ଆସୁଛି ନବବର୍ଷ ୨୦୨୫। ଏହାକୁ ନେଇ ସମସ୍ତେ ଉତ୍ସାହିତ ଥିବା ବେଳେ ନୂଆ ବର୍ଷ କିଭଳି ଫଳ ଦେବ ତାହାକୁ ନେଇ ଚିନ୍ତିତ। ଏମିତିରେ ଆଜିର ଆଲୋଚନାରେ ଆସନ୍ତୁ ଜାଣିବା କୁମ୍ଭ ରାଶିର ବାର୍ଷିକ ରାଶିଫଳ ବିଷୟରେ। ବୈଦିକ ଜୌତିଷ ଅନୁସାରେ କୁମ୍ଭ ରାଶିର ସ୍ବାମୀ ଶନି ଦେବ। ଶନି ଦେବ ନ୍ୟାୟ ପ୍ରିୟ ଦେବତା। ସେ ବ୍ୟକ୍ତିର କର୍ମ ଅନୁସାରେ ଫଳ ଦେଇଥାନ୍ତି।
ଆଗାମୀ ବର୍ଷ ଆପଣଙ୍କ କର୍ମ ଏବଂ ବ୍ୟବସାୟ ଦୃଷ୍ଟିରୁ ଏପ୍ରିଲଠାରୁ ନେଇ ନଭେମ୍ବର ଯାଏ ସମୟ ଭଲ ରହିବ। ଏସବୁ ମଧ୍ୟରେ ଆପଣ ଉନ୍ନତିର ଶିଖର ଛୁଇଁବେ। କାରଣ ଶନି ସାଢ଼େସାତର ଦ୍ୱିତୀୟ ଚରଣ ମାର୍ଚ୍ଚ ୨୯ରେ ଶେଷ ହେବ। ହେଲେ ଲଗ୍ନରେ ରାହୁ ରହୁଥିବାରୁ ସାମାନ୍ୟ ସଂଘର୍ଷପୂର୍ଣ୍ଣ ବର୍ଷ ରହିବ। ୨୦୨୪ ମୁକାବିଲାରେ ୨୦୨୫ ଶୁଭ ରହିବ। ଏହି ବର୍ଷ ଆପଣଙ୍କୁ ମାନ ସମ୍ମାନ ପ୍ରାପ୍ତ ହେବ।
କୁମ୍ଭ ରାଶିର ବ୍ୟକ୍ତିବିଶେଷଙ୍କ ଆର୍ଥିକ ସ୍ଥିତି:ନୂଆ ବର୍ଷଟି ଧନ ମାମଲାରେ ଭଲ ରହିବ। କ୍ୟାରିୟରରେ ସ୍ଥାୟିତ୍ୱ ରହିବା ଯୋଗୁ ଏହି ବର୍ଷ ଆପଣ ଧନ ସଞ୍ଚୟ କରିବେ।
କ୍ୟାରିୟର ଏବଂ ଶିକ୍ଷା: ଚଳିତ ବର୍ଷ ଜାନୁଆରୀରୁ ମାର୍ଚ୍ଚ ଯାଏ କ୍ୟାରିୟର ଭଲ ରହିବ। ମାର୍ଚ୍ଚରୁ ମେ’ ମାସ ମଧ୍ୟରେ ପ୍ରତିଯୋଗିତାମୂଳକ ପରୀକ୍ଷା, ସାକ୍ଷାତକାରରେ ସଫଳତା ପାଇବେ। ଭିସା ମିଳିପାରେ। ଅଗଷ୍ଟରୁ ଅକ୍ଟୋବର ମାସ ଯାଏ ମାସ ଶୁଭ ରହିବ। ହେଲେ ଆପଣଙ୍କୁ ନିଜର ଆଳସ୍ୟ ପରିତ୍ୟାଗ କରିବାକୁ ହେବ।
ସ୍ବାସ୍ଥ୍ୟ: ବର୍ଷ ୨୦୨୫ରେ କୁମ୍ଭ ରାଶିର ସ୍ବାସ୍ଥ୍ୟାବସ୍ଥାରେ ଉନ୍ନତି ଅବନତି ଦେଖିବାକୁ ମିଳିପାରେ। ନୂଆ ବର୍ଷରେ ଆପଣ ବହୁତ ଯାତ୍ରା କରିପାରନ୍ତି। ଏଣୁ ବାହାର ଖାଦ୍ୟ କମ୍ ଖାଆନ୍ତୁ। ନଚେତ ସ୍ବାସ୍ଥ୍ୟ ବିଗିଡ଼ିପାରେ। ମେ’ରେ ଗୋଚର କୁଣ୍ଡଳୀର ଲଗ୍ନରେ ରାହୁ ଆସିବେ। ଏଣୁ ସ୍ବାସ୍ଥ୍ୟାବସ୍ଥା ଦୁର୍ବଳ ହେବ।
ବୈବାହିକ ଜୀବନ: ଏହି ବର୍ଷ ବୈବାହିକ ଜୀବନ ମିଶ୍ରିତ ରହିବ। ୨୯ ମାର୍ଚ୍ଚରୁ ମେ’ ୧୮ ଯାଏ ବୈବାହିକ ଜୀବନରେ ସାମାନ୍ୟ ଅସୁବିଧା ପରିଲକ୍ଷିତ ହୋଇପାରେ। ପ୍ରେମ ସମ୍ପର୍କରେ ସମସ୍ୟା ଉପୁଜିପାରେ। ପ୍ରେମ ସମ୍ବନ୍ଧ ଭାଙ୍ଗି ଯାଇପାରେ। ଏଣୁ ସାଥୀଙ୍କ ସହ ତାଳମେଳ ଠିକ୍ ରଖନ୍ତୁ।
ଏବର୍ଷ ଶନି ସାଢ଼େସାତି ଚାଲୁଥିବା କାରଣରୁ ଉପାୟ କରନ୍ତୁ। ଶନି ଦେବଙ୍କ ସାମ୍ନାରେ ସୋରିଷ ତେଲର ଦୀପ ଜାଳନ୍ତୁ। ଶନି ଦେବ ସମ୍ବନ୍ଧୟ ଦାନ କରନ୍ତୁ। ଶନି ଚାଳିଶା ଏବଂ ହନୁମାନ ଚାଳିଶା ପାଠ କରନ୍ତୁ। ଏଥିସହ ଶିବଲିଙ୍ଗରେ ରୁଦ୍ରାଭିଷେକ କରନ୍ତୁ।
