କୋଲକାତା,୪।୫: ପଶ୍ଚିମବଙ୍ଗରେ ୨୯୪ ବିଧାନସଭା ଆସନ ପାଇଁ ଗଣନା ଚାଲିଛି। ପ୍ରାରମ୍ଭିକ ଟ୍ରେଣ୍ଡରେ ଭାଜପା ୧୮୮ଟି ଆସନରେ ଆଗୁଆ ଥିବା ବେଳେ ତୃଣମୂଳ କଂଗ୍ରେସ (ଟିଏମ୍ସି) ୯୯ଟି ଆସନରେ ଆଗୁଆ ରହିଛି। ଭବାନୀପୁର ଆସନରେ ମମତା ବାନାର୍ଜୀ ଶୁଭେନ୍ଦୁ ଅଧିକାରୀଙ୍କୁ ପଛରେ ପକାଇ ଦେଇଛନ୍ତି। ଏଭଳିସ୍ଥିତିରେ ୫ଟି ପ୍ରମୁଖ କାରଣ ପଞ୍ଚିମବଙ୍ଗରେ ରାଜନୈତିକ ରଙ୍ଗ ବଦଳାଇ ଦେଇଛି।
ଉଲ୍ଲେଖନୀୟ ଯେ, ପ୍ରଧାନମନ୍ତ୍ରୀ ମୋଦି ପଶ୍ଚିମବଙ୍ଗରେ ଶପଥ ନେଇଥିବା ୪ଟି ଆସନ (ଝାଡ଼ଗ୍ରାମ, ବିନପୁର, ଗୋପୀବଲ୍ଲଭପୁର ଏବଂ ନୟାଗ୍ରାମ)ରେ ଭାଜପା ନିଜ ସ୍ଥାନ ମଜଭୁତ କରିଛି। ପ୍ରକୃତରେ, ଭାଜପା ମମତାଙ୍କୁ ପରାସ୍ତ କରିବା ପାଇଁ ୫ଟି ପ୍ରମୁଖ କାରଣ ରହିଛି। ଏହା ବ୍ୟତୀତ, ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ ୧୫ ଦିନ ପାଇଁ ପଞ୍ଚମବଙ୍ଗରେ ଡେରା ପକାଇବା। ଏପରକି ଭାଜପା ପଶ୍ଚିମବଙ୍ଗରେ ସୁଚିନ୍ତିତ ରଣନୀତି ପ୍ରସ୍ତୁତ କରିବା ପ୍ରତିଫଳିତ ହୋଇଛି।
ମାଛ-ଭାତେ
ପ୍ରଚାର ସମୟରେ, ମମତା ବାନାର୍ଜୀ ଅଭିଯୋଗ କରିଥିଲେ ଯେ, ଯଦି ଭାଜପା କ୍ଷମତାକୁ ଆସେ, ତେବେ ଏହା ମାଛ-ଭାତେ ବଙ୍ଗାଳୀ’ (ମାଛ ଏବଂ ଭାତ ଖାଉଥିବା ବଙ୍ଗାଳୀ)ର ପରିଚୟ ନଷ୍ଟ କରିବ ଏବଂ ଏକ ନିରାମିଷ ସଂସ୍କୃତି ଲାଗୁ କରିବ।
