ବଞ୍ଚୋ/ଘସିପୁରା, ୨୮।୫(ପ୍ରଦୋଷ କୁମାର ବିଶ୍ୱାଳ /ନିରଞ୍ଜନ ସାହୁ ): କେନ୍ଦୁଝର ଜିଲା ଘଷିପୁରା ଥାନା ଅନ୍ତର୍ଗତ କୁମୁଣିଆ ଗ୍ରାମରୁ ଏକ ଲଜ୍ଜାଜନକ ଘଟଣା ସାମ୍ନାକୁ ଆସିଛି । ଜଣେ ୧୬ ବର୍ଷୀୟା ନାବାଳିକା ୮ ମାସର ଗର୍ଭବତୀ ଘଟଣାକୁ ନେଇ ଅଞ୍ଚଳରେ ଚର୍ଚ୍ଚା ଜୋର ଧରିଛି । ଏହି ଘଟଣାରେ ଆନନ୍ଦପୁର ଥାନା କୋଲ୍ହାସାହି ଅଞ୍ଚଳର ସୁନୀଲ ହେମ୍ବ୍ରମଙ୍କୁ ପୋଲିସ ଗିରଫ କରିଛି ।
ପ୍ରାପ୍ତ ସୂଚନା ଅନୁସାରେ, ପୀଡିତା ନାବାଳିକା ତାଙ୍କ ମାମୁଁ ଘର କୋଲ୍ହାସାହିକୁ ଯାଇଥିବା ସମୟରେ ଅଭିଯୁକ୍ତ ସୁନୀଲ ହେମ୍ବ୍ରମଙ୍କ ସହ ପରିଚୟ ହୋଇଥିଲା । ପରେ ଦୁହିଁଙ୍କ ମଧ୍ୟରେ ପ୍ରେମ ସମ୍ପର୍କ ଗଢ଼ିଉଠିଥିବା ବେଳେ, ଅଭିଯୁକ୍ତ ନାବାଳିକାଙ୍କ ସହ ଅନେକଥର ଶାରୀରିକ ସମ୍ପର୍କ ରଖିଥିବା ଅଭିଯୋଗ ହୋଇଛି ।
ଏନେଇ ଆନନ୍ଦପୁର ଥାନାରେ କେସ୍ ନଂ–୧୫୭, ତାରିଖ ୨୭.୦୫.୨୦୨୬ ରେ ଭାରତୀୟ ନ୍ୟାୟ ସଂହିତା (BNS) ଧାରା ୬୪(୨)(ଏମ୍) ସହ ପୋକ୍ସୋ ଆଇନର ଧାରା ୬(୧) ଅନୁଯାୟୀ ମାମଲା ରୁଜୁ ହୋଇଛି । ଗିରଫ ଅଭିଯୁକ୍ତ ସୁନୀଲ ହେମ୍ବ୍ରମ (୨୦), ପିତା– ଦବା ଓରଫ ମଙ୍ଗଳ ସିଂହ ହେମ୍ବ୍ରମ, ଗ୍ରାମ– କୋଲ୍ହାସାହି, ଆନନ୍ଦପୁର ବୋଲି ଏସଡିପିଓ କମଳ ଲୋଚନ ପଣ୍ଡା ସୂଚନା ପ୍ରଦାନ କରିଛନ୍ତି ।
