ମୁମ୍ବାଇ,୧୪।୪:(ପି.ଟି.): ମଧ୍ୟପ୍ରାଚ୍ୟ ଯୁଦ୍ଧ ଯୋଗୁ ଭୂରାଜନୈତିକ ଉତ୍ତେଜନା ଭାରତୀୟ ମୁଦ୍ରାକୁ ପୁଣି ଦୁର୍ବଳ କରିଦେଇଛି । ଇଣ୍ଟରବ୍ୟାଙ୍କ ଫରେନ୍ ଏକ୍ସଚେଞ୍ଜରେ ସୋମବାର ଟଙ୍କା ୫୨ ପଇସା ଦୁର୍ବଳ ହୋଇଛି। ଆମେରିକୀୟ ଡଲାର ତୁଳନାରେ ଏହାର ବିନିମୟ ମୂଲ୍ୟ ୯୩.୩୫ ଟଙ୍କା ରହିଛି। ସେସନ୍ ଆରମ୍ଭରେ ଟଙ୍କା ୯୩.୩୦ରେ ଖୋଲି ୯୩.୪୦କୁ ଛୁଇଁଥି୍ଲା। ତେବେ ଶେଷରେ ଏହା ୯୩.୩୫ରେ ସେଟେଲ ହୋଇଥିଲା। ଏହା ପୂର୍ବରୁ ଶୁକ୍ରବାର ସେସନ୍ରେ ଟଙ୍କା ୩୨ ପଇସା ଦୁର୍ବଳ ହୋଇ ୯୨.୮୩ରେ ବନ୍ଦ ହୋଇଥିଲା।
ଷ୍ଟ୍ରେଟ୍ ଅଫ୍ ହର୍ମୁଜ୍ରେ ଅଶୋଧିତ ତୈଳ ପରିବହନରେ ଅନିଶ୍ଚିତତା ଯୋଗୁ କ୍ରୁଡ୍ ମୂଲ୍ୟ (୧୦୦ ଆମେରିକୀୟ ଡଲାର ଅତିକ୍ରମ କରି) ବଢ଼ି ଚାଲିଥିବାବେଳେ ଭାରତୀୟ ପୁଞ୍ଜିବଜାରରୁ ବିଦେଶୀ ସଂସ୍ଥାଗତ ନିବେଶକ (ଏଫ୍ଆଇଆଇ) ଷ୍ଟକ୍ସ ବିକ୍ରି କରିବାରେ ଲାଗିଛନ୍ତି। ଏହା ମଧ୍ୟ ଟଙ୍କା ଅବମୂଲ୍ୟାୟନର ଏକ ପ୍ରମୁଖ କାରଣ ବୋଲି ଫରେକ୍ସ ଆନାଲିଷ୍ଟମାନେ କହିଛନ୍ତି।
