ଗୁଡ଼ାରି,୨୮।୫(ପ୍ରମୋଦ କୁମାର ପତି ): ରାୟଗଡ଼ା ଜିଲା ଗୁଡ଼ାରି ବ୍ଲକ୍ର ଅସଡା ଗ୍ରାମପଞ୍ଚାୟତ ଅନ୍ତର୍ଗତ ସିଲିମି ଗ୍ରାମରେ ଗୁରୁବାର ପାଗଳା କୁକୁର ଆତଙ୍କ ଦେଖିବାକୁ ମିଳିଥିଲା। କୁକୁର କାମୁଡ଼ାରେ ୨ ନାବାଳକଙ୍କ ସମେତ ୩ ଜଣ ଆହତ ହୋଇଛନ୍ତି।
ସିଲିମି ଗ୍ରାମର କୀର୍ତ୍ତନା ଶବର, କିରଣ ଜାଗରଙ୍ଗା ଓ ସାରଙ୍ଗ ଶବରଙ୍କୁ ପାଗଳା କୁକୁର କାମୁଡିବାରୁ ପରିବାର ଲୋକ ଓ ଗ୍ରାମବାସୀ ସେମାନଙ୍କୁ ଗୁଡ଼ାରି ଡାକ୍ତରଖାନାକୁ ନେଇ ଚିକିତ୍ସା କରାଇଥିଲେ। ଡାକ୍ତର କାଶୀନାଥ ବିଶୋଇ ସେମାନଙ୍କୁ ପ୍ରାଥମିକ ଚିକିତ୍ସା କରିବା ସହ ସହ ଆଣ୍ଟି ରେବିଜ୍ ଟିକା ଦେଇଥିଲେ ।
ନିର୍ଦ୍ଧାରିତ ସମୟ ବ୍ୟବଧାନରେ ମେଡିକାଲ ଆସି ଟିକା ନେବା ପାଇଁ ପରାମର୍ଶ ଦେଇଥିଲେ। ସୂଚନା ଅନୁଯାୟୀ, ହଠାତ ଗୋଟିଏ ପାଗଳା କୁକୁର ସିଲିମି ଗାଁ ଭିତରକୁ ପଶି ଏହି ୩ ଜଣଙ୍କୁ ଆକ୍ରମଣ କରିଥିଲା।
