ପଣଜୀ, ୩୦।୬ : ମହାରାଷ୍ଟ୍ର ରାଜନୈତିକ ସଙ୍କଟରେ ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ପଦରୁ ଇସ୍ତଫା ଦେଇ ସାରିଛନ୍ତି। ରାଜ୍ୟରେ ଭାଜପା ସରକାର ଗଠନ ପାଇଁ ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ଼ନଭୀସଙ୍କ ନେତୃତ୍ୱରେ ଆଲୋଚନା ଜାରି ରହିଛି। ଏପରିସ୍ଥଳେ ଏକନାଥ ସିନ୍ଧେ ଗୋଷ୍ଠୀର ବିଦ୍ରୋହୀ ବିଧାୟକ ଦୀପକ କେଶାରକର ଗୋଆରେ ଏକ ଗଣମାଧ୍ୟମ ସମ୍ମିଳନୀରେ କହିଛନ୍ତି ଯେ, ଉଦ୍ଧବଙ୍କୁ ଆଘାତ ଦେବା ଆମର ଉଦ୍ଦେଶ୍ୟ ନଥିଲା।
ଆମେ ବିଦ୍ରୋହ କରିଥିଲେ ବି ଅଣ୍ଟି ଛୁରି ହୋଇ ତଣ୍ଟି କାଟିନୁ। ରାଜ୍ୟ ସଭା ନିର୍ବାଚନରେ ଉଦ୍ଧବ ଶିବସେନା ସଦସ୍ୟଙ୍କୁ ନିର୍ବାଚିତ କରାଇବା ଲାଗି ପୂର୍ବରୁ କହିଥିଲେ। ତେବେ ଶିବସେନାରର ମେଣ୍ଟ ସହଯୋଗୀ ବିଶ୍ୱାସଘାତକତା କରିଥିବାରୁ ଏହା ସମ୍ଭବ ହୋଇ ପାରି ନଥିବା ଦୀପକ କହିଛନ୍ତି।
ସୂଚନାଯୋଗ୍ୟ ,ସମ୍ପ୍ରତି ବିଦ୍ରୋହୀ ବିଧାୟକମାନେ ଗୋଆରେ ଥିବାବେଳେ କେବଳ ଏକନାଥ ସିନ୍ଧେ ରାଜ୍ୟରେ ସରକାର ଗଠନ ଲାଗି ଆଲୋଚନା ପାଇଁ ମୁମ୍ବାଇ ଆସିଥିବା କୁହାଯାଉଛି।
