ଚଣ୍ଡିଗଡ଼,୬।୪: ଚଣ୍ଡିଗଡ଼ ମେୟର ନିର୍ବାଚନରେ ରିଟର୍ଣ୍ଣିଂ ଅଫିସର ଥିବା ଅନିଲ ମସିହ ଭୋଟ୍ପତ୍ର ଏପଟସେପଟ କରିଥିବା ମାମଲାରେ ସୁପ୍ରିମକୋର୍ଟରେ ନିସର୍ତ୍ତ କ୍ଷମା ମାଗିଛନ୍ତି। ପ୍ରଧାନ ବିଚାରପତି ଡି.ୱାଇ.ଚନ୍ଦ୍ରଚୂଡ଼ଙ୍କ ଅଧ୍ୟକ୍ଷତାରେ ଗଠିତ ପୀଠ ମସିହଙ୍କ ବିରୋଧରେ ସିଆରପିସିର ଧାରା ୩୪୦ରେ କାର୍ଯ୍ୟାନୁଷ୍ଠାନ ଆରମ୍ଭ କରିଥିଲେ । କାରଣ ସେ ୮ଟି ଭୋଟପତ୍ରକୁ ଅବୈଧ କରିଦେଇଥିଲେ ଓ କୋର୍ଟରେର୍ଟ ଭୁଲ ବୟାନ ଦେଇଥିଲେ ।
ଶୁଣାଣିବେଳେ ଅନିଲଙ୍କ ପକ୍ଷରୁ କୋର୍ଟରେ ଉପସ୍ଥିତ ବରିଷ୍ଠ ଓକିଲ ମୁକୁଲ ରହତୋଗୀ ପୀଠଙ୍କୁ କହିଛନ୍ତି, ‘ଏହା ଉପରେ ମୁଁ ନିସର୍ତ୍ତ କ୍ଷମାଯାଚନା କରିଛି । କେବଳ ଏତିକି କହିବି ସେତେବେଳେ ଭୀଷଣ ଚାପରେ ଥିଲି । ସେ ତାଙ୍କର ପ୍ରଥମ ଆଫିଡେଭିଟକୁ ପ୍ରତ୍ୟାହାର କରିନେବେ। ସିଜେଆଇ ଏହି ମାମଲାର ପରବର୍ତ୍ତି ଶୁଣାଣି ଜୁଲାଇ ୨୩କୁ ଧାର୍ଯ୍ୟ କରିଛନ୍ତି।
