ଭବାନୀପାଟଣା,୨୮।୨: ଭବାନୀପାଟଣା ସହରର ଜଣେ ବ୍ୟବସାୟୀଙ୍କୁ ୧ ଲକ୍ଷ ଟଙ୍କା ଚାନ୍ଦା ମାଗି ଜଣେ ନକଲି ମାଓବାଦୀଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି। ଗିରଫ ବ୍ୟକ୍ତି ଜଣକ ହେଲେ ରାୟଗଡ଼ା ଜିଲା ବିଷମକଟକ ଥାନା ଝିଗିରି ଗ୍ରାମର ପୁରନ୍ଦର ପିଡିକ୍କା (୨୫)। ଏହି ଘଟଣାରେ ଆହୁରି ୩ଜଣ ନକଲି ମାଓବାଦୀ ସମ୍ପୃକ୍ତ ଥିବା ପୋଲିସ ସୂତ୍ରରୁ ଜଣାପଡିଛି। ପୋଲିସ ସୂଚନା ମୁତାବକ, ଭବାନୀପାଟଣା ବୈଶାଳୀ ମିନେରାଲ ପାଣି ବ୍ୟବସାୟୀ ସୁଧୀର ଜୈନଙ୍କୁ ଗତ ୯ ତାରିଖରେ ଏକ ଫୋନ କଲ୍ ଆସିଥିଲା। ଏଥିରେ ଜଣେ ବ୍ୟକ୍ତି ନିଜକୁ ମାଓବାଦୀ କହି ୧ ଲକ୍ଷ ଟଙ୍କା ଚାନ୍ଦା ମାଗିଥିଲେ। ପୁଣି ୧୧ ତାରିଖରେ ଫୋନ କରି ଚାନ୍ଦା ନ ଦେଲେ ପରିଣାମ ଭୟାବହ ହେବ ବୋଲି ଚେତାବନୀ ଦେଇଥିଲେ। ଏ ନେଇ ବ୍ୟବସାୟୀ ସୁଧୀର ଭୟଭିତ ହୋଇ ଭବାନୀପାଟଣା ଟାଉନ ଥାନାରେ ଅଭିଯୋଗ କରିଥିଲେ। ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା।
