣ।
India Blasts Pakistan in UN: ତ୍ୟାଗୀ କହିଛନ୍ତି, ‘ପାକିସ୍ତାନ ଦ୍ୱାରା ଦିଆଯାଇଥିବା ଭିତ୍ତିହୀନ ଏବଂ ମାରାତ୍ମକ ସୂଚନାର ଜବାବ ଦେବା ପାଇଁ ଭାରତ ଏହାର ଅଧିକାର ବ୍ୟବହାର କରୁଛି।’ ପାକିସ୍ତାନର ତଥାକଥିତ ନେତା ଏବଂ ପ୍ରତିନିଧିମାନେ ଏହାର ସାମରିକ ଆତଙ୍କବାଦୀ ସଂଗଠନ ଦ୍ୱାରା ଦିଆଯାଇଥିବା ମିଥ୍ୟା ପ୍ରଚାର କରୁଥିବା ଦେଖିବା ଦୁଃଖଦ।
ପାକିସ୍ତାନର ମାନବାଧିକାର ମନ୍ତ୍ରୀ ଆଜମ ନଜିର ତାରାର ଜାତିସଂଘରେ ଦାବି କରିଥିଲେ ଯେ କଶ୍ମିରରେ ମାନବାଧିକାର ଉଲ୍ଲଂଘନ ହେଉଛି, ଯାହାକୁ ବନ୍ଦ କରାଯିବା ଉଚିତ। ସେ କହିଥିଲେ ଯେ ଲୋକଙ୍କ ଆତ୍ମର୍ନିଣ୍ଣୟର ଅଧିକାରକୁ ନିରନ୍ତର ପ୍ରତ୍ୟାଖ୍ୟାନ କରାଯାଉଛି। ଜବାବରେ, ଭାରତ କଶ୍ମିରରେ ପ୍ରଗତି ଏବଂ ବିକାଶର କଥା ଉଲ୍ଲେଖ କରିଥିଲା ଏବଂ କାଶ୍ମୀର ଉପରେ ଏହାର ସାର୍ବଭୌମତ୍ୱକୁ ଦୋହରାଇଥିଲା।
India Blasts Pakistan in UN: ଭାରତୀୟ କୂଟନୀତିଜ୍ଞ ଗୁରୁତ୍ୱାରୋପ କରିଥିଲେ ଯେ ପାକିସ୍ତାନ ନିଜ ଲୋକମାନଙ୍କୁ ପ୍ରକୃତ ଶାସନ ଏବଂ ନ୍ୟାୟ ପ୍ରଦାନ କରିବା ଉପରେ ଧ୍ୟାନ ଦେବା ଉଚିତ। ତ୍ୟାଗୀ କହିଛନ୍ତି, ‘ଏକ ଦେଶ ଭାବରେ, ପାକିସ୍ତାନ ମାନବାଧିକାର ଉଲ୍ଲଂଘନ କରି, ସଂଖ୍ୟାଲଘୁଙ୍କୁ ଅତ୍ୟାଚାର କରି ଏବଂ ଗଣତାନ୍ତ୍ରିକ ମୂଲ୍ୟବୋଧକୁ ଅଣଦେଖା କରି ତାର ନୀତି ତିଆରି କରେ।’ ଏହା ର୍ନିଲଜ୍ଜ ଭାବରେ ଜାତିସଂଘ ଦ୍ୱାରା ଆତଙ୍କବାଦୀ ଘୋଷଣା କରାଯାଇଥିବା ଲୋକଙ୍କୁ ଆଶ୍ରୟ ଦିଏ। ପାକିସ୍ତାନ କାହାକୁ ଭାଷଣ ଦେବା ସ୍ଥିତିରେ ନାହିଁ।
ଭାରତ ଜାତିସଂଘରେ କହିଛି, ନିଜର ଭାଷଣବାଜିରେ କପଟତାର ଗନ୍ଧ ବାରି ହୋଇ ପଡୁଛି। ଏହାର ଅମାନବୀୟ କାର୍ଯ୍ୟ ଏବଂ ଏହାର ଅପାରଗ ଶାସନ।’ ଭାରତର ଧ୍ୟାନ ଗଣତନ୍ତ୍ର, ପ୍ରଗତି ଏବଂ ଲୋକଙ୍କ ପ୍ରତି ସମ୍ମାନ ସୁନିଶ୍ଚିତ କରିବା ଉପରେ, ଯାହା ପାକିସ୍ତାନ ଭାରତଠାରୁ ଶିଖିବା ଉଚିତ। ଗତ ସୋମବାର ଦିନ ଜାତିସଂଘରେ ଉଦବୋଧନ ଦେଇ ବୈଦେଶିକ ମନ୍ତ୍ରୀ ଏସ ଜୟଶଙ୍କର କହିଥିଲେ ଯେ ଭାରତ ସର୍ବଦା ବିଶ୍ୱସ୍ତରୀୟ ମାନବାଧିକାରର ପ୍ରୋତ୍ସାହନ ଏବଂ ସୁରକ୍ଷାରେ ସକ୍ରିୟ ଭୂମିକା ଗ୍ରହଣ କରିଆସିଛି ଏବଂ ଆତଙ୍କବାଦ ମୁକାବିଲାରେ ଦୃଢ଼ ଏବଂ ଆପୋଷ ନୁହେଁ।
