କଲିକତା ସହରରେ ଥିବା ହାଓ୍ବଡା ବ୍ରିଜ୍ର ନିଆରା ନିର୍ମାଣ ଶୈଳୀ ଏହାକୁ କେବଳ ଭାରତରେ ନୁହେଁ, ସମଗ୍ର ବିଶ୍ୱର ପର୍ଯ୍ୟଟକମାନଙ୍କ ଦୃଷ୍ଟି ଆକର୍ଷଣ କରିପାରିଛି। ଜାଣିବା ଏହା ସମ୍ପର୍କରେ କିଛି ରୋଚକ ତଥ୍ୟ…
ମିଟର ଲମ୍ବ ବିଶିଷ୍ଟ ହାଓ୍ବଡା ବ୍ରିଜ୍କୁ ନିର୍ମାଣ କରିବା ଲାଗି ୨୬,୫୦୦ ଟନ୍ ଷ୍ଟିଲ୍ ବ୍ୟବହାର କରାଯାଇଛି। ହେଲେ ଏହି ବ୍ରିଜ୍ର ବିଶେଷତ୍ୱ ହେଉଛି ଏଥିରେ ଭାରସାମ୍ୟ ରକ୍ଷା କରିବା ଲାଗି କୌଣସି ଖୁଣ୍ଟ ନିର୍ମାଣ କରାଯାଇନାହିଁ କିମ୍ବା ନଟ୍, ବୋଲ୍ଟ ମଧ୍ୟ ବ୍ୟବହାର ହୋଇ ନାହିଁ।
ପାଲ୍ମର୍ ଏବଂ ଟ୍ରିଟନ୍ ଏହି ବ୍ରିଜ୍ର ଡିଜାଇନ୍ କରିଥିବା ବେଳେ କ୍ଲେଭ୍ଲାଣ୍ଡ ବ୍ରିଜ୍ ଆଣ୍ଡ ଇଞ୍ଜିନିୟରିଂ କମ୍ପାନୀ ଏହାର ନିର୍ମାଣ କାର୍ଯ୍ୟ କରିଥିଲା।
ନିର୍ମାଣ କାର୍ଯ୍ୟ ୧୯୩୬ ମସିହାରେ ଆରମ୍ଭ ହୋଇ ୧୯୪୨ରେ ଶେଷ ହୋଇଥିଲା ଏବଂ ୧୯୪୩, ଫେବୃୟାରୀ ୩ ତାରିଖରେ ଉଦ୍ଘାଟନ ହୋଇଥିଲା।
୧୯୬୫, ଜୁନ୍ ୧୪ରେ ଏହାର ନାମ ପରିବର୍ତ୍ତନ କରି ରବୀନ୍ଦ୍ର ସେତୁ ରଖାଯାଇଥିଲା ହେଲେ ଏହା ହାଓ୍ବଡା ବ୍ରିଜ୍ ନାମରେ ହିଁ ଜଣାଶୁଣା।
ଖୁବ୍ ସୁନ୍ଦର ଲାଇଟ୍ ଡେକୋରେଶନ୍ କରାଯାଇଛି। ତେଣୁ କେବଳ ଦିନ ନୁହେଁ ରାତିରେ ଏହାର ଦୃଶ୍ୟ ଖୁବ୍ ଦୃଷ୍ଟି ଆକର୍ଷକ ହୋଇଥିବାରୁ କେବଳ ବଙ୍ଗାଳୀ ନୁହେଁ ଅନେକ ଭାଷାଭାଷୀର ଚଳଚ୍ଚିତ୍ର ଶୁଟିଂ ଏହା ଉପରେ ଶୁଟିଂ କରାଯାଇଛି।
ବ୍ରିଜ୍ ଉପରେ ଦୈନିକ ପ୍ରାୟ ୧ ଲକ୍ଷ ଯାନବାହନ ଚଳାଚଳ କରୁଥିବା ବେଳେ ପ୍ରାୟ ଦେଢ଼ ଲକ୍ଷ ପଦଚାରୀ ଯାତାୟାତ କରିଥା’ନ୍ତି। ଏଣୁ ଏହାକୁ ପୃଥିବୀର ସର୍ବାଧିକ ଗହଳି ବ୍ରିଜ୍ମାନଙ୍କ ମଧ୍ୟରେ ଅନ୍ତର୍ଭୁକ୍ତ କରାଯାଇଥାଏ।
ପୋର୍ଟ ଟ୍ରଷ୍ଟ ପକ୍ଷରୁ ଏହି ବ୍ରିଜ୍ରୁ ପକ୍ଷୀମଳ ଏବଂ ଅନ୍ୟାନ୍ୟ ଆବର୍ଜନା ସଫା କରିବା ଲାଗି ବାର୍ଷିକ ୫ ଲକ୍ଷ ଟଙ୍କା ଖର୍ଚ୍ଚ କରାଯାଇଥାଏ।
