ଡେରାଡୁନ,୧୫।୪: ଉତ୍ତରାଖଣ୍ଡର ପିଥୋରାଗଡ଼ର ଜିଲା ହସ୍ପିଟାଲରେ ଏକ ଅଭାବନୀୟ ଘଟଣା ଘଟିଛି। ଏଠାରେ ଜଣେ ୧୪ ବର୍ଷୀୟା ଝିଅ ଶିଶୁକୁ ଜନ୍ମ ଦେଇଛନ୍ତି। ଏହାପରେ ନବଜାତ ଶିଶୁର ପିତାଙ୍କ ବିରୋଧରେ ମାମଲା ରୁଜୁ କରାଯାଇଛି। ଏନେଇ ଅଧିକାରୀମାନେ ସୂଚନା ଦେଇଛନ୍ତି। ଜିଲ୍ଲାର ଅଭାବୀ ଶିଶୁଙ୍କ ଯତ୍ନ ନେବା ପାଇଁ ଉଦ୍ଦିଷ୍ଟ ରାଜ୍ୟ ସରକାରୀ ସଂସ୍ଥା ଶିଶୁ କଲ୍ୟାଣ କମିଟିର ଅଧ୍ୟକ୍ଷ ଏଲ.ଏସ. ଖାତି କହିଛନ୍ତ, ଗର୍ଭବତୀ ଝିଅଟି ପ୍ରସବ ଯନ୍ତ୍ରଣା ଅନୁଭବ କରୁଥିଲେ। ଅଭିଭାବକ ଭାବରେ କମିଟି ଆବଶ୍ୟକୀୟ ସମ୍ମତି ଫର୍ମରେ ସ୍ବାକ୍ଷର କରାଯାଇଥିଲା। ଯାହା ଦ୍ୱାରା ଡାକ୍ତରମାନଙ୍କୁ ଅସ୍ତ୍ରୋପଚାର କରିବାକୁ ଅନୁମତି ଦିଆଯାଇଥିଲା।
ଖାତି ଆହୁରି କହିଛନ୍ତି, ଭାରତୀୟ ଦଣ୍ଡ ସଂହିତାର ଧାରା 64(1), 87, ଏବଂ 5/6 ଏବଂ ଯୌନ ଅପରାଧରୁ ଶିଶୁ ସୁରକ୍ଷା (POCSO) ଆଇନ ଅନୁଯାୟୀ, ମୁନସ୍ୟାରି ପୋଲିସ ଷ୍ଟେଶନରେ ନବଜାତ ଶିଶୁର ପିତାଙ୍କ ବିରୋଧରେ ଏକ ମାମଲା ରୁଜୁ କରାଯାଇଛି। ପ୍ରାପ୍ତ ସୂଚନା ଅନୁଯାୟୀ, ଶିଶୁର ପିତା ବୋଲି ଦାବି କରୁଥିବା ଯୁବକ ପୁଣେରେ କାମ କରନ୍ତି।
ନାବାଳିକା ଝିଅଟି କମିଟିକୁ କହିଛନ୍ତି ଯେ, ତାଙ୍କ ବାପାମା’ ବହୁତ ଛୋଟ ଥିବାବେଳେ ଅଲଗା ହୋଇଯାଇଥିଲେ। ଗତ ବର୍ଷ ସେ ଯୁବକଙ୍କ ସହ ସମ୍ପର୍କ ସ୍ଥାପନ କରିଥିଲେ ଏବଂ ପୁଣେ ଚାଲିଯାଇଥିଲେ। ସେଠାରେ ସେ ଗର୍ଭବତୀ ହୋଇଥିଲେ। ହସ୍ପିଟାଲରୁ ଡିସଚାର୍ଜ ହେବା ପରେ ଝିଅଟି ଏବଂ ତାଙ୍କ ନବଜାତ ଶିଶୁକୁ ଏକ ସ୍ବତନ୍ତ୍ର ପୋଷ୍ୟ ସନ୍ତାନ ଗ୍ରହଣ ସଂସ୍ଥାରେ ରଖାଯିବ। ଏଠାରେ ଝିଅଟି ୧୮ ବର୍ଷ ବୟସ ହେବା ପର୍ଯ୍ୟନ୍ତ ସେମାନଙ୍କର ଯତ୍ନ ନିଆଯିବ ବୋଲି ଖଶତି କହିଛନ୍ତି।
Dharitri – Odisha’s No.1 Odia Daily
