କ୍ୱିଭ,୬ ।୩: ରୁଷିଆ ଆକ୍ରମଣର ସାମ୍ନା କରୁଥିବା ୟୁକ୍ରେନ୍ର ରାଜଧାନୀ କ୍ୱିଭରେ ପ୍ରତିଦିନ ବାଜୁଥିବା ଯୁଦ୍ଧର ସାଇରନ ମଧ୍ୟରେ କ୍ୱିଭ ବାସିନ୍ଦା ଏବେ ଯୋଗକରି ନିଜକୁ ଶାନ୍ତ ରଖୁଛନ୍ତି । ଯୁଦ୍ଧରେ କ୍ୱିଭରେ ୩୦ରୁ ଅଧିକ ପେଶାଦାର ଯୋଗ ଷ୍ଟୁଡିଓ ସଂଚାଳିତ କରାଯାଉଛି । ଏଥିରେ ଶହ ଶହ ଲୋକେ ଯୋଗାସନ ସହ ଧ୍ୟାନ କରୁଥିବା ଜଣାପଡିଛି । କିଛି ଷ୍ଟୁଓିଓ ଭର୍ଚୁଆଲ କ୍ଲାସ ମାଧ୍ୟମରେ ଯୋଗର ପ୍ରଶିକ୍ଷଣ ଦେଉଛନ୍ତି ।
ଘରର ଲିଭିଂ ରୁମରେ କିଛି ଲୋକଙ୍କୁ ପ୍ରତିଦିନ ଭର୍ଚୁଆଲ ଯୋଗ ଶିଖାଉଥିବା ଯୋଗ ଶିକ୍ଷକ ପାବ୍ଲୋ ବୁବ୍ଲିକ କୁହନ୍ତି, ଲୋକେ ତାଙ୍କୁ କହୁଛନ୍ତି ସେମାନେ ଆନ୍ତରିକ ସନ୍ତୁଳନ ଚାହୁଁଛନ୍ତି । ଆଉ ଯୋଗ ସେମାନଙ୍କ ଜୀବନରେ ସ୍ଥାୟିତ୍ୱ ଆଣୁଛି । ଗୁରୁତ୍ୱପୂର୍ଣ୍ଣ କଥା ହେଉଛି କେବଳ ବଡ ନୁହେଁ ପିଲାମାନେ ବି ଯୋଗ ପ୍ରତି ରୁଚି ରଖୁଥିବା ଦେଖାଯାଇଛି ।
କ୍ୱିଭ ବାହାରେ ଥିବା ଯୋଗ ଷ୍ଟୁଡିଓ ଓଏସିସରେ ଡର୍ଜନେ ପିଲା ପ୍ରତିଦିନ ତେତିୟାନା ନେମିକିନାରୁ ଯୋଗ ଶିଖାଇବାକୁ ଆସୁଛନ୍ତି । ଅନେକ ଥର ବିମାନ ଆକ୍ରମଣ ଯୋଗୁ ବ୍ଲାକଆଉଟ କାରଣରୁ ଫ୍ଲାସ ଲାଇଟ ଆଲୋକରେ ଯୋଗାସନ କରାଯାଉଛି ।
ଏମାନେ କୁହନ୍ତି ଯୋଗ କରିବା ଦ୍ୱାରା ଭୟ ସ୍ଥାନରେ ଶାନ୍ତି ଓ ପରମ ଆନନ୍ଦ ମିଳୁଛି । ଯୋଗସହ ଜଡିସ ଭିଡିଓ ନିର୍ମାଣ କରୁଥିବା ଅଭିନେତା ବୁର୍ଲାକା କହିଛନ୍ତି, ଯାଗ ଦ୍ୱାରା ସ୍ଥିର ଚିତ୍ତରୁ ଶାରୀରିକ ସୁସ୍ଥତା ହାସଲ ହେଉଛି ।
