ପୋଙ୍ଗୟାଙ୍ଗ,୩।୫: ସମୟ ସମୟରେ ଉତ୍ତର କୋରିଆର ଏକଛତ୍ରବାଦୀ ଶାସକ କିମ ଜୋଙ୍ଗ ଉନଙ୍କ ବିଷୟରେ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଥାଏ। ଏଥିରେ କୌଣସି ସନ୍ଦେହ ନାହିଁ ଯେ ଉତ୍ତର କୋରିଆର ଲୋକମାନେ ଏକଛତ୍ରବାଦୀ ଶାସକଙ୍କ ଅଧୀନରେ ଦୁଃଖଦ ଜୀବନ ଅତିବାହିତ କରିବାକୁ ବାଧ୍ୟ ହେଉଛନ୍ତି। ସେଠାକାର ଲୋକମାନେ ଦିନକୁ ଦୁଇଓଳି ଖାଇବାକୁ ମଧ୍ୟ ସକ୍ଷମ ନୁହଁନ୍ତି। ଏଥି ସହିତ, ଏକଛତ୍ରବାଦୀ ଶାସକ ଏବଂ ତାଙ୍କ ପରିବାର ବିଳାସପୂର୍ଣ୍ଣ ଜୀବନ ବିତାଉଛନ୍ତି।
ଏକଛତ୍ରବାଦୀ ଶାସନର ନିଷ୍ଠୁରତା ବିଷୟରେ ଆଉ ଏକ ସୂଚନା ସାମ୍ନାକୁ ଆସିଛି। ଦି ମିରରର ଏକ ରିପୋର୍ଟ ଅନୁଯାୟୀ, ଏକଛତ୍ରବାଦୀ ଶାସକ ପ୍ଲେଜର ସ୍କା୍ବଡ ପାଇଁ ୨୫ କୁମାରୀ ବାଳିକା ବା ଭର୍ଜିନ ଗର୍ଲ ଚୟନ କରନ୍ତି। ଏହି ଝିଅମାନେ ସୌନ୍ଦର୍ଯ୍ୟ ଏବଂ ବିଶ୍ୱସ୍ତତାର ଆଧାରରେ ମନୋନୀତ ହୋଇଥାଆନ୍ତି।
ସୂଚନାଯୋଗ୍ୟ, ଉତ୍ତର କୋରିଆରୁ ପଳାଇ ଆସିଥିବା ଝିଅ ୟୋନି ପାର୍କଙ୍କ ଦ୍ୱାରା ଏହି ସୂଚନା ଦିଆଯାଇଛି। ସେ ଦାବି କରିଛନ୍ତି ଯେ ସେ ମଧ୍ୟ ଥରେ ଏହି ପ୍ଲେଜର୍ ସ୍କ୍ବାଡର ଏକ ଅଂଶ ହୋଇଥିଲେ। ସେ ଆହୁରି ମଧ୍ୟ ପ୍ରକାଶ କରିଛନ୍ତି ଯେ ତାଙ୍କୁ ଦୁଇଥର ଏକଛତ୍ରବାଦୀ ଶାସକ କିମଙ୍କ ପ୍ଲେଜର୍ ସ୍କାଡରେ ଉପସ୍ଥାପିତ କରାଯାଇଥିଲା, କିନ୍ତୁ ପରିବାରର ଆର୍ଥିକ ଅବସ୍ଥା ଖରାପ ହେତୁ ତାଙ୍କୁ ଚୟନ କରାଯାଇ ନାହିଁ।
ଝିଅଟି ଆହୁରି ସୂଚନା ଦେଇଛନ୍ତି ଯେ ଏକଛତ୍ରବାଦୀ ଶାସନର ଅଧିକାରୀମାନେ ସ୍କୁଲ ଶ୍ରେଣୀଗୃହ ଏବଂ ସ୍କୁଲ କ୍ୟାମ୍ପସରେ ବୁଲାବୁଲି କରି ବାଳିକା ଚୟନ କରନ୍ତି। ଏହା ପରେ, ଯଦି ମନୋନୀତ ଝିଅମାନଙ୍କର କୌଣସି ପରିବାର ସଦସ୍ୟ ଉତ୍ତର କୋରିଆରୁ ପଳାୟନ କରିଛନ୍ତି କିମ୍ବା ତାଙ୍କ ପରିବାରର କୌଣସି ସଦସ୍ୟ ଦକ୍ଷିଣ କୋରିଆରେ ରୁହନ୍ତି, ତେବେ ତାଙ୍କୁ ଏହି ଦଳରୁ ବାହାର କରିଦିଆଯାଏ।
ଝିଅଟି ସୂଚନା ଦେଇଛନ୍ତି ଯେ ଏହା ପରେ ଝିଅମାନଙ୍କର କୁମାରୀତ୍ୱର ପରୀକ୍ଷା କରନ୍ତି । ଏହି ଝିଅମାନଙ୍କର ଏକମାତ୍ର ଉଦ୍ଦେଶ୍ୟ ହେଉଛି ଏକଛତ୍ରବାଦୀ ଶାସକ କିମ ଏବଂ ତାଙ୍କ ଅଧିକାରୀମାନଙ୍କୁ ଖୁସି ରଖିବା।
