ନୂଆଦିଲ୍ଲୀ,୨୫।୨: EPFO (କର୍ମଚାରୀ ଭବିଷ୍ୟନିଧି ପାଣ୍ଠି ସଂଗଠନ) ଖୁବ ଶୀଘ୍ର ଏହାର ଗ୍ରାହକମାନଙ୍କ ପାଇଁ UPI ମାଧ୍ୟମରେ PF ଉଠାଣର ସୁବିଧା ଆରମ୍ଭ କରିବାକୁ ଯାଉଛି। ଫାଇନାନ୍ସିଆଲ ଏକ୍ସପ୍ରେସର ଏକ ରିପୋର୍ଟ ଅନୁଯାୟୀ, ଏହି ନୂତନ ବୈଶିଷ୍ଟ୍ୟ PhonePe, Google Pay, Paytm ଏବଂ BHIM ଭଳି ଡିଜିଟାଲ ପେମେଣ୍ଟ ଆପ୍ ମାଧ୍ୟମରେ ତୁରନ୍ତ ପାଣ୍ଠି ସ୍ଥାନାନ୍ତରକୁ ସକ୍ଷମ କରିବ।
ଏପର୍ଯ୍ୟନ୍ତ NEFT କିମ୍ବା RTGS ମାଧ୍ୟମରେ PF ଉଠାଣ ପାଇଁ ୨-୩ ଦିନ ସମୟ ଲାଗୁଥିଲା, କିନ୍ତୁ UPI ଇଣ୍ଟିଗ୍ରେସନ(ସମନ୍ବୟ) ପରେ, ଏହା ରିଅଲ୍-ଟାଇମ୍ ଟ୍ରାନ୍ସଫରରେ ପରିଣତ ହେବ। ଏହି ସୁବିଧାକୁ ଯଥାଶୀଘ୍ର କାର୍ଯ୍ୟକାରୀ କରିବା ପାଇଁ EPFO NPCI (ନ୍ୟାସନାଲ ପେମେଣ୍ଟ କର୍ପୋରେଶନ ଅଫ ଇଣ୍ଡିଆ) ସହିତ ଆଲୋଚନା କରୁଛି।
ଆପଣ ATM ରୁ ମଧ୍ୟ PF ଉଠାଇ ପାରିବେ:
EPFO କେବଳ UPI କାରବାର ମାଧ୍ୟମରେ ନୁହେଁ ବରଂ ATM ମାଧ୍ୟମରେ ମଧ୍ୟ PF ଉଠାଣର ସୁବିଧା ଆରମ୍ଭ କରିବାକୁ ଯୋଜନା କରୁଛି। ଏହାକୁ ଶ୍ରମ ସଚିବ ସୁମିତା ଡାଭରା ୨୦୨୪ ମସିହାରେ ଘୋଷଣା କରିଥିଲେ। ଏହି ସୁବିଧା UAN କିମ୍ବା ଲିଙ୍କ ହୋଇଥିବା ବ୍ୟାଙ୍କ ଆକାଉଣ୍ଟ ମାଧ୍ୟମରେ ଉପଲବ୍ଧ ହେବ।
EPFOର ନୂତନ ଡିଜିଟାଲ ଯୋଜନା:
EPFO ଏହାର ନୂତନ ଡିଜିଟାଲ ଯୋଜନା ଅଧୀନରେ PF ଉଠାଣକୁ ସହଜ କରିବା ପାଇଁ କାମ କରୁଛି। ରିପୋର୍ଟ ଅନୁଯାୟୀ, ଆଗାମୀ ୨-୩ ମାସ ମଧ୍ୟରେ UPI ଆଧାରିତ PF ଉଠାଣ ସୁବିଧା ଆରମ୍ଭ କରାଯାଇପାରିବ, ଯାହା ଦାରା କର୍ମଚାରୀମାନେ ସେମାନଙ୍କର ପାଣ୍ଠିକୁ ଶୀଘ୍ର ପାଇପାରିବେ। EPFO ଏପର୍ଯ୍ୟନ୍ତ ୫୦ ନିୟୁତରୁ ଅଧିକ ଦାବି ସମାଧାନ କରିଛି ଏବଂ ୨୦୨୪-୨୫ ଆର୍ଥିକ ବର୍ଷରେ ୨.୦୫ ଲକ୍ଷ କୋଟିରୁ ଅଧିକ ପାଣ୍ଠି ପ୍ରଦାନ କରାଯାଇଛି। ଏହି ନୂତନ ସୁବିଧା ଆସିବା ସହିତ ପିଏଫ ଉଠାଣ ପ୍ରକ୍ରିୟା ପୂର୍ବ ଅପେକ୍ଷା ଦ୍ରୁତ ଏବଂ ସୁବିଧାଜନକ ହୋଇଯିବ।
