ମାଇକେଲ ଜ୍ୟାକସନଙ୍କୁ କିଏ ବା ନ ଜାଣେ। କିନ୍ତୁ ସେ ମୃତ୍ୟୁକୁ ହରାଇବା ଲାଗି କରିଥିଲେ ଯୋଜନା। ଏହି ମହାନ ଡ୍ୟାନ୍ସର ଓ ପପ୍ ସିଙ୍ଗର ଚାହୁଁଥିଲେ ୧୫୦ ବର୍ଷ ବଞ୍ଚିବା ପାଇଁ। ଏ ନେଇ ଘରେ ରଖିଥିଲେ ୧୨ ଜଣିଆ ଡାକ୍ତରୀ ଦଳ। ସେମାନେ ପ୍ରତି ଦିନ ତାଙ୍କ ବାଳଠୁ ଆରମ୍ଭ କରି ଗୋଡ଼ ନଖ ପର୍ଯ୍ୟନ୍ତ ପରୀକ୍ଷା କରୁଥିଲେ। ଲାବରୋଟୋରିରେ ଟେଷ୍ଟ କରାଯାଉଥିଲା ତାଙ୍କ ଖାଦ୍ୟ । ଏହି ପ୍ରସିଦ୍ଧ ଡ୍ୟାନ୍ସରଙ୍କ ପ୍ରତ୍ୟେକ ଦିନର ଏକ୍ସରସାଇଜକୁ ତଦାରଖ କରିବା ପାଇଁ ନିଯୁକ୍ତ ହୋଇଥିଲା ୧୫ ଜଣିଆ ଟିମ୍। ତାଙ୍କ ବେଡ ଏତେ ଅତ୍ୟାଧୁନିକ ଥିଲା ଯେ, ତାହା ନିୟନ୍ତ୍ରଣ କରିପାରୁଥିଲା ଅକ୍ସିଜେନର ମାତ୍ରାକୁ।
କେବଳ ଏତିକି ନୁହେଁ। ଅଙ୍ଗ ଦାନ ପାଇଁ ମଧ୍ୟ ରଖିଥିଲେ ଲୋକଙ୍କୁ। ଆବଶ୍ୟକ ପଡ଼ିଲେ ଡାକ୍ତରୀ ଦଳକୁ ସଙ୍ଗେସଙ୍ଗେ ଯୋଗାଇ ଦିଆଯାଇ ପାରିବ ଯେ କୌଣସି ଅଙ୍ଗ। ଆଉ ଅଙ୍ଗ ଦାନ କରିବାକୁ ଥିବା ବ୍ୟକ୍ତିଙ୍କ ଲାଗି ସେ ସ୍ବତନ୍ତ୍ର ବ୍ୟବସ୍ଥା କରିଥିଲେ। ୧୫୦ ବର୍ଷ ବଞ୍ଚିବା ପାଇଁ ସ୍ବପ୍ନ ଦେଖୁଥିଲେ ମାଇକେଲ।
ହେଲେ ସେ ବିଫଳ ହୋଇଥିଲେ। ୨୦୦୯ ଜୁନ ୨୫ ତାରିଖରେ ୫୦ ବର୍ଷ ବୟସରେ ହଠାତ୍ ଫେଲ ହୋଇଗଲା ତାଙ୍କ ହୃତପିଣ୍ଡ। ବିଶ୍ୱର ଲୋକପ୍ରିୟ ଡ୍ୟାନ୍ସରଙ୍କୁ ବଞ୍ଚାଇ ପାରି ନ ଥିଲା ୧୨ ଜଣିଆ ଡାକ୍ତରୀ ଦଳର କ୍ରମାଗତ ଉଦ୍ୟମ। ୨୫ ବର୍ଷ ଧରି ଯେଉଁ ଷ୍ଟାର ଡାକ୍ତରଙ୍କ ବିନା ପରାମର୍ଶରେ କିଛି କରୁ ନ ଥିଲା, ତାଙ୍କର ୧୫୦ ବର୍ଷ ବଞ୍ଚିବାର ସ୍ବପ୍ନ ପୂରଣ ହୋଇପାରିଲା ନାହିଁ।
ତାଙ୍କର ଶେଷ ଯାତ୍ରକୁ ୨.୫ ନିୟୁତ ଲୋକେ ଦେଖିଥିଲେ। ଏହି ରେକର୍ଡ ଆଜି ବି ଅତୁଟ। ତାଙ୍କ ମୃତ୍ୟୁ ଖବର ପ୍ରଚାର ହେବା କ୍ଷଣି ଟୁଇଟର, ଇନଷ୍ଟାଣ୍ଟ ମେସେନ୍ଜର, ଓ୍ବିକିପିଡିଆ କାର୍ଯ୍ୟ କରି ନ ଥିଲା। ୮ ଲକ୍ଷ ଲୋକେ ଗୁଗଲରେ ମାଇକେଲ ଜ୍ୟାକସନ ସର୍ଚ୍ଚ କରିଥିଲେ। ଏଥିରୁ ଜାଣିପାରୁଥିବେ ମୃତ୍ୟୁକୁ ରୋକା ଯାଇ ପାରିବ ନାହିଁ।
