ଅର୍ଥଶସ୍ତ୍ର, ରାଜନୀତି ଏବଂ କୁଟନୀତି ସହ ଅନେକ କ୍ଷେତ୍ରରେ ପ୍ରବୀଣ ଆଚାର୍ଯ୍ୟ ଚାଣକ୍ୟ ନିଜର ନୀତିଶାସ୍ତ୍ର ‘ଚାଣକ୍ୟ ନୀତି’ରେ ମନୁଷ୍ୟ ଜୀବନ ସହ ଜଡ଼ିତ ବିଭିନ୍ନ ସମସ୍ୟା ଉପରେ ଆଲୋକପାତ କରିଛନ୍ତି। ଏଭଳି ଏକ ଶ୍ଳୋକରେ ଚାଣକ୍ୟ କେଉଁ ସ୍ଥାନରେ ବିଲ୍କୁଲ ରହିବା ଉଚିତ ନୁହେଁ ସେ ବିଷୟରେ ବର୍ଣ୍ଣନା କରିଛନ୍ତି।
धनिक: श्रोत्रियो राजा नदी वैद्यस्तु पंचम:।
पंच यत्र न विद्यन्ते तत्र दिवसं न वसेत्।।
ଶ୍ଳୋକରେ ଚାଣକ୍ୟ କୁହନ୍ତି:
-ଯେଉଁ ସହରରେ କୌଣସି ଧନୀ ବ୍ୟକ୍ତି ନ ଥିବ
-ଯେଉଁ ଦେଶରେ କୌଣସି ବିଦ୍ୱାନ ନ ଥିବ
-ଯେଉଁ ଦେଶରେ କୌଣସି ରାଜା ଅଥବା ସରକାର ନ ଥିବ
-ଯେଉଁ ସହରରେ ଅଥବା ଗାଁରେ କୌଣସି ଡାକ୍ତର ନ ଥିବ
-ଯେଉଁ ସ୍ଥାନ ନିକଟରେ କୌଣସି ନଦୀ ନ ଥିବ
ଏସବୁ ସ୍ଥାନରେ ମନୁଷ୍ୟ ରହିବା ବିଷୟରେ ଭାବିବା ଉଚିତ ନୁହେଁ।
ଚାଣକ୍ୟ କୁହନ୍ତି, ଜୀବନର ସମସ୍ୟାରେ ଏହି ୫ ଜିନିଷର ମହତ୍ୱ ଅଧିକ। କାରଣ ବିପଦ ସମୟରେ ଧନର ଆବଶ୍ୟକତା ପଡ଼ିଥାଏ। କେବଳ ଧନୀ ବ୍ୟକ୍ତି ହିଁ ସେହି ସମୟରେ ସହାୟତା କରିପାରନ୍ତି। ରାଜ୍ୟ ଶାସନ ପାଇଁ ରାଜାର ଆବଶ୍ୟକତା ଥାଏ। ଜଳ ପାଇଁ ନଦୀ ଏବଂ ରୋଗର ଚିକିତ୍ସା ପାଇଁ ଡାକ୍ତରଙ୍କ ଆବଶ୍ୟକତା ଥାଏ।
