ଦେଶର ବିଭିନ୍ନ ସ୍ଥାନରେ ନବରାତ୍ର ପାଳନ କରାଯାଉଛି, ହେଲେ ଗୁଜରାଟର ସୁରତରେ ଏଥର ଏହା ଭିନ୍ନ ଢଙ୍ଗରେ ପାଳିତ ହୋଇଛି। ଏଠାରେ ଆୟୋଜିତ ଗରବା ନୃତ୍ୟରେ ଭକ୍ତି ସହ କର୍ତ୍ତବ୍ୟବୋଧ ତଥା ସଚେତନତାର ବାର୍ତ୍ତା ଯୋଡାଯାଇଛିି। ସୁରତର ଏକ ମଲ୍ରେ ଆୟୋଜିତ ନବରାତ୍ର ସମାରୋହରେ ଭାଗନେଇ ଏକ ଡ୍ୟାନ୍ସ ଗ୍ରୁପ୍ ଗରବା ନୃତ୍ୟ ମାଧ୍ୟମରେ ସଡ଼କ ସୁରକ୍ଷା ଉପରେ ସଚେତନତା ଭିତ୍ତିକ ବାର୍ତ୍ତା ଦେଇଛି। ମଲ୍ରେ ପ୍ରଦର୍ଶିତ ହୋଇଥିବା ଏହି ସାଂସ୍କୃତିକ ସମାରୋହରେ ଡ୍ୟାନ୍ସ ଗ୍ରୁପର ସଦସ୍ୟମାନେ ହେଲ୍ମେଟ ପିନ୍ଧି ନୃତ୍ୟ ପରିବେଷଣ କରିଛନ୍ତି। ଜୀବନ ସୁରକ୍ଷିତ ରହିଲେ ସବୁ ପର୍ବର ଆନନ୍ଦ ନେବା ସମ୍ଭବ ଓ ସେଥିପାଇଁ ହେଲ୍ମେଟ ପିନ୍ଧିବା ଜରୁରୀ ବୋଲି କହିଛନ୍ତି ଡ୍ୟାନ୍ସ ଗ୍ରୁପର ଜଣେ ସଦସ୍ୟ ।
ଏହି ସମାରୋହରେ ମହିଳାମାନେ ପରମ୍ପରା ସହ ଟାଟୁକୁ ବି ସ୍ଥାନ ଦେଇଛନ୍ତି। ଟାଟୁଗୁଡିକ ରାଷ୍ଟ୍ରୀୟ ଘଟଣା ଉପରେ ଆଧାରିତ। ଗରବା ନୃତ୍ୟରେ ଭାଗ ନେଇଥିବା ମହିଳାମାନେ ପିଠିରେ ଧାରା ୩୭୦, ଚନ୍ଦ୍ରୟାନ-୨ ସମ୍ବନ୍ଧିତ ଟାଟୁ କରିଥିଲେ। ପିଠିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଟାଟୁ ମଧ୍ୟ ଦେଖିବାକୁ ମିଳିଛିି। ପ୍ଲାଷ୍ଟିକ୍ରୁ ପୃଥିତ୍ବୀକୁ ରକ୍ଷା କରିବା ପାଇଁ ଟାଟୁ ମାଧ୍ୟମରେ ବି ବାର୍ତ୍ତା ଦିଆଯାଇଛି ଏହି ନୃତ୍ୟରେ।
