ମୁମ୍ବାଇ,୧୪।୩: ଚଳିତ ଥର ଭାରତ ଓସ୍କାର ପୁରସ୍କାରରେ ଇତିହାସ ସୃଷ୍ଟି କରିଛି। ଯେଉଁଠାରେ ଆର୍ଆର୍ଆର୍ ଚଳଚ୍ଚିତ୍ରର ନାଟୁ ନାଟୁ ଗୀତ ଶ୍ରେଷ୍ଠ ଅରିଜିନାଲ୍ ସଙ୍ଗ୍ ବର୍ଗରେ ଓସ୍କାର ଜିତିଛି ସେଠାରେ ଶ୍ରେଷ୍ଠ ଡକ୍ୟୁମେଣ୍ଟାରୀ ଶର୍ଟ ଫିଲ୍ମ ଭାବେ ‘ଦ’ ଏଲିଫ୍ୟାଣ୍ଟ ହ୍ବିସପରର୍ସ’କୁ ପୁରସ୍କୃତ କରାଯାଇଛି। ବର୍ତ୍ତମାନ ଭାରତୀୟ ଫିଲ୍ମକୁ ଅନ୍ତର୍ଜାତୀୟ ପ୍ଲାଟଫର୍ମରେ ମିଳଥିବା ବିଜୟକୁ ନେଇ ସମଗ୍ର ଦେଶ ଉତ୍ସବ ପାଳନ କରୁଛି। ଇତିମଧ୍ୟରେ ଭାରତର ଏକ ଲୋକପ୍ରିୟ ଦୁଗ୍ଧ ବ୍ରାଣ୍ଡ ଅମୁଲ ଏକ ଡୁଡଲ ମାଧ୍ୟମରେ ୯୫ତମ ଏକାଡେମୀ ଆଓ୍ବାର୍ଡରେ ଶ୍ରେଷ୍ଠ ଡକ୍ୟୁମେଣ୍ଟାରୀ ଶର୍ଟ ଫିଲ୍ମ ବର୍ଗରେ ଓସ୍କାର ଜିତିଥିବା ‘ଦ’ ଏଲିଫ୍ୟାଣ୍ଟ ହ୍ବିସପରର୍ସ’କୁ ଏକ ସୁନ୍ଦର ଶ୍ରଦ୍ଧାଞ୍ଜଳି ଅର୍ପଣ କରିଛି। ଚଳଚ୍ଚିତ୍ର ନିର୍ମାତା ଗୁନୀତ ମୋଙ୍ଗା ଏବଂ ନିର୍ଦ୍ଦେଶକ କାର୍ତ୍ତିକୀ ଗୋନସାଲଭଙ୍କ ହାତୀ ସହିତ ଏକ କାର୍ଟୁନ ଶେୟାର କରି ଏହାର କ୍ୟାପସନରେ େଲେଖିଛନ୍ତି, ‘ହାଥୀ ମେରେ ସାଥି’ ଏବଂ ‘ଅମୁଲ ଜମ୍ବୁ ସ୍ବାଦ’। ଉକ୍ତ ଡୁଡଲରେ ଗୁନୀତ ଏବଂ କାର୍ତ୍ତିକୀଙ୍କୁ ନିଜ ହାତରେ ଓସ୍କାର ଆଓ୍ବାର୍ଡ ଧରିଥିବାର ଦେଖିବାକୁ ମିଳିଥିବା ବେଳେ ହାତୀଟି ମଧ୍ୟ ଦୁଇ ଗୋଡରେ ଠିଆ ହୋଇ ଜଲି ମୁଡରେ ନଜର ଆସିଛି। ଏହି ପୋଷ୍ଟ ଶେୟାର ହେବାର କିଛି ସମୟ ମଧ୍ୟରେ ଏହାକୁ ୭୬,୦୦୦ରୁ ଅଧିକ ଲୋକ ଦେଖି ପସନ୍ଦ କରିଛନ୍ତି। ଏହି ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଥିବା ଜଣାପଡ଼ିଛି।
