ପାତ୍ରପୁର,୧୨ା୭(ଡି.ଏନ୍.ଏ.)- ବାପାଙ୍କ ମୃତଦେହ ଛୁଇଁ ପାରିଲେନି କରୋନା ସଂକ୍ରମିତ ଝିଅ। କୋଭିଡ୍ ହସ୍ପିଟାଲରୁ ଆସି କେବଳ ଶେଷ ଦର୍ଶନ କଲେ। ଏଭଳି ଅଭାବନୀୟ ଘଟଣା ଘଟିଛି ଗଞ୍ଜାମ ଜିଲା ପାତ୍ରପୁର ବ୍ଲକ ଖାରିଆଗୁଡା ଗ୍ରାମରେ।
ଉକ୍ତ ଗ୍ରାମରେ କିଛିବର୍ଷ ହେଲା ପରିବାର ସହ ରହୁଥିଲେ କେ. ଲକ୍ଷ୍ମଣମୂର୍ତ୍ତୀ (୫୮)। ତାଙ୍କର ୪ ଝିଅ। ବଡ ମଝିଆ ଝିଅ ଜଣେ ଏଏନ୍ଏମ୍ ଓ ସେ କିଛିଦିନ ତଳେ କରୋନା ସଂକ୍ରମିତ ଜଣାପଡିବା ପରେ ଶୀତଳାପଲ୍ଲି କୋଭିଡ୍ ହସ୍ପିଟାଲରେ ଚିକିତ୍ସିତ ହେଉଛନ୍ତି। ଶନିବାର ଏକ ଦୁର୍ଘଟଣାରେ ଲକ୍ଷ୍ମଣ ଆହତ ହୋଇ ବ୍ରହ୍ମପୁର ମେଡ଼ିକାଲରେ ଭର୍ତ୍ତି ହୋଇଥିଲେ। ରାତି ପ୍ରାୟ ୨ଟାରେ ତାଙ୍କର ମୃତ୍ୟୁ ଘଟିଥିଲା। ଖବର ପାଇ ଝିଅମାନେ ମେଡିକାଲରେ ପହଞ୍ଚତ୍ଥିଲେ। ବଡ ମଝିଆ ଝିଅ ମଧ୍ୟ କୋଭିଡ୍ ହସ୍ପିଟାଲରୁ ସ୍ବତନ୍ତ୍ର ଆମ୍ବୁଲାନ୍ସରେ ଆସି ପହଞ୍ଚତ୍ଥିଲେ। ୩ ଭଉଣୀ ବାପାଙ୍କ ମୃତଦେହ ନିକଟରେ କାନ୍ଦୁଥିଲେ ମଧ୍ୟ ସେ ପାଖକୁ ଯାଇ ପାରି ନ ଥିଲେ। ପରେ ମୃତଦେହ ଗ୍ରାମକୁ ଅଣାଯାଇଥିଲା। ଦୁଇଝିଅ, ଜ୍ୱାଇଁ ଓ ସାନ ଭାଇ ଗ୍ରାମବାସୀଙ୍କ ସହଯୋଗରେ ସଂସ୍କାର କରିଥିଲେ। ପରେ ବଡ ମଝିଆ ଝିଅ ପୁଣି କୋଭିଡ୍ ହସ୍ପିଟାଲକୁ ଫେରି ଯାଇଥିଲେ।
