ଉମରକୋଟ,୨୭ା୩(ଡି.ଏନ୍.ଏ.):ଉମରକୋଟ ପୌର ପରିଷଦର ୧୩ ନଂ ଓ୍ବାର୍ଡ ଡିଏନ୍କେସ୍ଥିତ ରାମକ୍ରିଷ୍ଣ ମିଶନ ଓ କଳିଙ୍ଗ ବିଦ୍ୟାପୀଠକୁ ସଂଯୋଗ କରୁଥିବା ରାସ୍ତା ଏବେ ମରଣଯନ୍ତା ପାଲଟିଛି । ବିଗତ ୧୨ବର୍ଷ ତଳେ ହୋଇଥିବା ଏହି ରାସ୍ତାର କଂକ୍ରିଟ ବାହାରିଗଲାଣି । ଏହା ପୌର ପ୍ରଶାସନ କିମ୍ବା ଲୋକ ପ୍ରତିନିଧିଙ୍କ ଦୃଷ୍ଟିଗୋଚର ହେଉନାହିଁ। ଉକ୍ତ ରାସ୍ତା ଦେଇ ପ୍ରତିଦିନ ଛୋଟ ପିଲାମାନେ ସ୍କୁଲକୁ ଯିବାଆସିବା କରୁଥିବା ବେଳେ ଗାଡିମୋଟର ବି ଚଳାଚଳ କରୁଛି। ରାସ୍ତାରୁ ବାହାରି ପଡ଼ିଥିବା ଲୁହାଛଡ଼ କେତେବେଳେ ଯେ କୌଣସି ଅଘଟଣ ନ ଘଟାଇବ ଏଥିରେ ସନ୍ଦେହ ନାହିଁ । ଯାହିବି ଅଘଟଣ ଘଟିବ ସେଥିପାଇଁ ପ୍ରଶାସନ ଦାୟୀ ରହିବ ବୋଲି ସ୍ଥାନୀୟ ବାସିନ୍ଦା କହୁଛନ୍ତି। ତେଣୁ ତୁରନ୍ତ ଏହି ରାସ୍ତା ମରାମତି କରାଯାଉ ବୋଲି ସାଧାରଣରେ ଦାବି ହେଉଛି। ସୂଚନା ଅନୁଯାୟୀ, ଗତ ୪ ମାସ ହେଲା ପୌର ପରିଷଦର କୌଣସି ଟେଣ୍ଡର ବାହାରି ନାହିଁ। ଆବଶ୍ୟକ ସ୍ଥଳେ ଜରୁରୀ କାର୍ଯ୍ୟ ଗୁଡିକ ପାଇଁ ପ୍ରତି ମାସରେ ଟେଣ୍ଡର କରାଗଲେ ଲୋକଙ୍କ ସମସ୍ୟା ଶୀଘ୍ର ସମାଧାନ ହୋଇ ପାରିବ ଚର୍ଚ୍ଚା ହେଉଛି। ଏ ନେଇ ନିର୍ବାହୀ ଅଧିକାରୀ ଋଷି ମାଝୀଙ୍କୁ ପଚାରିବାରୁ ରାସ୍ତା ସମସ୍ୟା ତାଙ୍କ ନଜରକୁ ଆସିନାହିଁ। ମାର୍ଚ୍ଚ ପରେ କାମ କରାଯିବ ବୋଲି ସୂଚନା ଦେଇଛନ୍ତି।
