ଗଞ୍ଜାମ,୧୪।୪(ବିଦ୍ୟାଧର ସାହୁ): ଓଡ଼ିଆ ନବ ବର୍ଷ ପଣା ସଂକ୍ରାନ୍ତି (ମହା ବିଷୁବ ସଂକ୍ରାନ୍ତି) ମେରୁରେ ଗଞ୍ଜାମ ବ୍ଲକର ଶତ୍ରୁଶୋଲ ଗ୍ରାମ ନିକଟରେ ଥିବା ବାବା ମୁକ୍ତେଶରଙ୍କ ବହୁ ପୁରାତନ ପରମ୍ପରା ଗଞ୍ଜାମ ଜିଲାରେ ଐତିହାସିକ ହୋଇ ରହିଛି । ଏହି ପ୍ରାଚୀନ ପରମ୍ପରା ୬୦୦ରୁ ଊଦ୍ଧର୍ବ ବର୍ଷ ଧରି ପାରମ୍ପରିକ ରୀତିନୀତିରେ ଗ୍ରାମବାସୀ ପକ୍ଷରୁ ଓଡ଼ିଆ ନବ ବର୍ଷ ପାଳନ କରି ଆସୁଛନ୍ତି ।
ଏହି ଅବସରରେ ବାବା ମୁକ୍ତେଶରଙ୍କ ପୀଠ ପ୍ରାଙ୍ଗଣରେ ଶୁଭଖୁଣ୍ଟି ସ୍ଥାପନ କରାଯାଇଛି। ବାବା ମୁକ୍ତେଶରଙ୍କ ପୂଜାର୍ଚ୍ଚନା ହେବା ପରେ ମନ୍ଦିରରୁ ବାହାରି ଗ୍ରାମର ପ୍ରତ୍ୟେକ ଘରକୁ ଯାଇ ପଣା ଓ ଭୋଗ ପ୍ରସାଦ ଗ୍ରହଣ କରିବାର ଲୋକକଥା ବିଶ୍ବାସ ରହିଛି ।ଏହି ଦିନ ଗାଁର ମନ୍ଦିରମାନଙ୍କରେ ସ୍ବତନ୍ତ୍ର ପୂଜା, ଛତୁଆ ଓ ପଣା ଭୋଗ କରାଯାଇଥିଲା ।
