ଶ୍ରୀନଗର,୨୯।୧୧: ଜମ୍ମୁ-କଶ୍ମୀରର ଭାରତ ପାକିସ୍ତାନ ନିୟନ୍ତ୍ରଣ ରେଖାରେ ଉତ୍ତେଜନା ଥମିବାର ନା ଧରୁନି। ଶନିବାର ରାତ୍ର ୯ଟା ୫୦ରୁ ରବିବାର ଭୋର୍ ୪ଟା ୧୫ ପର୍ଯ୍ୟନ୍ତ ପାକିସ୍ତାନ ଫରଓ୍ବାର୍ଡ ପୋଷ୍ଟଗୁଡ଼ିକରୁ ଭାରତୀୟ ସୀମାକୁ ଲକ୍ଷ୍ୟକରି ଘନ ଘନ ମୋର୍ଟାର ଶେଲିଂ ମାଡ଼ କରାଯାଇଛି। ଏସମ୍ପର୍କରେ ରବିବାର ଭାରତୀୟ ପ୍ରତିରକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି। କାଠୁଆ ଜିଲାର ପାନସାର,ମାନୟାରୀ, ହୀରା ନଗରର କାରୋଲ କ୍ରିଷ୍ଣା ଅଞ୍ଚଳରେ ଥିବା ଗାଁ ଏବଂ ଭାରତୀୟ ଫରଓ୍ବାର୍ଡ ପୋଷ୍ଟଗୁଡ଼ିକୁ ଲକ୍ଷ୍ୟ କରି ପାକସ୍ତାନୀ ସୈନ୍ୟ ବାହିନୀ ପକ୍ଷରୁ ମୋର୍ଟାର ମାଡ଼ କରାଯାଇଥିଲା। ଏହର ଜବାବରେ ଭାରତୀୟ ସେନା ପକ୍ଷରୁ ମଧ୍ୟ ଗୁଳିଗୋଳା ମାଡ଼ କରାଯାଇଥିଲା। ଗତ ୮ ମାସ ଧରି ପାକିସ୍ତାନ ଜାଣିଶୁଣି ସୀମାବର୍ତ୍ତୀ ଗାଁ ଗୁଡ଼ିକୁୂ ଟାର୍ଗେଟ୍ କରୁଥିବାରୁ ସ୍ଥାନୀୟ ବାସିନ୍ଦା ଆତଙ୍କିତ ହୋଇପଡ଼ିଥିବା କୁହାଯାଉଛି। ଏଭଳି କରି ଲଞ୍ଚ୍ପ୍ୟାଡ୍ରୁ ଭାରତରେ ଆତଙ୍କବାଦୀ ଅନୁପ୍ରବେଶ ପାଇଁ ପାକିସ୍ତାନ ଷଡ଼ଯନ୍ତ୍ର ରଚିଥିବା ସନ୍ଦେହ କରାଯାଉଛି।
