ମେଲବୋର୍ନ,୨୩।୧୦: ଏକ ରୋମାଞ୍ଚକର ମ୍ୟାଚରେ ଭାରତ ପାକିସ୍ତାନକୁ ୪ ଉଇକେଟରେ ପରାସ୍ତ କରିଛି। ଏହି ମ୍ୟାଚ ପରେ ଭାରତୀୟ ଅଧିନାୟକ ରୋହିତ ଶର୍ମା କହିଛନ୍ତି, ମୋ ପାଇଁ କିଛି କହିବାକୁ କିଛି ଶବ୍ଦ ନାହିଁ। ଶେଷ ଓଭର ସମୟରେ ମୁଁ ଡ୍ରେସିଂ ରୁମରେ ଥିଲି। ମୋର ଆଶା ନ ଥିଲା। ଏହି ପରି ମ୍ୟାଚରେ ଆପଣ ଏପରି ପ୍ରଦର୍ଶନ ଆଶା କରନ୍ତି। ଆମେ ମ୍ୟାଚ ବଞ୍ଚାଇବାକୁ ଚାହିଁଥିଲୁ। ବିରାଟ କୋହଲି ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ଭାଗିଦାରୀ ମ୍ୟାଚର ଗତି ବଦଳାଇ ଦେଇଥିଲା। ଏହି ଉଇକେଟରେ ବ୍ୟାଟିଂ କରିବା ସହଜ ନ ଥିଲା। ଯେଉଁଭଳି ଭାବେ ଆମେ ମ୍ୟାଚ ଜିତିଲୁ, ତାହା ଅବିଶ୍ୱସନୀୟ। ବିରାଟ କୋହଲି ଅନେକ ଚମତ୍କାର ଇନିଂସ ଖେଳିଛନ୍ତି, କିନ୍ତୁ ଏହା ସର୍ବଶ୍ରେଷ୍ଠ। ଏହା ବ୍ୟତୀତ ମୁଁ ସମସ୍ତଙ୍କୁ ଧନ୍ୟବାଦ ଦେବାକୁ ଚାହେଁ।
ପ୍ରଥମେ ବ୍ୟାଟିଂ କରି ପାକିସ୍ତାନ ଭାରତକୁ ୧୬୦ ରନ୍ର ଟାର୍ଗେଟ ଦେଇଥିଲା। ଟାର୍ଗେଟ୍କୁ ପିଛା କରି ଭାରତ ୩୧ ରନ୍ରେ ଚାରି ଉଇକେଟ ହରାଇଥିଲା, କିନ୍ତୁ କୋହଲି-ପାଣ୍ଡ୍ୟା ଯୋଡି ଦଳକୁ ଏକ ଶକ୍ତିଶାଳୀ ସ୍ଥିତିକୁ ନେଇଥିଲେ। ଉଭୟ ୧୧୩ରନ ଭାଗିଦାରୀ କରିଥିଲେ। ଶେଷ ଓଭରରେ ଭାରତ ଜିତିଥିଲା।
