ଡିଜିଟାଲ ପରିଚାଳିକା

ଆମେରିକାର ନବନିର୍ବାଚିତ ରାଷ୍ଟ୍ରପତି ଜୋ ବାଇଡେନ୍‌ ଚଳିତମାସ କ୍ଷମତାରେ ବସିବାକୁ ଯାଉଥିବାରୁ ତାଙ୍କ ପ୍ରଶାସନରେ କେଉଁମାନଙ୍କୁ ନେବେ ସେଥିଲାଗି କସରତ ଚାଲିଛି। ନିକଟରେ ବାଇଡେନ୍‌ଙ୍କ ହ୍ବାଇଟ୍‌ ହାଉସ୍‌ ଅଫିସ୍‌ ଅପ୍‌ ଡିଜିଟାଲ ଷ୍ଟ୍ରାଟେଜି ଗଢ଼ାଯାଇଛି। ଉଲ୍ଲେଖଯୋଗ୍ୟ, ଡିଜିଟାଲ କୌଶଳ ତିଆରି କରିବାରେ ଏହି ଟିମ୍‌ ମୁଖ୍ୟତଃ କାର୍ଯ୍ୟ କରିବ। ହ୍ବାଇଟ୍‌ ହାଉସ୍‌ ସହ ଆମେରିକୀୟମାନଙ୍କୁ ଅଭିନବ ଉପାୟରେ ଯୋଡ଼ିବାରେ ଏହାର ବିଶେଷଜ୍ଞମାନେ ପ୍ରମୁଖ ଭୂମିକା ନିଭାଇବେ। ଏହି ଟିମ୍‌ରେ ପ୍ଲାଟଫର୍ମ ମ୍ୟାନେଜର, ଡିଜିଟାଲ ପାର୍ଟନରଶିପ୍‌ ମ୍ୟାନେଜର, ଭିଡିଓ ଡାଇରେକ୍ଟର, ଡାଇରେକ୍ଟର ଅଫ୍‌ ପ୍ଲାଟଫର୍ମସ, କ୍ରିଏଟିଭ୍‌ ଡାଇରେକ୍ଟର, ଡିଜାଇନର, ଟ୍ରାଭେଲିଂ କଣ୍ଟେଣ୍ଟ ଡାଇରେକ୍ଟର, ଡେପୁଟି ଡାଇରେକ୍ଟର ଅଫ୍‌ ଡିଜିଟାଲ ଷ୍ଟ୍ରାଟେଜି ଏବଂ ଡାଇରେକ୍ଟର ଅଫ୍‌ ଡିଜିଟାଲ ଏନ୍‌ଗେଜ୍‌ମେଣ୍ଟ ଭଳି ପଦବୀ ରହିଛି। ତେବେ ଏଥିରେ କଶ୍ମୀର ଜନ୍ମିତ ଆୟେଶା ଶାହାଙ୍କୁ ଡିଜିଟାଲ ଷ୍ଟ୍ରାଟେଜିର ପାର୍ଟନରଶିପ୍‌ ମ୍ୟାନେଜର ଭାବେ ଅବସ୍ଥାପିତ କରାଯାଇଛି। ଫଳରେ ବାଇଡେନ୍‌ ପ୍ରଶାସନରେ ଭାରତୀୟ ବଂଶୋଦ୍ଭବଙ୍କ ସଂଖ୍ୟା ବଢ଼ିଚାଲିଛି।
ଆମେରିକାର ଲୁଇସିଆନାରେ ବଢ଼ିଥିବା ଆୟେଶା ଡାଭିଡ୍‌ଶନ କଲେଜରୁ ସ୍ନାତକ ଶେଷ କରିଥିଲେ। ଏବେ ସ୍ମିଥ୍‌ସୋନିଆନ୍‌ ଇନ୍‌ଷ୍ଟିଚ୍ୟୁଶନ୍‌ରେ ଆଡ୍‌ଭାନ୍ସମେଣ୍ଟ ସ୍ପେଶିଆଲିଷ୍ଟ ଭାବେ କାର୍ଯ୍ୟ କରୁଛନ୍ତି। ବାଇଡେନ୍‌-ହାରିଶ୍‌ ନିର୍ବାଚନ ଅଭିଯାନରେ ସେ ଡିଜିଟାଲ ପାର୍ଟନରଶିପ୍‌ ମ୍ୟାନେଜର ଭାବେ କାର୍ଯ୍ୟ କରି ନିଜର ଦକ୍ଷତା ପ୍ରତିପାଦନ କରିଥିବାରୁ ତାଙ୍କୁ ଏଭଳି ପୁରସ୍କାର ମିଳିଲା ବୋଲି କୁହାଯାଉଛି। ସେ ଜନ୍‌ ଏଫ୍‌ କେନେଡି ସେଣ୍ଟର ଫର୍‌ ପର୍ଫର୍ମିଂ ଆର୍ଟସର କର୍ପୋରେଟ୍‌ ଫଣ୍ଡ୍‌ର ଆସିଷ୍ଟାଣ୍ଟ୍‌ ମ୍ୟାନେଜର ଥିଲେ। ଜଣେ ରାଷ୍ଟ୍ରପତିଙ୍କ ସ୍ମାରକୀ କାର୍ଯ୍ୟକ୍ରମକୁ ପ୍ରସାରିତ କରିବାରେ ଆୟେଶା ଯେଉଁଭଳି ଢଙ୍ଗରେ କାର୍ଯ୍ୟ କରିଥିଲେ, ତାହା ଅତି ପ୍ରଶଂସନୀୟ ହୋଇପାରିଥିଲା। ସାମାଜିକ ପରିବର୍ତ୍ତନ ଆଣିବା