ନୂଆଦିଲ୍ଲୀ,୧।୮: ସରକାରୀ ଟେଲିକମ କମ୍ପାନୀ ବିଏସ୍ଏନ୍ଏଲ୍ (BSNL) ଜିଓ, ଭୋଡାଫୋନ୍ ଓ ଏୟାରଟେଲ ଭଳି ବେସରକାରୀ କମ୍ପାନୀଙ୍କୁ ଟକ୍କର ଦେବା ପାଇଁ ସ୍ବାଧୀନତା ଦିବସ ପୂର୍ବରୁ ଏକ ଆକର୍ଷଣୀୟ ପ୍ଲାନ ‘ଆଜାଦୀ କା ପ୍ଲାନ’ ଆରମ୍ଭ କରିଛି। ମାତ୍ର ୧ ଟଙ୍କାରେ ଲଞ୍ଚ ହୋଇଥିବା ଏହି ପ୍ଲାନରେ ଗ୍ରାହକମାନେ ହାଇ-ସ୍ପିଡ୍ ଡାଟା, ଅସୀମିତ କଲିଂ, ଏସ୍ଏମ୍ଏସ୍ ଏବଂ ମାଗଣା ସିମ୍ର ସୁବିଧା ପାଇପାରିବେ। ଏହି ପ୍ଲାନ BSNL ସେବା ଅନୁଭବ କରିବାକୁ ଚାହୁଁଥିବା ଗ୍ରାହକଙ୍କ ପାଇଁ ଏକ ଉତ୍ତମ ସୁଯୋଗ ଆଣିଦେଇଛି।
ବିଏସ୍ଏନ୍ଏଲ୍ X ପ୍ଲାଟଫର୍ମରେ ଏହି ପ୍ଲାନ୍ ବିଷୟରେ ସୂଚନା ଦେଇ କହିଛି, ମାତ୍ର ୧ ଟଙ୍କାରେ ଆଜାଦୀ କା ପ୍ଲାନରେ ବିଏସ୍ଏନ୍ଏଲ୍ ସହିତ ପ୍ରକୃତ ଡିଜିଟାଲ ସ୍ବାଧୀନତା ଅନୁଭବ କରନ୍ତୁ।
୧ ଟଙ୍କା ପ୍ଲାନ ନେଇ ସୂଚନା:
ଡାଟା: ପ୍ରତିଦିନ ୨ ଜିବି ହାଇ-ସ୍ପିଡ ଡାଟା
କଲିଂ: ଅସୀମିତ ଭଏସ କଲିଂ
ଏସ୍ଏମ୍ଏସ୍: ପ୍ରତିଦିନ ୧୦୦ ଏସ୍ଏମ୍ଏସ୍
ବୈଧତା: ୩୦ ଦିନ
ଅଫର ଅବଧି: ୧ ଅଗଷ୍ଟ ୨୦୨୫ରୁ ୩୧ ଅଗଷ୍ଟ ୨୦୨୫ ପର୍ଯ୍ୟନ୍ତ
ଏହି ଅଫର କେବଳ ଅଗଷ୍ଟ ମାସ ପାଇଁ ବୈଧ। ତେଣୁ, ୩୧ ଅଗଷ୍ଟ ମଧ୍ୟରେ ଏହି ପ୍ଲାନ ନେବାକୁ ଚାହୁଁଥିବା ଗ୍ରାହକମାନେ ତୁରନ୍ତ ନିକଟସ୍ଥ ବିଏସ୍ଏନ୍ଏଲ୍ ଗ୍ରାହକ ସେବା କେନ୍ଦ୍ର କିମ୍ବା ରିଟେଲରଙ୍କ ନିକଟକୁ ଯାଇ ଏହାର ଲାଭ ଉଠାଇ ପାରିବେ।
ବର୍ତ୍ତମାନ ପର୍ଯ୍ୟନ୍ତ ଜିଓ, ଏୟାରଟେଲ ଓ ଭୋଡାଫୋନ ଆଇଡିଆ ଭଳି ବେସରକାରୀ କମ୍ପାନୀଗୁଡ଼ିକ ଏପରି କୌଣସି ଅଫର ଆରମ୍ଭ କରିନାହାନ୍ତି। ତେବେ ବିଏସ୍ଏନ୍ଏଲ୍ର ଏହି ଆକର୍ଷଣୀୟ ପ୍ଲାନକୁ ଦେଖି ଏହି କମ୍ପାନୀଗୁଡ଼ିକ ମଧ୍ୟ ଶୀଘ୍ର ସମାନ ଧରଣର ଅଫର ଆଣିପାରନ୍ତି।
Azadi ka plan at just Rs. 1/- & get true digital freedom with BSNL.
With 30 days of unlimited calls, 2GB data/day, 100 SMS/day, and a free SIM.
Applicable for new users only.#BSNL #DigitalIndia #IndependenceDay #BSNLFreedomOffer #DigitalAzadi pic.twitter.com/L9KoJNVaXG
— BSNL India (@BSNLCorporate) July 31, 2025
ଟ୍ରାଇ ତଥ୍ୟ ଅନୁଯାୟୀ, ୩୦ ଜୁନ ୨୦୨୫ ସୁଦ୍ଧା ବିଏସଏନଏଲ ୩,୦୫,୭୬୬ ଓ ୱାୟାରଲେସ ଗ୍ରାହକ ହରାଇଛି, ଯାହା ଫଳରେ ଏହାର ମୋଟ ଗ୍ରାହକ ସଂଖ୍ୟା ୯,୦୪,୬୪,୨୪୪କୁ ଖସି ଆସିଛି। ଏଥିରୁ ୨,୯୮,୨୨,୪୦୭ ଗ୍ରାମାଞ୍ଚଳର ଗ୍ରାହକ। ଏହି ନୂଆ ପ୍ଲାନ ବିଏସ୍ଏନ୍ଏଲ୍କୁ ନୂଆ ଗ୍ରାହକ ଆକର୍ଷଣ କରିବାରେ ସାହାଯ୍ୟ କରିପାରେ ବୋଲି ଆଶା କରାଯାଉଛି।
