ପଣା ସଂକ୍ରାନ୍ତିରୁ ପ୍ରଚଳିତ ହେଲା ନୂଆ ପଂଜିକା । ମୀନ ରାଶିରେ ଚର୍ତୁଗ୍ରହୀ ଯୋଗ ଥିବାରୁ ବର୍ଷ ଆରମ୍ଭରେ ଶୁଭ ଯୋଗ ନାହିଁ । ଅତି ବୃଷ୍ଟି, ଭୂକମ୍ପ, ଯୁଦ୍ଧ ସହ ଦେଖା ଦେବ ରାଜନୈତିକ ଅସ୍ଥିରତା । ରାଜ୍ୟରେ ସରକାରଙ୍କୁ ଅଡୁଆରେ ପକାଇପାରନ୍ତି ବିରୋଧୀ । ଦେଶରେ ସୀମାରେ ଅଶାନ୍ତି ଓ ଯୁଦ୍ଧ ଭଳି ପରିସ୍ଥିତି ସୃଷ୍ଟି ହୋଇପାରେ ।
ଓଡିଶାରେ ସାଧାରଣତଃ ୩ ପ୍ରକାରର ପାଞ୍ଜି ପ୍ରଚଳିତ ରହିଛି । ସେଗୁଡିକ ହେଲା ଜଗନ୍ନାଥ ପଞ୍ଜିକା, ବିରାଜ ପାଞ୍ଜି, ଚୈତନ୍ୟ ପାଞ୍ଜି । ଏହା ବ୍ୟତୀତ ଅଞ୍ଚଳ ବିଶେଷରେ ଖଡିରତ୍ନ ପଞ୍ଜିକା, କୋହିନୂର ପଞ୍ଜିକା, ରାଧାରମଣ ପାଞ୍ଜି ବ୍ୟବହୃତ ହୋଇଥାଏ । ତେବେ ଓଡିଶାରେ ୨ ମଣ୍ଡଳ ରହିଛି, ଯଥା ଜଗନ୍ନାଥ ମଣ୍ଡଳ ଓ ବିରଜା ମଣ୍ଡଳ । ଏସବୁ ମଧ୍ୟରୁ ୨ଟି ପଞ୍ଜିକାର ଅଧିକ ବ୍ୟବହାର ରହିଛି ।
ପଂଜିକାରେ ଚଳିତ ବର୍ଷ ପାଇଁ ରାଜ୍ଯ ସରକାରଙ୍କ ପାଇଁ ଅନେକ ସଙ୍କଟ ରହିଛି । ବିରୋଧୀ ଦଳମାନେ ସକ୍ରିୟ ହୋଇ ଅନେକ ଅପ୍ରୀତିକର ପରିସ୍ଥିତିରେ ସରକାରଙ୍କୁ ଅଡୁଆରେ ପକାଇବେ । ରାଜ୍ଯର ମୁଖିଆ ଓ ଅନେକ ମନ୍ତ୍ରୀମାନେ ଘନ ଘନ ବିଦେଶ ଗସ୍ତ କରି ରାଜ୍ଯର ରାଜସ୍ୱ ହାନୀ କରିବେ ।
ଫଳରେ ଦେଶ ତଥା ବିଦେଶରେ ପିଏମଙ୍କ ସୁନାମ ବୃଦ୍ଧି ପାଇବ । ତେବେ ମେଷ , ବୃଷ, ମିଥୁନ , କର୍କଟ , ସିଂହ , କନ୍ଯା , ତୁଳା , ବିଛା , ଧନୁ , ମୀନ ରାଶିର ଆୟ ଅପେକ୍ଷା ବ୍ଯୟ କମ ହେବାର ଯୋଗ ରହିଛି । ଆଉ ହଳଦିଆ ଜିନିଷର ଦର ଦାମ ଯଥା ହଳଦୀ , ସୁନା ଆଦିର ଦର ବୃଦ୍ଧି ପାଇବ । ସବୁପ୍ରକାର ଅପ୍ରୀତିକର ପରିସ୍ଥିତି , ଗ୍ରହଙ୍କ ଚଳନ ଆଦି ସତ୍ତ୍ୱେ ଶ୍ରୀଜଗନ୍ନାଥ ମହାପ୍ରଭୁଙ୍କ ଶରଣ ହିଁ ସବୁ ବିପଦ ଆପଦରୁ ମୁକ୍ତି କରିବ ବୋଲି କହିଛନ୍ତି ଜ୍ଯୋତିର୍ବିଦ ।
