ବଣାଇଁ,୮।୫( ପ୍ରଦୀପ ତ୍ରିପାଠୀ ): ସବୁ ଠିକ ଥିଲା, ଭୋଜିରେ ମଦ୍ୟପାନ କରିବା ପରେ ମନେ ପଡିଯାଇଥିଲା ପୂର୍ବ ଶତ୍ରୁତା। ପ୍ରଥମେ ବଚସା ପରେ ହତ୍ୟା । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ବଣାଇଁ ଉପଖଣ୍ଡ କୋଇଡ଼ା ଥାନା ଅନ୍ତର୍ଗତ ସର୍ଗିଗଡ ଗ୍ରାମ ନିକଟରେ ।
ସୂଚନା ଅନୁସାରେ, ସର୍ଗିଗଡ ଗ୍ରାମର ରୋଇ ମୁଣ୍ଡା ଓ ସାଧୁ ମୁଣ୍ଡା ଭୋଜିରେ ଯୋଗଦେବାକୁ ଯାଇ ପ୍ରଥମେ ମଦ୍ୟପାନ କରିଥିଲେ । ମଦ୍ୟପାନ କରିବା ପରେ ଉଭୟଙ୍କ ମଧ୍ୟରେ ପୂର୍ବ ଶତ୍ରୁତା ନେଇ ବଚସା ହୋଇଥିଲା । ଉତ୍ୟକ୍ତ ହୋଇ ରୋଇ ମୁଣ୍ଡା ପାଖରେ ପଡିଥିବା ଏକ କାଠ ଉଠାଇ ସାଧୁ ମୁଣ୍ଡାକୁ ପିଟି ପିଟି ହତ୍ୟା କରିଥିଲେ । ଗୁରୁବାର ରାତିରେ ଘଟିଥିବା ଏହି ଘଟଣା ସମ୍ପର୍କରେ ଖବର ପାଇ କୋଇଡ଼ା ପୋଲିସ ଆଜି ଘଟଣାସ୍ଥଳରେ ପହଞ୍ଚି ଅଭିଯୁକ୍ତ ରୋଇ ମୁଣ୍ଡାକୁ ହେପାଜତକୁ ନେଇ, ଶବ ଜବତ କରିଛି । ବର୍ତ୍ତମାନ ପୋଲିସ ସମ୍ପୃକ୍ତ ସର୍ଗିଗଡ ଗ୍ରାମରେ ଅଧିକ ତଦନ୍ତ ଜାରି ରଖିଛି ।
