ବାଙ୍ଗାଲୋର,୧।୪: ଆଇପିଏଲର ୧୪ତମ ସଂସ୍କରଣ ପୂର୍ବରୁ ସର୍ବକାଳୀନ ଆଇପିଏଲ ଦଳ ଘୋଷଣା କରିଛନ୍ତି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ବ୍ୟାଟ୍ସମ୍ୟାନ ଏବି ଡି ଭିଲିୟର୍ସ। ଦଳରେ ୭ ଭାରତୀୟ ଓ ୪ ବିଦେଶୀ ଖେଳାଳିଙ୍କୁ ସ୍ଥାନ ଦେଇଛନ୍ତି। ଆଉ ମହେନ୍ଦ୍ର ସିଂ ଧୋନୀଙ୍କୁ ଦେଇଛନ୍ତି ଏହି ଦଳର ନେତୃତ୍ୱ ଭାର। ନିଜ ଆଇପିଏଲ ଦଳରେ ନିଜକୁ ଯାଗା ଦେଇଛନ୍ତି ଦକ୍ଷିଣ ଆଫ୍ରିକାର ଏହି ମହାନ ଖେଳାଳି।
ଦିଲ୍ଲୀ ପାଇଁ ଖେଳୁଥିବାବେଳେ ମୁଁ ବୀରୁ (ବୀରେନ୍ଦ୍ର ସେହ୍ବାଗଙ୍କ ସହ ଓପନିଂ କରୁଥିଲି। ଏଣୁ ଓପନିଂ ପାଇଁ ମୁଁ ତାଙ୍କୁ ମୋ ଦଳରେ ନେବି। ତାଙ୍କ ସହ ଖେଳିବେ ଗତ ୫ ବର୍ଷରେ ବିଶ୍ୱରେ ସବୁଠୁ ଭଲ ଖେଳିଥିବା ରୋହିତ ଶର୍ମା। ୩ୟ କ୍ରମ ପାଇଁ ଆରସିବି ଅଧିନାୟକ ତଥା ବନ୍ଧୁ ବିରାଟ କୋହଲିଙ୍କୁ ବାଛିଛନ୍ତି ଡି ଭିଲିୟର୍ସ। ଆଉ ନିଜକୁ ରଖିଛନ୍ତି ୪ର୍ଥ ପୋଜିଶନରେ। ଯଦି ତାଙ୍କ ବଦଳ ଖେଳାଳି ଦରକାର ପଡ଼େ ଷ୍ଟିଭ ସ୍ମିଥ ଓ କେନ ଓ୍ବିଲିୟମସନଙ୍କୁ ମଧ୍ୟ ଦଳରେ ରଖିଛନ୍ତି। ୫ମ କ୍ରମରେ ବେନ ଷ୍ଟୋକ୍ସ ଓ ଦଳର ନେତୃତ୍ୱ ନେବେ ମହେନ୍ଦ୍ର ସିଂ ଧୋନୀ। ବୋଲିଂ ବିଭାଗରେ ରହିବେ ରବୀନ୍ଦ୍ର ଜାଡେଜା, ରଶିଦ ଖାନ, ଭୁବନେଶ୍ୱର କୁମାର, କାଗିସୋ ରବାଡା ଓ ଯଶପ୍ରୀତ ବୁମରା।