ଦିଗରେ ପପ୍‌ ସଂସ୍କୃତିର ସାହାରା ନେଇଥିଲେ। ଏହିଭଳି ଅଭିନବ ପଦକ୍ଷେପ ନେବାରେ ଆୟେଶାଙ୍କ ନେତୃତ୍ୱ ବାଇଡେନ୍‌ଙ୍କୁ ଆକର୍ଷିତ କରିଥିଲା। ଦେଖାଯାଏ, ଆଧୁନିକ ଯୁଗରେ ଯୋଗାଯୋଗ ମାଧ୍ୟମକୁ ଯିଏ ଭଲ ଭାବେ ବ୍ୟବହାର କରିପାରିଲା, ତାଙ୍କର ସେତେ ଉପରକୁ ଉଠିବାର ମାର୍ଗ ପ୍ରଶସ୍ତ ହୋଇଯାଇଥାଏ। ନବନିର୍ବାଚିତ ରାଷ୍ଟ୍ରପତି ବାଇଡେନ୍‌ ଓ ଉପରାଷ୍ଟ୍ରପତି କମଲା ହାରିଶ୍‌ଙ୍କ ଦାୟିତ୍ୱ ଗ୍ରହଣ ସମୟରେ ଏକାଥରକେ ଯେଭଳି ଏକ ପରିବର୍ତ୍ତନ ଦେଖାଦେଇପାରିବ, ସେହି ଦିଗରେ ଆୟେଶା ପ୍ରୟାସ କରୁଛନ୍ତି। ସେ ତାଙ୍କ ଟିମ୍‌ ସଦସ୍ୟଙ୍କୁ ଏଥିଲାଗି ପ୍ରୋତ୍ସାହିତ କରିଚାଲିଛନ୍ତି।
କୁହାଯାଉଛି, ଯେଉଁଭଳି ଢଙ୍ଗରେ ବାଇଡେନ୍‌ ତାଙ୍କ ଡିଜିଟାଲ ଟିମ୍‌ ପ୍ରତି ପ୍ରାଧାନ୍ୟ ଦେଇଛନ୍ତି, ତାଙ୍କ ଦାୟିତ୍ୱ ଗ୍ରହଣ ପରେ ସେ ଲୋକଙ୍କ ନିକଟରେ ସହଜରେ ପହଞ୍ଚତ୍ପାରିବେ। ଫଳରେ ବାଇଡେନ୍‌ଙ୍କ ନିଜସ୍ବ ସୋସିଆଲ୍‌ ପ୍ଲାଟଫର୍ମକୁ ଅତିକ୍ରମ କରି ଡିଜିଟାଲ ଯୋଗାଯୋଗ ଶକ୍ତିଶାଳୀ ହୋଇପାରିବ ବୋଲି ଡେମୋକ୍ରାଟ୍‌ ଲିଡର ବିଶ୍ୱାସ ରଖିଛନ୍ତି। ପୁଣି ମହାମାରୀ ସମୟରେ ଡିଜିଟାଲ କମ୍ୟୁନିଟିଜ୍‌ ଆଣ୍ଡ୍‌ ଅନ୍‌ଲାଇନ୍‌ ସ୍ପେସେସ୍‌ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିବାରୁ ଏହାକୁ ଆହୁରି ସୁଦୃଢ଼ କରିବା ଲାଗି ଡିଜିଟାଲ୍‌ ଟିମ୍‌ ଲାଗିପଡ଼ିଛି। କୁହାଯାଉଛି, ଏହି ବ୍ୟବସ୍ଥା ଦ୍ୱାରା ସବୁ ଆମେରିକୀୟଙ୍କ ସହ ପ୍ରତ୍ୟକ୍ଷ କଥା ହେବା ସହଜ ହୋଇପାରିବ। ଏପରିକି ଯେଉଁ ଆମେରିକୀୟ ଯେଉଁଠାରେ ଥିବେ, ସଙ୍ଗେ ସଙ୍ଗେ ତାଙ୍କ ପାଖରେ ଡିଜିଟାଲ ଟିମ୍‌ ପହଞ୍ଚିବାରେ ସକ୍ଷମ ହେବ। ଏହିଭଳି ଡିଜିଟାଲ ସମ୍ପର୍କ ବଢ଼ିପାରିଲେ ବାଇଡେନ୍‌ଙ୍କ ପ୍ରଶାସନ ଅଧିକ କ୍ରିୟାଶୀଳ ହୋଇପାରିବ ବୋଲି ଆୟେଶା କହିଛନ୍ତି। ବାଇଡେନ୍‌-ହାରିଶ୍‌ ନିର୍ବାଚନ ଅଭିଯାନରୁ ଡିଜିଟାଲ ଟିମ୍‌ ଜରିଆରେ ଆମେରିକୀୟଙ୍କ ନିଟରେ ପହଞ୍ଚିବାରେ ଆୟେଶା ଯେଉଁ ସେତୁ ଗଢ଼ିଛନ୍ତି, ତାହା ଅନ୍ୟାନ୍ୟ ରାଷ୍ଟ୍ରର ରାଜନେତାଙ୍କ ସଫଳତା ପାଇଁ ଏକ ରୋଲ୍‌ ମଡେଲ୍‌ ଭାବେ ନିଶ୍ଚିତ କାର୍ଯ୍ୟ କରିବ ବୋଲି ଆଶା କରାଯାଏ।

