ସୁନ୍ଦର ଓ ଉଜ୍ୱଳ ତ୍ୱଚା ପାଇବା ପାଇଁ କିଏ ବା ନ ଚାହେଁ। ଲୋକମାନେ ସୁନ୍ଦର ହେବା ପାଇଁ ପାର୍ଲର ଯିବା ସହ ବଜାରରେ ମିଳୁଥିବା ବିଭିନ୍ନ ପ୍ରକାରର କ୍ରିମ୍କୁ ଆପଣାଇଥାନ୍ତି। ଏଥିପାଇଁ ସେମାନଙ୍କୁ ବହୁ ଖର୍ଚ୍ଚାନ୍ତ ହେବାକୁ ପଡ଼ିଥାଏ। ବେଳେବେଳେ ବଜାରରେ ମିଳୁଥିବା ବିଭିନ୍ନ ପ୍ରକାରର କ୍ରିମ୍ ମୁହଁକୁ କ୍ଷତି ପହଞ୍ଚାଇଥାଏ। ହେଲେ ଏବେ ହାତ ପାହାନ୍ତାରେ ମିଳିବ ସ୍କିନ ହ୍ବାଇଟନିଂ କ୍ରିମ୍। ଆଉ ଏହାର କୌଣସି ପାର୍ଶ୍ୱ ପ୍ରତିକ୍ରିୟା ନ ଥିବା ବେଳେ ଅଧିକ ଖର୍ଚ୍ଚ ମଧ୍ୟ ନ କରି ଘରେ ହିଁ ତିଆରି କରିପାରିବେ। କେବଳ ଦେଢ଼ ଛୋଟ ଚାମଚ ମେଥି, ଗୋଟିଏ ଚାମଚ ଆଲୋଭେରା ଜେଲ, ୧/୪ ହଳଦୀ ଗୁଣ୍ଡ ଓ ଅଧା ଗ୍ଲାସ ପାଣି ଆବଶ୍ୟକ। ଆଉ ଏହାକୁ ତିଆରି କରିବା ଅତି ସହଜ।
* ସ୍କିନ ହ୍ବାଇଟନିଂ କ୍ରିମ୍ ତିଆରି କରିବା ପାଇଁ ପ୍ରଥମେ ଗ୍ୟାସ୍ରେ ଏକ କଢ଼େଇରେ ପାଣି ଗରମ କରନ୍ତୁ। ଏହାପରେ ସେଥିରେ ମେଥି ଓ ହଳଦୀ ଗୁଣ୍ଡ ପକାନ୍ତୁ। ୫ମିନିଟ୍ ପରେ ଗ୍ୟାସ ବନ୍ଦ କରି ଉକ୍ତ ପାଣିକୁ ଛାଣି ଦିଅନ୍ତୁ।
*ପରେ ଗୋଟିଏ ପାତ୍ରରେ ଆଲୋଭେରା ଜେଲ୍ ନେଇ ସେଥିରେ ଅଳ୍ପ ହଳଦୀ ଗୁଣ୍ଡ ଓ ପୂର୍ବରୁ ଥିବା ମେଥି ପାଣିକୁ ମିଶାଇ ଏକ ମିଶ୍ରଣ ପ୍ରସ୍ତୁତ କରନ୍ତୁ। ଏହାକୁ ୨-୩ ମିନିଟ୍ ପର୍ଯ୍ୟନ୍ତ ଭଲ ଭାବେ ମିଶ୍ରଣ କରନ୍ତୁ। କ୍ରିମ୍ ପ୍ରସ୍ତୁତ ହୋଇଗଲା ପରେ ଏହାକୁ ଏକ କଣ୍ଟେନରରେ ରଖନ୍ତୁ। ଏହାପରେ ଏହି କ୍ରିମ୍କୁ ମୁହଁରେ ଲଗାଇ ୩ରୁ ୪ ମିନିଟ୍ ପର୍ଯ୍ୟନ୍ତ ହାଲୁକା ମସାଜ କରନ୍ତୁ।
*ଏଭଳି କିଛି ଦିନ କଲେ ମୁହଁର ସୌନ୍ଦର୍ଯ୍ୟ ବଢ଼ିବା ସହ ତ୍ୱଚା ଉଜ୍ୱଳ ଦେଖାଯିବ। ଏଥିସହ ମୁହଁରୁ ବ୍ରଣ, ଦାଗ ଓ ରିଙ୍କଲ୍ସ ମଧ୍ୟ ଦୂର ହୋଇଯିବ।
କାରଣ ମେଥି ଶରୀର ପାଇଁ ସ୍ବାସ୍ଥ୍ୟକର ହେବା ସହ ସୌନ୍ଦର୍ଯ୍ୟ ବଢ଼ାଇବାରେ ମଧ୍ୟ ଫଳପ୍ରଦ ହୋଇଥାଏ। ଆଲୋଭେରାରେ ଭିଟାମିନ୍ ଏ ଓ ସି ବ୍ୟତୀତ ଆଣ୍ଟିଅକ୍ସିଡାଣ୍ଟ ରହିଥାଏ। ଏହାଦ୍ୱାରା ମୁହଁରେ ଥିବା ଦାଗ ଓ ରିଙ୍କଲ୍ସକୁ ଦୂର କରିଥାଏ। ସେହିପରି ଘରେ ରୋଷେଇରେ ବ୍ୟବହୃତ ହେଉଥିବା ହଳଦୀ ତ୍ୱଚାର ଉଜ୍ୱଳ ବଢ଼ାଇବାରେ ସହାୟକ ହୋଇଥାଏ। କାରଣ ଏଥିରେ ଆଣ୍ଟିବ୍ୟାକ୍ଟରିଆଲ, ଆଣ୍ଟିମାଇକ୍ରୋବିୟଲ ସହ ତ୍ୱଚାରୁ ଦାଗ କରିବାର ଗୁଣ ରହିଛି।
