ମୁମ୍ବାଇ: ବଲିଉଡ ଅଭିନେତ୍ରୀ ତମନ୍ନା ଭାଟିଆଙ୍କୁ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି)ପଚରାଉଚରା କରୁଛି। ମହାଦେବ ବେଟିଂ ଆପ୍ ସହାୟକ ଆପ ଫେୟାର ପ୍ଲେରେ ଆଇପିଏଲ ମ୍ୟାଚକୁ ପ୍ରମୋଟ କରିବା ମାମଲାରେ ଅଭିନେତ୍ରୀଙ୍କୁ ଇଡି ପକ୍ଷରୁ ପଚରାଉଚରା କରାଯାଉଛି। ଏହି ଆପରେ ଆଇପିଏଲ ମ୍ୟାଚ ବେଆଇନ ଭାବେ ଟେଲିକାଷ୍ଟ କରାଯାଇଥିଲା। ଏହି କାରଣରୁ ଭିଆକମ ୧ କୋଟି ଟଙ୍କା କ୍ଷତି ସହିଥିଲା। ଏହି ମାମଲାରେ ତାଙ୍କର ସମ୍ପୃକ୍ତି ଥିବାରୁ ତମନ୍ନା ଭାଟିଆଙ୍କୁ ଗୁଆହାଟୀର ଇଡି କାର୍ଯ୍ୟାଳୟରେ କ୍ରମାଗତ ପଚରାଉଚରା କରାଯାଉଛି।ଏହା ବ୍ୟତୀତ HPZ ଆପ ସମ୍ବନ୍ଧରେ ମଧ୍ୟ ପଚରାଉଚରା କରାଯାଉଛି।
HPZ ଆପ ସହିତ ଜଡିତ ମନି ଲଣ୍ଡରିଂ ମାମଲାରେ ଇଡି ତମନ୍ନା ଭାଟିଆଙ୍କୁ ପଚରାଉଚରା କରିଥିଲା। ଏହି ଆପକୁ ତମନ୍ନା ଭାଟିଆ ପ୍ରୋମୋଟ କରିଥିଲେ। ଏହି HPZ ଆପ ମହାଦେବ ବେଟିଂ ଆପ ସହିତ ମଧ୍ୟ ସଂଯୁକ୍ତ । HPZ ଆପ ସ୍କାମରେ ପଚରାଉଚରା ପାଇଁ ଇଡି ତମନ୍ନା ଭାଟିଆଙ୍କୁ ଡାକିଛି। ଏହି ମାମଲାରେ ତମନ୍ନା ଭାଟିଆଙ୍କୁ ଅଭିଯୁକ୍ତ ଭାବରେ ପଚରାଉଚରା କରାଯାଉନାହିଁ ବରଂ ଏହି ଆପକୁ ପ୍ରୋମୋଟ କରିବା ସଂପର୍କରେ କରାଯାଉଥିବା ସୂଚନା ରହିଛି।
