ଲାଞ୍ଜିଗଡ଼,୨୮।୩(ରମେଶ ଚନ୍ଦ୍ର ନାୟକ): କଳାହାଣ୍ଡି ଜିଲା ଲାଞ୍ଜିଗଡ଼ ବ୍ଲକ ଲାଖବାହାଲି ପଞ୍ଚାୟତ ଅଧୀନ ଥୁଆଙ୍ଗପଦର ଗ୍ରାମରେ ଅଗ୍ନି ଭୈରବୀଙ୍କ ଝାମୁଯାତ୍ରା ମଙ୍ଗଳବାର ସମ୍ପନ୍ନ ହୋଇଯାଇଛି। ପରମ୍ପରା ଅନୁଯାୟୀ, ପୂଜକମାନେ ସାତଟି ନୂଆ ଚାଙ୍ଗୁଡ଼ିରେ ଖଣ୍ଡାବସା ନଦୀରୁ ବାଲି ଆଣି ବିଭିନ୍ନ ପ୍ରକାର ଶସ୍ୟ ଧାନ, ମକା, ବିରି, କୋଳତ ଇଦ୍ୟାଦି ବିହନ ପକାଇଥିଲେ। ଗାଁରୁ ସଂଗ୍ରହ କରିଥିବା ବିଭିନ୍ନ ପ୍ରକାର ଶସ୍ୟ ଧାନ, ମକା, ବିରି, କୋଳଥ ଇତ୍ୟାଦି ବିହନ ଗଜା ହେବା ପାଇଁ ୭ଟି ଚାଙ୍ଗୁଡ଼ିରେ ନଦୀରୁ ଅଣାଯାଇଥିବା ବାଲିରେ ପକାଯାଇଥାଏ। ସେହି ଗଜା ବିହନକୁ ସାତଦିନ ଦିନ ପର୍ଯ୍ୟନ୍ତ ମନ୍ଦିରରେ ପୂଜାର୍ଚ୍ଚନା କରାଯାଇଥାଏ ଓ କଞ୍ଚା ମାଟିରେ ସେ ଦିନ ବସି ଭକ୍ତଙ୍କୁ ଦର୍ଶନ ଦିଅନ୍ତି ଦେବତା। ସପ୍ତମ ଦିନ ନିକଟସ୍ଥ ତାଦିଶୋରୁ ଜଙ୍ଗଲକୁ ଯାଇ ପୂଜକମାନେ ଝାମେରା କଣ୍ଟା ଆଣି ଦୋଲି ପ୍ରସ୍ତୁତ କରିଥିଲେ। ସେହି ବେଲ କଣ୍ଟାରେ ନିର୍ମିିତ କଣ୍ଟାଦୋଳି ଉପରେ ଦେବି ବସି ଭକ୍ତମାନଙ୍କୁ ଦର୍ଶନ ଦେବା ପରେ ସପ୍ତମ ଦିନରେ ଅଗ୍ନି ଭୈରବୀ ନିଆଁରେ ତିଆରି ଝାମୁ ଖନ୍ଦାକୁ ଦୁଇଥର ପ୍ରଦକ୍ଷିଣ କାଳସି ନିଆଁ ଉପରେ ଚାଲି ଭକ୍ତଙ୍କୁ ତାଙ୍କର ଶକ୍ତିର ପରିଚୟ ଦିଅନ୍ତି। ଏହି ସମୟରେ ଶ୍ରଦ୍ଧାଳୁଙ୍କ ହର୍ଷଧ୍ୱନୀ ସହିତ ଡମବାଜା, ଘୁମୁରା ଓ କୀର୍ତ୍ତନର ଶବ୍ଦ ଗୁଞ୍ଜରି ଉଠୁଥିଲା। ଏହିପରି ପାରମ୍ପରିକ ରିତିନିତି ବା ଦେବନୀତି ପାଳନ କରି ଗାଁ ପୂଜକ ବନା ମାଝି, ଉଆଁସୁ ନାଏକ, ରିତ ନିତ ଅନୁସାରେ ପୂଜାର୍ଚନା କରିଥିଲେ। ଏଯାତ୍ରା ସରିବା ପରେ ମାନସିକ କରିଥିବା ଲୋକଙ୍କ ଦ୍ୱାରା ଶହଶହ କୁକୁଡା, ପାରା, ବତକ, ଛେଳି ଆଦି ବଳି ଦିଆଯାଇଥିଲା। ଶାନ୍ତିଶୃଙ୍ଖଳା ରକ୍ଷା ପାଇଁ ଗାଁର ମାଁ ଭୈରବି ଯୁବକ ସଂଘ ଅନୁଷ୍ଠାନ ପକ୍ଷରୁ ବିଷ୍ମ ମାଝି, ରାମ ମାଝି, ବିଜୟ ମାଝି, ଭଦ୍ର ମାଝି, ସୁଶାନ୍ତ ମାଝି, ବିଗ୍ନ ମାଝି, କରୁଣା ମାଝିଙ୍କ ସମେତ ଅନୁଷ୍ଠାନର ସମସ୍ତ ସଦସ୍ୟ ସହଯୋଗ କରିଥିଲେ।
