ଭବାନୀପାଟଣା,୧୬।୪(ଉତ୍ତମ କୁମାର ଦାଶ)-କଳାହାଣ୍ଡି ଜିଲା ଜୁନାଗଡ଼ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ କାର୍ଯ୍ୟରତ ସ୍ତ୍ରୀ ଓ ପ୍ରସୂତି(ଗାଇନିକ) ବିଭାଗର ଡାକ୍ତର ତପନ କୁମାର ତ୍ରିପାଠୀଙ୍କ ଘରେ ବୁଧବାର ସକାଳୁ ଭିଜିଲାନ୍ସ କଟକ ବିଭାଗ ପକ୍ଷରୁ ଚଢ଼ାଉ କରାଯାଇଛି । ଆୟ ବର୍ହିଭୁତ ସମ୍ପତି ଠୁଳ ଅଭିଯୋଗରେ ତ୍ରିପାଠୀଙ୍କ ଶ୍ୱଶୁର ଅନୁଗୋଳ ଜିଲା ଆଠମଲ୍ଲିକ ବ୍ଲକ ସହକାରୀ ନିର୍ବାହୀ ଯନ୍ତ୍ରୀ ରାମଚନ୍ଦ୍ର ଶତପଥୀଙ୍କ ଘରେ ଭିଜିଲାନ୍ସ ରେଡ କରିଥିଲା। ଏହି ସମ୍ପର୍କରେ ଜୁନାଗଡ଼ ହସ୍ପିଟାଲରେ କାର୍ଯ୍ୟରତ ଜ୍ୱାଇଁ ଡାକ୍ତର ତ୍ରିପାଠୀଙ୍କ ଭଡା ଘରେ ରେଡ ହୋଇଥିବା ସୂଚନା ମିଳିଛି। ତେବେ ଡାକ୍ତରଙ୍କୁ ଘରୁ ନଗଦ ୨୦ ଲକ୍ଷ ଟଙ୍କାରୁ ଉଦ୍ଧର୍ବ ଟଙ୍କା ଜବତ ହୋଇଥିବା ଜଣାପଡିଛି। ବର୍ତ୍ତମାନ ବି ଡାକ୍ତରଙ୍କ ଘର ଭିତରେ ବିଭିନ୍ନ କାଗଜପତ୍ର ଯାଞ୍ଚ କରୁଛି ଭିଜିଲାନ୍ସ ବିଭାଗ।
