ଯାଜପୁର ଟାଉନ,୩।୮(ଡିଏନଏ): ଯାଜପୁରସହର ବିରଜା ହାଟ ନିକଟରେ ଥିବା ଗହଣା ଦୋକାନରୁ ଶୁକ୍ରବାର ଲୁଟ୍ ହୋଇଯାଇଛି। ପୂର୍ବାହ୍ନ ୯ଟାରେ ପଣ୍ଡା ଜୁଏଲର୍ସ ମାଲିକ ରମାକାନ୍ତ ପଣ୍ଡା ଦୋକାନ ଖୋଲିବା ପାଇଁ ଯାଉଥିବାବେଳେ ପୂର୍ବରୁ ପ୍ରସ୍ତୁତ ଥିବା ୨ଜଣ ଲୁଟେରା ଏକ କଳା ପଲସର ବାଇକ୍ରେ ଆସି ତାଙ୍କ ହାତକୁ ମୋଡି ସେ ଧରିଥିବା ବ୍ୟାଗ୍କୁ ଝାମ୍ପି ନେଇ ଫେରାର ହୋଇଯାଇଥିଲେ। ଉକ୍ତ ବ୍ୟାଗ୍ରେ ୫ଶହ ଗ୍ରାମର ସୁନା ଓ ୨କେ.ଜି ରୂପା ଅଳଙ୍କାର ଥିବା ସେ ଯାଜପୁର ଥାନାରେ ଅଭିଯୋଗ କରିଛନ୍ତି। ଅଭିଯୋଗ ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚତ୍ ତଦନ୍ତ ଆରମ୍ଭ କରିଛି। ସୂଚନା ଯୋଗ୍ୟ ପ୍ରତ୍ୟେକ ଦିନ ରମାକାନ୍ତ ରାତିରେ ଦୋକାନରେ ଥିବା ସୁନା ଅଳଙ୍କାର ବ୍ୟାଗ୍ରେ ଭର୍ତ୍ତିକରି ଘରକୁ ନେଇଯାଇଥାନ୍ତି ପରେ ସକାଳୁ ସେହି ବ୍ୟାଗ୍ଟି ଆଣିଥାନ୍ତି। ଯାହାକି ଲୁଟେରାଙ୍କ ନଜରରେ ରହିଥିଲା। ଯାଜପୁର ସହରରେ କିଛିଦିନ ମଧ୍ୟରେ ୪/୫ ଟି ଲୁଟ୍ ଘଟଣା ହୋଇଥିଲେ ମଧ୍ୟ ପୋଲିସ ଆଜିପର୍ଯ୍ୟନ୍ତ କାହାରିକୁ ଗିରଫ କରିବା ପାଇଁ ସମର୍ଥ ହୋଇନାହିଁ।
