ବମ୍ବେ: କାର୍ ବିକିବେ ବିଗ୍ ବି ଅମିତାଭ। ନିଜର ପୋର୍ଚେ କେମ୍ୟାନ୍ ଏସ୍ କାର୍କୁ ବିକ୍ରି କରିବାକୁ ଅମିତାଭ ନିଷ୍ପତ୍ତି ନେଇଛନ୍ତି। କାରଟିର ମୂଲ୍ୟ ୧.୨୦ କୋଟି ଟଙ୍କା ହୋଇଥିଲେ ହେଁ ସେ ଏହାକୁ ୩୦ ଲକ୍ଷ ଟଙ୍କାରେ ବିକିବେ ବୋଲି ଶୁଣିବାକୁ ମିଳୁଛି।
୨୦୦୬ରୁ ଗାଡ଼ିଟି ଅମିତାଭଙ୍କ ପାଖରେ ରହିଥିଲା। ଏବେ ଏହି ୧୪ ବର୍ଷ ପୁରୁଣା ଗାଡ଼ିକୁ ବିକିବାକୁ ସେ ଚାହୁଁଛନ୍ତି। ଗାଡ଼ିଟି ମୋଟ ୩୭୦୦ କିଲୋମିଟର ଚାଲିଛି। ଗାଡ଼ିର ନମ୍ବର ଭିଆଇପି ୧୧ ରହିଛି। ତେବେ ଆଗକୁ କିଏ ଏହି ଗାଡ଼ିକୁ କିଣୁଛି ତାହା ଦେଖିବାକୁ ବାକି ରହିଲା।
ଗତବର୍ଷ ଅମିତାଭ ନିଜର ରୋଲ୍ସ ରୋୟସ ଘୋଷ୍ଟ କାର୍ ବିକି ଦେଇଥିଲେ। ଏହାକୁ ବିଦୁ ବିନୋଦ ଚୋପ୍ରା ତାଙ୍କୁ ଉପହାରରେ ଦେଇଥିଲେ। ବର୍ତ୍ତମାନ ସମୟରେ ୭ରୁ ଅଧିକ ଦାମୀ ଗାଡ଼ି ଅମିତାଭଙ୍କ କଲେକ୍ସନରେ ରହିଛି।
