ଯେଉଁମାନେ ପ୍ରତିଦିନ ଗାଧୋଇବାକୁ ଭଲ ପାଆନ୍ତି ନାହିଁ, ସେମାନଙ୍କ ପାଇଁ ଖୁସି ଖବର। ଶୀତ ଦିନେ ପ୍ରତିଦିନ ଗାଧୋଇବା ଦ୍ୱାରା ଅନେକ କ୍ଷତି ହୋଇଥାଏ। ଅବଶ୍ୟ ଏଭଳି କଥା ଏକ ଗବେଷଣାରୁ ଜଣାପଡ଼ିଛି। ଚର୍ମ ବିଶେଷଜ୍ଞଙ୍କ କହିବାନୁଯାୟୀ, ପ୍ରତିଦିନ ଗାଧୋଇବା ଦ୍ୱାରା ଶରୀରର ଚର୍ମ ନଷ୍ଟ ହୋଇଯାଏ। ବିଶେଷକରି ଶୀତ ଋତୁରେ। ଏହି ଋତୁରେ ପ୍ରତିଦିନ ଗାଧୋଇବା ଦ୍ୱାରା ଚର୍ମ ଆଲର୍ଜି ଦେଖାଦେଇଥାଏ। କାରଣ ଏହା ଆବଶ୍ୟକତାଠାରୁ ଅଧିକ ଆର୍ଦ୍ରତା ପାଇଥାଏ।
ନିଜକୁ ସଫା କରିଥାଏ ଚର୍ମ: ଆମେରିକାର ଚର୍ମରୋଗ ବିଶେଷଜ୍ଞ ଡ.ରନେଲା କହିଛନ୍ତି, ଲୋକେ ମଇଳା ଯୋଗୁ ନୁହେଁ ବରଂ ସମାଜର ଚାପ ଯୋଗୁ ପ୍ରତିଦିନ ଗାଧୋଇଥାନ୍ତି। ଅନେକ ଗବେଷଣାରୁ ଏହା ପ୍ରମାଣିତ ହୋଇଛି ଯେ, ଶରୀରର ଚର୍ମ ନିଜକୁ ସଫା କରିବାର ଉତ୍ତମ କ୍ଷମତା ରହିଛି। ଯଦି ଆପଣ ପ୍ରତିଦିନ ଜିମ୍ ଯାଉ ନାହାନ୍ତି, ପ୍ରତିଦିନ ଝାଳ ବାହାରୁ ନାହିଁ, ଧୂଳି କିମ୍ବା କାଦୁଅରେ ରହୁ ନାହାନ୍ତି ତେବେ ପ୍ରତିଦିନ ଗାଧୋଇବାର ଆବଶ୍ୟକତା ନାହିଁ ବୋଲି ଡ.ରନେଲା କହିଛନ୍ତି।
ପ୍ରତିଦିନ ଗାଧୋଇବା ଦ୍ୱାରା ଶୁଷ୍କ ହୋଇଯାଏ ଚର୍ମ: ଶୀତ ଦିନେ ଗରମ ପାଣିରେ ଗାଧୋଇବା ଦ୍ୱାରା ଚର୍ମ ଶୁଷ୍କ ହୋଇଯାଏ। ତେଣୁ ଯଦି ପ୍ରତିଦିନ ଗାଧୋଇବାର ଅଛି ତେବେ ୧୦ ମିନିଟରୁ ଅଧିକ ସମୟ ସ୍ନାନ କରିବା ଅନୁଚିତ।
ଶରୀର ପାଇଁ ଆବଶ୍ୟକ କିଛି ଜୀବାଣୁ: ଜର୍ଜ ୱାଶିଂଟନ ୟୁନିଭର୍ସିିଟିର ସହକାରୀ ପ୍ରଫେସର ଡା. ସି ବ୍ରେଣ୍ଡନ ମିଚେଲ କହିଛନ୍ତି ଯେ, ସ୍ନାନ କରିବା ଦ୍ୱାରା ଚର୍ମର ପ୍ରାକୃତିକ ତୈଳାାଂ ଦୂର ହୋଇଥାଏ, ଯାହା ଭଲ ବ୍ୟାକ୍ଟେରିଆକୁ ବି ଦୂର କରିଥାଏ। ଏହି ଜୀବାଣୁ ପ୍ରତିରକ୍ଷା ପ୍ରଣାଳୀ ଦୃଢ କରିବାରେ ଏମାନଙ୍କର ଭୂମିକା ରହିଛିି । ତେଣୁ ଶୀତଦିନେ ସପ୍ତାହରେ ଦୁଇ ତିନି ଦିନ ଗାଧୋଇବା ଭଲ ବୋଲି ସେ ଉଲ୍ଲେଖ କରିଛନ୍ତି।
