ପାତ୍ରପୁର,୯।୬(ଡି.ଏନ.ଏ.)- ପାତ୍ରପୁର ବ୍ଲକ ପୋଲରାଜପୁର ଗ୍ରାମରେ ୨ଜଣ କରୋନା ପଜିଟିଭ ଚିହ୍ନଟ ପରେ ଗ୍ରାମବାସୀଙ୍କ ସମସ୍ୟା ବଢିଛି। ପ୍ରଶାସନ ପକ୍ଷରୁ ଘରଘର ବୁଲି ଥର୍ମାଲ ସ୍କ୍ରିନିଂ ସହ ଗ୍ରାମକୁ ଆଶିଂକ ଲକ୍ଡାଉନ୍ କରାଯାଇଥିବା ତହସିଲଦାର ସୂଚନା ଦେଇଛନ୍ତି। ଗ୍ରାମରୁ କେହି ଅନ୍ୟ ଗ୍ରାମକୁ ଯିବା ବାହାର ଲୋକ ଗ୍ରାମକୁ ଆସିବାକୁ ବାରଣ କରାଯାଇଛି। ଖୁବ୍ଶୀଘ୍ର ଗଁାକୁ ସାନିଟାଇଜ୍ କରାଯିବ ବୋଲି ତହସିଲଦାର ସୂଚନା ଦେଇଛନ୍ତି।
ଏଥିସହ ନିକଟସ୍ଥ ଗ୍ରାମକୁ ଅତ୍ୟାବଶ୍ୟକ ସାମଗ୍ରୀ ପାଇଁ ଗଁା ଲୋକେ ଯାଉଥିବାବେଳେ ସମ୍ପୃକ୍ତ ଗ୍ରାମର ଲୋକେ ବାରଣ କରିବାରୁ ମଙ୍ଗଳବାର ପୋଲରାଜପୁର ଗ୍ରାମବାସୀ ମୁଖ୍ୟରାସ୍ତା ଅବରୋଧ କରିଥିଲେ। ପ୍ରାୟ ୨ଘଣ୍ଟା ଅବରୋଧ ପରେ ସ୍ଥାନୀୟ ସରପଞ୍ଚ ଆସି ବୁଝାଶୁଝା କରିଥିଲେ। ମାତ୍ର ସେମାନେ ରାସ୍ତାରୁ ଉଠି ନ ଥିଲେ। ତହସିଲଦାର ଡା. ଶ୍ରୀନିବାସ ବେହେରା ପହଞ୍ଚତ୍ ବୁଝାଶୁଝା କରିବା ପରେ ଅବରୋଧ ହଟିଥିଲା।