-ଜିତେନ୍ଦ୍ର କୁମାର ନାୟକ


Enter your email to get our daily news in your inbox.

All Right Reserved By Dharitri.Com

ଗୁରୁତ୍ୱ କେଉଁଠ

ଝାଡ଼ଖଣ୍ଡ ଗୁମ୍‌ଲା ଜିଲାର ଏକ ଗ୍ରାମରେ ୨୧ ଜୁଲାଇରେ ଗୁଣିଗାରେଡ଼ିି ସନ୍ଦେହରେ ୪ ଜଣଙ୍କୁ ପିଟିପିଟି ହତ୍ୟା କରାଯାଇଛି। ଏହାର ୩ ଦିନ ପୂର୍ବରୁ ବିହାରର...

ଏଇ ଭାରତରେ

ଦିବ୍ୟାଙ୍ଗ ବି ଚାଷରେ ପାରଙ୍ଗମ ହୋଇପାରନ୍ତି ଯାହା ପ୍ରମାଣ କରିଛନ୍ତି କର୍ନାଟକର ଜେ. ରାମକୃଷ୍ଣ। ମାଣ୍ଡ୍ୟ ଅଞ୍ଚଳର ରାମକୃଷ୍ଣଙ୍କୁ ୨ ବର୍ଷ ବୟସ ହୋଇଥିବାବେଳେ ସେ...

