ମୁମ୍ବାଇ: ‘ପଠାନ’ ପରେ ବଲିଉଡ ଅଭିନେତା ଶାହାରୁଖ ଖାନ ଏବେ ତାଙ୍କ ଫିଲ୍ମ ‘ଜୱାନ’ ସହିତ ଫେରୁଛନ୍ତି। ଏହି ଫିଲ୍ମକୁ ନେଇ ପ୍ରଶଂସକଙ୍କ ମଧ୍ୟରେ ବହୁତ ଉତ୍ସାହ ରହିଛି। ଶାହାରୁଖ ଖାନ ମଧ୍ୟ ଏହି ଚଳଚ୍ଚିତ୍ରକୁ ବିଭିନ୍ନ ଉପାୟରେ ପ୍ରମୋଟ କରିବାରେ ବ୍ୟସ୍ତ ଅଛନ୍ତି। ଚଳଚ୍ଚିତ୍ରର ଜବରଦସ୍ତ କ୍ରେଜକୁ ଦେଖିଲେ ଏହା କୁହାଯାଇପାରେ ଯେ ‘ଜୱାନ’ ବକ୍ସ ଅଫିସରେ ରେକର୍ଡ ସଂକ୍ୟକ ଆୟ କରିବ। ଏହି ଚଳଚ୍ଚିତ୍ରଟି ଆସନ୍ତା ସେପ୍ଟେମ୍ବର ୭ରେ ପ୍ରେକ୍ଷାଳୟରେ ମୁକ୍ତିଲାଭ କରିବ।
ରାଜଧାନୀରେ ଜି -୨୦ ଶିଖର ସମ୍ମିଳନୀ ହେତୁ ଫିଲ୍ମର ଆୟ ଉପରେ ଏହାର ପ୍ରଭାବ ପଡିପାରେ। କୁହାଯାଉଛି ଯେ, ଦିଲ୍ଲୀର କିଛି ପ୍ରେକ୍ଷାଳୟ ଜି -୨୦ ସମୟରେ ବନ୍ଦ ହୋଇପାରେ। ଏହା ଅନୁମାନ କରାଯାଉଛି, ଶାହାରୁଖଙ୍କ ଫିଲ୍ମର ରୋଜଗାର ଉପରେ ଏହାର ସିଧାସଳଖ ପ୍ରଭାବ ପଡିବ। ରାଜଧାନୀର ଚାରୋଟି ପିଭିଆର ପ୍ରେକ୍ଷାଳୟ ସପ୍ତାହ ଶେଷରେ ବନ୍ଦ ରହିବ। କାରଣ ସେପ୍ଟେମ୍ବର ୯ ଏବଂ ୧୦ ତାରିଖରେ ଜି -୨୦ ଶିଖର ସମ୍ମିଳନୀ ଅନୁଷ୍ଠିତ ହେବ।
