ଭୋଗରାଇ, ୨୩l ୫ (ଡି. ଏନ. ଏ. ): ବାଲେଶ୍ୱର ଜିଲା ଭୋଗରାଇ ବ୍ଲକ ସୀମାନ୍ତ ମାନକୁଣ୍ଡା ହାଟ ଖେଳପଡିଆରେ ଓଡିଶା ଓ ପଶ୍ଚିମବଙ୍ଗ ମୈତ୍ରୀ ଉତ୍ସବ କମିଟି ପକ୍ଷରୁ ମୈତ୍ରୀ ଉତ୍ସବ ଉଦ୍ଘାଟିତ ହୋଇଛି। ଏହି ଉତ୍ସବକୁ ରାଜସ୍ବ ବିଭାଗର ଏଡିଏମ ସୁଚାରୁ ବଳ ଉଦ୍ଘାଟନ କରିଥିଲେ। ଉତ୍ସବ କମିଟି ସଭାପତି ତଥାଗତ ମିଶ୍ରଙ୍କ ସଭାପତିତ୍ୱରେ ପରିଚାଳିତ ଉତ୍ସବରେ ଛାତ୍ରୀଛାତ୍ରଙ୍କ ପକ୍ଷରୁ ସଙ୍ଗୀତ ଗାନ ପରେ ପଣ୍ଡିତ ଅମର ପଣ୍ଡା ମଙ୍ଗଳାଚରଣ କରିଥିଲେ। ଉତ୍ସବର ଲକ୍ଷ୍ୟ ଓ ଉଦ୍ଦେଶ୍ୟ ସମ୍ପର୍କରେ ସୂଚନା ଦେଇଥିଲେ କମିଟି ସଦସ୍ୟ ହରିପଦ ସାହୁ ଓ ପ୍ରଦୀପ କୁମାର ସେଠୀ। ମୁଖ୍ୟଅତିଥି ଭାବେ କାଁଥି ମ୍ୟୁନିସିପାଲିଟି ଚେୟାରମ୍ୟାନ ସୁପ୍ରକାଶ ଗିରି, ମୁଖ୍ୟବକ୍ତା ରିତ୍ତିକ କେଦାର ନାଥ ମହାନ୍ତି, ସମ୍ମାନନୀୟ ଅତିଥି ଭାବେ ପଶ୍ଚିମବଙ୍ଗର ଖାଲେଦ କାଜି, ଜିଲା ପରିଷଦ ସଦସ୍ୟ ସନ୍ତୋଷ କୁମାର ଜେନା, ରାମନଗରର ପୂର୍ବତନ ବ୍ଲକ ଚେୟାରମ୍ୟାନ ବିଦ୍ୟୁତ ଚୌଧୁରୀ, ସମିତିସଦସ୍ୟା ଅଞ୍ଜଳି ପାଢ଼ୀ, ସରପଞ୍ଚ ସଙ୍ଗୀତା ରାଣୀ ମହାନ୍ତି ପ୍ରମୁଖ ଓଡିଶା ସୀମାନ୍ତରେ ମୈତ୍ରୀ ଉତ୍ସବ ଦୁଇ ରାଜ୍ୟର ସମ୍ପର୍କ ସେତୁ ଅତୁଟ ଥିଲା, ରହିଛି ଓ ରହିଥିବ ବୋଲି ପ୍ରକାଶ କରିଥିଲେ। କମିଟି ସମ୍ପାଦକ ତପନ ପାଢ଼ୀ ଧନ୍ୟବାଦ ଦେବା ପରେ ସାଂସ୍କୃତିକ କାର୍ଯ୍ୟକ୍ରମ ବିଳମ୍ବିତ ରାତି ପର୍ଯ୍ୟନ୍ତ ଦର୍ଶକଙ୍କୁ ମନ୍ତ୍ରମୁଗ୍ଧ କରିଥିଲା ।
