ଖଇରା,୧୩ା୬(ଡି.ଏନ.ଏ.): ବାଲେଶ୍ୱର ଜିଲା ଖଇରା ଥାନା ଅଧୀନ ନଟାପଡ଼ା ଗାଁର ନରେନ୍ଦ୍ର ବିଦାନ୍ତ ନାମକ ଜଣେ ବିବାହିତ ଯୁବକ ମିଥ୍ୟା ପ୍ରଲୋଭନ ଦେଖାଇ ଦ୍ବିତୀୟ ବିବାହ କରି ହରଡ଼ଘଣାରେ ପଡ଼ିଛନ୍ତି। ଖଇରା ପୋଲିସ ତାଙ୍କୁ ଗିରଫ କରି ସୋମବାର କୋର୍ଟ ଚାଲାଣ କରଛି। ଏନେଇ ଥାନାରେ ଏକ ମାମଲା(୧୬୨/୨୨) ରୁଜୁ ହୋଇଛି। ବେଦାନ୍ତ ମୁମ୍ବାଇରେ ରହି ଘରୋଇ କାର୍ଯ୍ୟ କରୁଥିବା ସମୟରେ ସେହି ସ୍ଥାନରେ ରାୟଗଡ଼ା ଜିଲା ଗୁଡାରି ଥାନା ଅଞ୍ଚଳର ଜଣେ ଯୁବତୀଙ୍କ ସହ ୪ବର୍ଷ ପୂର୍ବେ ତାଙ୍କର ପ୍ରେମ ସମ୍ପର୍କ ଗଢିଉଠିଥିଲା। ପରେ ବର୍ଷେ ହେବ ରାୟଗଡା ସ୍ଥିତ ଶିବମନ୍ଦିରରେ ରୀତିନୀତି ଅନୁସାରେ ଉଭୟଙ୍କ ବାହାଘର ହୋଇଥିଲା। ବାହାଘର ପରେ ନରେନ୍ଦ୍ର ପୂର୍ବରୁ ବିବାହ କରିଥିବା ଓ ତାଙ୍କର ଗୋଟିଏ ପୁଅ ଥିବା ଦ୍ୱିତୀୟ ସ୍ତ୍ରୀଙ୍କୁ ଜଣାଇଥିଲେ। ପରେ ତାଙ୍କର ପ୍ରଥମ ସ୍ତ୍ରୀଙ୍କ ଦେହ ଅସୁସ୍ଥ ଥିବା କହି ଦ୍ୱିତୀୟ ସ୍ତ୍ରୀଙ୍କୁ ଛାଡ଼ି ଘରକୁ ପଳାଇ ଆସିଥିଲେ। ଏହା ପରଠାରୁ ସେ ଦ୍ୱିତୀୟ ସ୍ତ୍ରୀଙ୍କ ସହିତ ଆଉ କୌଣସି ଯୋଗାଯୋଗ ରଖି ନ ଥିଲେ। ତେଣୁ ୩ମାସର ଗର୍ଭବତୀ ଥିବା ଦ୍ୱିତୀୟ ସ୍ତ୍ରୀ ତାଙ୍କ ପରିବାର ସହିତ ୪ଦିନ ପୂର୍ବେ ଆସି ଖଇରା ଥାନାରେ ଅଭିଯୋଗ କରିଥିଲେ।