ଭାଜପା ଏହି ଆକ୍ରମଣକୁ ବଙ୍ଗଳାର ’ଶକ୍ତି ପରମ୍ପରା’ ସହିତ ଯୋଡ଼ି ଏହାର କାଉଣ୍ଟର କରିଥିଲା, ଯେଉଁଠାରେ ମାଛକୁ ’ମହାପ୍ରସାଦ’ ବୋଲି ବିବେଚନା କରାଯାଏ। ଅନୁରାଗ ଠାକୁରଙ୍କ ପରି ବରିଷ୍ଠ ଭାଜପା ନେତାମାନେ ସାର୍ୱଜନୀନ ଭାବେ ମାଛ ଏବଂ ଭାତ ଖାଇଥିଲେ, ଯାହା ବାର୍ତ୍ତା ଦେଇଥିଲା ଯେ, ଭାଜପାର ହିନ୍ଦୁତ୍ୱ ବଙ୍ଗଳାର ଖାଦ୍ୟ ଏବଂ ସଂସ୍କୃତି ସହିତ ସମ୍ପୂର୍ଣ୍ଣ ସୁସଙ୍ଗତ ଏବଂ ପ୍ରତ୍ୟେକ ପଞ୍ଚିମବଙ୍ଗବାସୀଙ୍କ ଅଧିକାର
‘କାବା’ ବନାମ ‘ମା କାଳି’
ମୁସଲମାନ ବହୁଳ ଅଞ୍ଚଳରେ ଟିଏମସି ସାଂସଦ ସୟାନୀ ଘୋଷ ‘ମେରେ ଦିଲ୍ ମେଁ ହୈ କାବା ଔର ମେରୀ ଆଁ ଖୋଁ ମେଁ ମଦିନା’ ଗୀତ ଗାଇବାର ଏକ ଭିଡିଓ ଭାଇରାଲ ହୋଇଥିଲା। ଅମିତ ଶାହ ଏବଂ ଯୋଗୀ ଆଦିତ୍ୟନାଥ ଏହାକୁ ‘କାଳି’ ବନାମ ‘କାବା’ ଯୁଦ୍ଧରେ ପରିଣତ କରିଥିଲେ।
ମହିଳାଙ୍କୁ ଦୁଇଗୁଣ ସହାୟତା, ସଂରକ୍ଷଣ ପ୍ରତିଶ୍ରୁତି
ମମତା ବାନାର୍ଜୀ ‘ଲକ୍ଷ୍ମୀ ଭଣ୍ଡାର’ ଯୋଜନା ଅଧୀନରେ ମହିଳାମାନଙ୍କ ପାଇଁ ୧,୦୦୦ ଟଙ୍କା ସହାୟତାକୁ ୧୫ ଶହ ଟଙ୍କାକୁ ବୃଦ୍ଧି କରିଥିଲେ। ଏହାର ମୁକାବିଲା କରିବା ପାଇଁ, ଭାଜପା କ୍ଷମତାକୁ ଆସିଲେ ମାସିକ ୩୦୦୦ ଟଙ୍କା ସହାୟତା ଘୋଷଣା କରାଯାଇଥିଲା।
ଏହା ବ୍ୟତୀତ, ନିର୍ୱାଚନ ପୂର୍ୱରୁ, କେନ୍ଦ୍ର ସରକାର ମହିଳା ସଂରକ୍ଷଣ ବିଲ୍ ଆଗତ କରିବାକୁ ସଂସଦର ଏକ ସ୍ୱତନ୍ତ୍ର ଅଧିବେଶନ ଡକାଇଥିଲେ। ଏହା ବାର୍ତ୍ତା ଦେଇଥିଲା ଯେ, ଭାଜପା ମହିଳାମାନଙ୍କୁ କ୍ଷମତାରେ ୩୩% ଅଂଶୀଦାର ଦେଉଛି, ଯେତେବେଳେ ବିରୋଧୀ ଦଳ, ଟିଏମ୍ସି ସମେତ ଏହାର ବିରୋଧ କରୁଥିଲେ। ପ୍ରଧାନମନ୍ତ୍ରୀ ମୋଦି ପ୍ରତିଶ୍ରୁତି ଦେଇଥିଲେ ଯେ, ଯଦି ଭାଜପା ସରକାର କ୍ଷମତାକୁ ଆସେ, ତେବେ ମହିଳାମାନେ ରାତି ୨ଟାରେ ମଧ୍ୟ ମୁକ୍ତ ଭାବରେ ଚଳପ୍ରଚଳ କରିପାରିବେ। ରାତିରେ ବାହାରକୁ ନ ଯିବା ପାଇଁ ମମତା ବାନାର୍ଜୀଙ୍କ ପରାମର୍ଶକୁ ଭାଜପା ବିରୋଧ କରିଥିଲା।
