ସଇଁତଳା,୩।୨(ରାଖାଲ ପ୍ରସାଦ ଶତପଥୀ): ବଲାଙ୍ଗୀର ଜିଲା ସଇଁତଳା ଥାନା ଅର୍ନ୍ତଗତ କୁସମଖାଲ ଗ୍ରାମ ନିକଟରେ ଏକ କାର ଭାରସାମ୍ୟ ହରାଇ ଓଲଟି ପଡ଼ିଛି। ଫଳରେ ଘଟଣାସ୍ଥଳରେ ଦୁଇ ଜଣଙ୍କ ମୃତ୍ୟୁ ଘଟିଛି। ଅନ୍ୟ ୨ଜଣ ଗୁରୁତର ହୋଇଛନ୍ତି। ମୃତ ବ୍ୟକ୍ତି ହେଲେ କଳାହାଣ୍ଡି ଜିଲା କେସିଙ୍ଗା ଥାନା ଅନ୍ତର୍ଗତ ମୁସ୍କୁଟି ପଞ୍ଚାୟତର କେନ୍ଦୁପଡ଼ା ଗ୍ରାମର ଦେବିଲାଲ ମାଝି ଓ ସଇଁତଳା ଥାନା ଅନ୍ତର୍ଗତ କେନ୍ଦୁଗୁଡ଼ାର ପୃଥିରାଜ ମାଝିଙ୍କ ସ୍ତ୍ରୀ ନଳିନି ମାଝି। ଗୁରୁତର ଦୁଇ ବ୍ୟକ୍ତି ହେଲେ ଡ୍ରାଇଭର ରାମକୃଷ୍ଣ ମାଝି ଓ ଅଞ୍ଜନ କୁମାର ମାଝି।
ସୂଚନାଯୋଗ୍ୟ ଯେ, ଗାଡିରେ ଥିବା ସମସ୍ତ ଯାତ୍ରୀ ସଇଁତଳା ଥାନା ଅନ୍ତର୍ଗତ କେନ୍ଦୁଗୁଡ଼ା ଅଞ୍ଚଳକୁ ଏକ ଭୋଜିରେ ଯୋଗଦେବା ପାଇଁ ଆସି ନିଜ ଗ୍ରାମ ଅଭିମୁଖେ ଫେରୁଥିବାବେଳେ ଦୁର୍ଘଟଣାଗ୍ରସ୍ତ ହୋଇଥିଲା। ଦୁର୍ଘଟଣା ଘଟିଥିବା ଗାଡ଼ିର ନଂ. ଓଡି ୦୨ଏୟୁ ୫୫୮୪। ଘଟଣା ସମ୍ପର୍କରେ ପୋଲିସ ଓ ଅଗ୍ନିଶମ ବିଭାଗ ଖବର ପାଇ ଘଟଣାସ୍ଥଳରେ ପହଞ୍ଚି ସମସ୍ତଙ୍କୁ ଉଦ୍ଧାର କରି ସଇଁତଳା ଡ଼ାକ୍ତରଖାନାକୁ ଆଣିଥିଲେ।
