ଇସଲାମାବାଦ,୩୦।୬: ଏବେ ଭାରତ ସମଗ୍ର ବିଶ୍ୱରେ ଏକ ଶକ୍ତିଶାଳୀ ଦେଶ ଭାବରେ ନିଜର ପରିଚୟ ସୃଷ୍ଟି କରିଛି। କେବଳ ବିଶ୍ୱର ସମସ୍ତ ଦେଶ ନୁହେଁ, ଭାରତର ପଡୋଶୀ ଦେଶ ପାକିସ୍ଥାନ ମଧ୍ୟ ଏହାକୁ ଭଲ ଭାବରେ ବୁଝି ସାରିଛି। ଏହିପରି ଅନେକ ଭିଡିଓ ପାକିସ୍ତାନରୁ ଆସିଛି ଯେଉଁଥିରେ ସେଠାକାର ଲୋକମାନେ ପ୍ରଧାନମନ୍ତ୍ରୀ ମୋଦିଙ୍କୁ ପ୍ରଶଂସା କରୁଥିବା ଦେଖିବାକୁ ମିଳିଛି। ଏବେ ଆଉ ଏକ ଭିଡିଓ ଭାଇରାଲ ହେଉଛି। ଏହି ଭିଡିଓରେ, ଯେତେବେଳେ ୟୁଟ୍ୟୁବର୍ ଜଣେ ପାକିସ୍ତାନୀ ବ୍ୟକ୍ତିଙ୍କୁ ପ୍ରଧାନମନ୍ତ୍ରୀ ମୋଦିଙ୍କ ବିଷୟରେ ପ୍ରଶ୍ନ କରନ୍ତି, ସେତେବେଳେ ସେ ତାଙ୍କୁ ପ୍ରଶଂସା କରଛନ୍ତି। ପାକିସ୍ତାନୀ ବ୍ୟକ୍ତି ପ୍ରଥମେ କହୁଛନ୍ତି, ଆଇ ଲଭ ୟୁ ମୋଦି ଜୀ। ଆଉ ଏହାପରେ ସେ ମୋଦିଙ୍କର ଖୁବ ପ୍ରଶଂସା କରୁଛନ୍ତି।
ୟୁଟ୍ୟୁବର୍ ଶୋଏବ ମଲିକଙ୍କ ସହ କଥାବାର୍ତ୍ତା କରୁଥିବାବେଳେ ଆବିଦ ଅଲି ନାମକ ଜଣେ ପାକିସ୍ତାନୀ ବ୍ୟକ୍ତି କ୍ୟାମେରା ଆଗରେ କହିଛନ୍ତି ଯେ ଆଜି ସାରା ବିଶ୍ୱ ପ୍ରଧାନମନ୍ତ୍ରୀ ମୋଦିଙ୍କୁ ଭଲ ପାଆନ୍ତି। ଆମେ ହିନ୍ଦୁମାନଙ୍କୁ ସମ୍ମାନ ଦେବା ଉଚିତ।
ଇଜିପ୍ଟରେ ତାଙ୍କୁ ସବୁଠାରୁ ବଡ ପୁରସ୍କାର ବିଷୟରେ ପଚରାଯିବାରୁ ବ୍ୟକ୍ତି ଜଣକ କହିଥିଲେ ଯେ ଏହି ସମୟରେ ସେ ପ୍ରତ୍ୟେକ ବଲରେ ୬ଟି ଛକା ମାରିଛନ୍ତି। ସମସ୍ତେ ତାଙ୍କୁ ଭଲ ପାଆନ୍ତି । ବିଶ୍ୱର ସମସ୍ତ ଇସଲାମ ଦେଶ ତାଙ୍କୁ ପୁରସ୍କାର ପ୍ରଦାନ କରୁଛନ୍ତି। ୟୁଏଇ, ସାଉଦି ଆରବ ପରି ୬ଟି ଇସଲାମ ଦେଶ ପ୍ରଧାନମନ୍ତ୍ରୀ ମୋଦିଙ୍କୁ ନିଜ ଦେଶର ସବୁଠାରୁ ବଡ ସମ୍ମାନ ପ୍ରଦାନ କରିଛନ୍ତି। ପାକିସ୍ତାନର ଲୋକମାନେ ତାଙ୍କ ବିଷୟରେ ଭୁଲ କଥାବାର୍ତ୍ତା କରୁଥିବାବେଳେ ଦେଶର ଅନ୍ୟ ମୁସଲମାନମାନେ ତାଙ୍କୁ ସମ୍ମାନ ଦିଅନ୍ତି। ଆଲ୍ଲା ମୋଦିଙ୍କୁ ଦେଉଥିବା ସମ୍ମାନକୁ କେହି ଛଡ଼ାଇ ନେଇ ପାରିବେ ନାହିଁ।