ଆମେ ମଣିଷ କମ୍‌, ଯନ୍ତ୍ର ବେଶି

ମୀରା ବେଉରା ପୃଥିବୀର ଜନସଂଖ୍ୟା ହୁ ହୁ ହୋଇ ବଢ଼ିଚାଲିଛି। ଯୁଆଡ଼େ ଚାହିଁବ ସିଆଡ଼େ ମଣିଷ। ଏହି ପୃଥିବୀ ପୃଷ୍ଠରେ ବାସ କରୁଥିବା ପ୍ରାଣୀଙ୍କ ମଧ୍ୟରୁ...

ଏଇ ଭାରତରେ

ପରୀକ୍ଷାରେ ମାତାପିତାଙ୍କ କୋଭିଡ୍‌ ରିପୋର୍ଟ ପଜିଟିଭ ମିଳିବା ପରେ ସେମାନଙ୍କ ପିଲାମାନେ ଏକପ୍ରକାର ଅସହାୟ ମନେକରନ୍ତି। ମୁଖ୍ୟତଃ ବସ୍ତିରେ ରହୁଥିବା ଗରିବ ଶ୍ରେଣୀର ପିଲାମାନଙ୍କ ଜୀବନ...

ନୀଳବର୍ଣ୍ଣ ଓଡ଼ିଆଙ୍କ କଥା

ଚିତ୍ର ଚରିତ୍ର/ ଅଧ୍ୟାପକ ନିରଞ୍ଜନ ପାଢ଼ୀ ଏକଥାଟି ଯେଉଁମାନଙ୍କ ସମ୍ପର୍କରେ କୁହାଯାଇଛି, ସେମାନଙ୍କ ପାଖରେ ଏହା ପହଞ୍ଚତ୍ବ ବୋଲି ଆଦୌ ବିଶ୍ୱାସ ନାହିଁ। ଆଧୁନିକତା ଓ...

ଉପଭୋକ୍ତା ସଶକ୍ତୀକରଣର ନୂତନ ଦିଶା

ନଗେନ୍ଦ୍ର ନାଥ ପଟ୍ଟନାୟକ   ବହୁ ପ୍ରତୀକ୍ଷାର ଅନ୍ତ ଘଟାଇ ଶେଷରେ ନାଗରିକ ଉପଭୋକ୍ତା ଅଧିକାରକୁ ମଜଭୁତ କରିବା ଉଦ୍ଦେଶ୍ୟରେ କେନ୍ଦ୍ର ସରକାର ଗତ କିଛିଦିନ...

ସ୍ପୋକନ ଇଂଲିଶ ଶିକ୍ଷା : ଏକ ପ୍ରବଞ୍ଚନା

ଡ. ସୁବାସ ଚନ୍ଦ୍ର ପାତ୍ର ପ୍ରଥମ ଶ୍ରେଣୀରୁ ସ୍ପୋକନ ଇଂଲିଶ ଶିକ୍ଷା ପାଇଁ ଉଦ୍ୟମ, ଗଣମାଧ୍ୟମରେ କୋଳାହଳ ସୃଷ୍ଟି ପାଇଁ ଉଦ୍ଦିଷ୍ଟ। ଏହା ଏକ ଆତ୍ମରକ୍ଷାମୂଳକ...

ସମ୍ପାଦକୀୟ/ ପୋଲ ଦବିଲା

ନିକଟ ଅତୀତରେ ଭୁବନେଶ୍ୱର ବମିଖାଲ ଫ୍ଲାଏଓଭର ନିର୍ମାଣ ବେଳେ ସ୍ଲାବ ଖସିବା ଓ ଗାର୍ଡଓ୍ବାଲ୍‌ ଭାଙ୍ଗିପଡ଼ିବା ଯୋଗୁ ଦୁଇ ଜଣଙ୍କ ଜୀବନ ଯାଇଥିଲା। କିଛିଦିନ ପୂର୍ବରୁ...

Advertisement


Archives

Model This Week