ଭୁବନେଶ୍ୱର, ୧୧।୩(କ୍ରୀଡ଼ା ପ୍ରତିନିଧି)- ଝାଡ଼ଖଣ୍ଡର ସିମ୍ଡେଗାରେ ବୁଧବାର ଆରମ୍ଭ ହୋଇଥିବା ହକି ଇଣ୍ଡିଆ ଜାତୀୟ ସବ୍ଜୁନିୟର ମହିଳା ହକି ଚାମ୍ପିୟନଶିପ୍ରେ ଓଡ଼ିଶା ବୃହତ୍ ବିଜୟ ସହ ଅଭିଯାନ ଆରମ୍ଭ କରିଛି। ପ୍ରଥମ ମ୍ୟାଚରେ ଓଡ଼ିଶା ୬-୧ ଗୋଲରେ ଛତିଶଗଡ଼କୁ ପରାସ୍ତ କରିଛି। ଦଳ ପକ୍ଷରୁ ଅମିଶା ଏକ୍କା ୧୫ ଓ ୨୫ତମ ମିନିଟରେ ୨ଟି ଗୋଲ ଦେଇଥିବାବେଳେ ଜ୍ୟୋତି ଖାଖା ୮ମ, ରମ୍ଭା କୁଜୁର ୪୩, ସୁରେଖା ବାହାଲା ୪୬ ଓ ଦୀପିକା ବାରଓ୍ବା ୪୭ତମ ମିନିଟରେ ଗୋଟିଏ ଲେଖାଏ ଗୋଲ ଦେଇଥିଲେ। ଏଞ୍ଜିଲ ହର୍ଷରାଣୀ ମିଞ୍ଜ, ଅମିଶା କୁଲୁ, ସୋନାଲି ଏକ୍କା, ରୋଜେମାରି ଖାଲ୍କୋ, ନିଶା ଦାଦେଲ, ବିନତି ମିଞ୍ଜ, ପ୍ରେମଶୀଳା ବାଗେ, ଦୀପିକା ବାରଓ୍ବା, କରୁଣା ମିଞ୍ଜ, ସୁରେଖା ବାହାଲା, ଅମିଶା ଏକ୍କା, ପ୍ରିୟଙ୍କା କୁଜୁର, ଜ୍ୟୋତି ଖାଖା, ଆନନ୍ଦିତା ଟପ୍ପୋ, ରମ୍ଭା କୁଜୁର, ମୋନିକା ତିର୍କୀ, ରେଶମା ଟପ୍ପୋ, କନିକା କେର୍କେଟା ପ୍ରମୁଖ ଓଡ଼ିଶା ଦଳର ସଦସ୍ୟା ରହିଛନ୍ତି। ଓଡ଼ିଶା ଏହାର ପରବର୍ତ୍ତୀ ମ୍ୟାଚ ୧୨ ତାରିଖରେ ହିମାଚଳ ପ୍ରଦେଶ ବିପକ୍ଷରେ ଖେଳିବ।
