ଜୁନାଗଡ଼,୩୦।୧: କଳାହାଣ୍ଡି ଜିଲା ଜୁନାଗଡ଼ ବ୍ଲକ ମାଟିଗଁା ନିକଟରେ ଶନିବାର ସନ୍ଧ୍ୟାରେ ୨ ବାଇକ୍ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଏଥିରେ ଜଣେ ବାଇକ୍ ଚାଳକଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୩ଜଣ ଗୁରୁତର ଆହତ ହୋଇଛନ୍ତି। ମୃତକ ହେଲେ ଜୁନାଗଡ଼ ବ୍ଲକ ବକ୍ସିତୁଳସୀପାଲି ଗ୍ରାମର ନଳାମ୍ବର ପାଣ୍ଡେ(୫୮)। ଆହତମାନେ ହେଲେ ବକ୍ସିତୁଳସୀପାଲି ଗ୍ରାମର ଭୋଲା ପାଣ୍ଡେ(୨୮), ରାୟଗଡ଼ା ଜିଲା କାଶିପୁର ଥାନା ବରଙ୍ଗପାସ ଗ୍ରାମର କରନ ନାଏକ(୪୦) ଏବଂ ଚୈତ୍ଯଯ ମାଝୀ(୨୫)। ସମସ୍ତଙ୍କୁ ଜୁନାଗଡ଼ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି। ମିଳିଥିବା ସୁଚନା ଅନୁଯାୟୀ, ଶନିବାର ସନ୍ଧ୍ୟାରେ ଏକ ବାଇକ୍ (ନଂ.ଓଡି୦୮କେ-୯୩୨୫) ଯୋଗେ ଭୋଲା ଓ ନିଳାମ୍ବର ଯାଉଥିବା ବେଳେ ଅନ୍ୟ ଏକ ବାଇକ୍ (ନଂ.ଓଡି୧୮ଏ-୯୮୦୫) କରନ ଏବଂ ଚୈତନ୍ୟ ଆସୁଥିଲେ। ଜୁନାଗଡ ବ୍ଲକ ମାଟିଗଁା ନିକଟରେ ୨ବାଇକ୍ ମଧ୍ୟରେ ଧକ୍କା ହୋଇଥିଲା। ଘଟଣା ସ୍ଥଳରେ ଜୁନାଗଡ଼ ଭାରପ୍ରାପ୍ତ ଥାନା ଅଧିକାରୀ ଉତ୍ତମ କୁମାର ସାହୁ ପହଞ୍ଚି ତଦନ୍ତ ଆରମ୍ଭ କରିଛନ୍ତି।