SIR
ନିର୍ୱାଚନ ପୂର୍ୱରୁ କରାଯାଇଥିବା SIR ପ୍ରକ୍ରିୟାରେ ପଞ୍ଚିବବଙ୍ଗର ଭୋଟର ତାଲିକାରୁ ପ୍ରାୟ ୯.୧ ନିୟୁତ ନାମ ବାଦ ଦିଆଯାଇଥିଲା। ମୋଟ ଭୋଟର ସଂଖ୍ୟା ୧୧.୮% ହ୍ରାସ ପାଇଥିଲା, ଯାହା ୭୬.୬ ନିୟୁତରୁ ୬୭.୫ ନିୟୁତ ହୋଇଥିଲା।
ସାଂଗଠନିକ ରଣନୀତ
୨୦୧୧ ପରଠାରୁ କ୍ଷମତାରେ ଥିବା ଟିଏମ୍ସି ବିରୋଧରେ ଦୁର୍ନୀତି ଅଭିଯୋଗ କରି ବ୍ୟକ୍ତିଗତ ଆକ୍ରମଣ କରାଯାଇଥିଲା। ମମତା ବାନାର୍ଜୀଙ୍କୁ ଟାର୍ଗେଟ କରିବା ପରିବର୍ତ୍ତେ, ଏହା ସମଗ୍ର ବ୍ୟବସ୍ଥା ଏବଂ ସିଣ୍ଡିକେଟ ରାଜକୁ ଟାର୍ଗେଟ କରାଯାଇଥିଲା ଏହା ବ୍ୟତୀତ, ୨୦୧୧ ପରାଜୟରୁ ଶିକ୍ଷା ନେଇ, ଦଳ ମାଇକ୍ରୋ-ମ୍ୟାନେଜମେଣ୍ଟ ଉପରେ ଜୋର ଦେଇଥିଲା। ଅମିତ ଶାହ ୧୫ ଦିନ ପାଇଁ ବଙ୍ଗଳାରେ ଶିବିର ସ୍ଥାପନ କରିଥିଲେ, “3 AM ବ୍ଲୁପ୍ରିଣ୍ଟ” ଅଧୀନରେ ସମସ୍ତ ୮୦,୭୧୯ ବୁଥରୁ ତଥ୍ୟ ବିଶ୍ଳେଷଣ କରିଥିଲେ। ଏପରିକି ପାନ୍ନା ପ୍ରମୁଖ ବ୍ୟବସ୍ଥା କାର୍ଯ୍ୟକାରୀ କରିଥିଲେ। ଏପରିକି ପ୍ରତ୍ୟେକ କର୍ମୀଙ୍କୁ 30-60ଜଣ ଭୋଟରଙ୍କୁ ପୋଲିଂ ବୁଥକୁ ଆଣିବାର ଦାୟିତ୍ୱ ଦିଆଯାଇଥିଲା। ବାହାର ନେତାମାନଙ୍କୁ ଲଦିବାର ଦୀର୍ଘକାଳୀନ ଅଭିଯୋଗର ମୁକାବିଲା କରିବା ପାଇଁ, ସ୍ଥାନୀୟ ମୁହଁକୁ ସାମ୍ନା କରାଯାଇଥିଲା, ଏବଂ ଘୋଷଣା କରାଯାଇଥିଲା ଯେ ଭାଜପାର ମୁଖ୍ୟମନ୍ତ୍ରୀ ପଞ୍ଚିମବଙ୍ଗ ମାଟିର ପୁଅ ହେବେ ବୋଲି ଘୋଷଣା କରାଯାଇଥିଲା।
