ନୂଆଦିଲ୍ଲୀ,୧୭।୧: ଗୋଟିଏ ପଟେ କୁହୁଡ଼ି ଯୋଗୁ ବିମାନ ସେବା ପ୍ରଭାବିତ ହେଉଥିବାବେଳେ ଅନ୍ୟ ପଟେ ପାଟନା ବିମାନବନ୍ଦରରେ ବୁଧବାର କିଛି ଘଟିଛି ଯାହା ପାଇଲଟଙ୍କ କଥା ଶୁଣି ସମସ୍ତ ଯାତ୍ରୀ ଆଶ୍ଚର୍ଯ୍ୟ ହୋଇଯାଇଛନ୍ତି। ବିମାନ ଭିତରେ ବସିଥିବା ଯାତ୍ରୀମାନେ ପାଟନା ଠାରୁ ପୁଣେ ଯିବାର ଥିଲା। କିଛି ମିନିଟ ମଧ୍ୟରେ ପୁଣେ ପାଇଁ ବିମାନ ଉଡ଼ାଣ କରିବାକୁ ଯାଉଥିଲା, କିନ୍ତୁ ହଠାତ୍ ପାଇଲଟ ବିମାନଟି ନେବାକୁ ମନା କରିଦେଇଥିଲେ।
ଇଣ୍ଡିଗୋ ଏୟାରଲାଇନ୍ସର ବିମାନ ନମ୍ବର 6E-126 ସହିତ ଏହି ସମ୍ପୂର୍ଣ୍ଣ ଘଟଣା ଘଟିଛି। ବିମାନଟି ପାଟନା ଠାରୁ ପୁଣେକୁ ଦିନ ୧.୩୦ଟାରେ ବିମାନ ଉଡ଼ାଣ କରିବାର କାର୍ଯ୍ୟକ୍ରମ ଥିଲା, କିନ୍ତୁ ବିମାନର ପାଇଲଟ୍ ହଠାତ୍ ତାଙ୍କ ଜେଜେମା’ଙ୍କ ମୃତ୍ୟୁ ଖବର ପାଇଲେ। ଏହା ଉପରେ ପାଇଲଟ କହିଥିଲେ ଯେ,ମୋର ମାନସିକ ସନ୍ତୁଳନ ଭଲ ନାହିଁ। ଏପରି ପରିସ୍ଥିତିରେ ସେ ବିମାନ ଉଡ଼ାଇ ପାରିବେ ନାହିଁ।
ପାଇଲଟଙ୍କ ଏହି ବିବୃତ୍ତି ପରେ ବିମାନରେ ବସିଥିବା ସମସ୍ତ ଯାତ୍ରୀଙ୍କୁ ଓହ୍ଲାଇବାକୁ କୁହାଯାଇଥିଲା। ବିମାନବନ୍ଦର ସୂତ୍ରରୁ ପ୍ରକାଶ ଯେ ସମସ୍ତ ଯାତ୍ରୀଙ୍କୁ ବର୍ତ୍ତମାନ ପାଞ୍ଚରୁ ଛଅଟା ମଧ୍ୟରେ ଅନ୍ୟ ଏକ ବିମାନ ଯୋଗେ ପୁଣେ ପଠାଯିବ। ଦିଲ୍ଲୀରୁ ସେହି ବିମାନ ଉଡ଼ାଣ ପାଇଁ ପାଇଲଟଙ୍କୁ ଡକାଯାଇଛି। ସେଠାରେ ପହଞ୍ଚିବା ପରେ ସମସ୍ତ ଯାତ୍ରୀ ପୁଣେ ଯାଇପାରିବେ।
