ଦୁନିଆ ଭିଡ଼ ଭିତରେ କେହି ହଜିଗଲେ ଖୋଜି ପାଇବା କଷ୍ଟକର। ମାତ୍ର ୨୦ ବର୍ଷ ଧରି ଜଣେ ମହିଳା ତାଙ୍କ ପିତାଙ୍କୁ ଖୋଜି ଚାଲିଥିଲେ। ଏବେ ତାଙ୍କୁ ପୂରା ପରିବାର ମିଳିଯାଇଛନ୍ତି। ଖୁସିରେ ତାଙ୍କ ଗୋଡ଼ ତଳେ ଲାଗୁନି।
ଏକ ଟିଭି ଶୋ’ ମାଧ୍ୟମରେ ଯୁବତୀ ଜଣକ ତାଙ୍କ ପରିବାର ବିଷୟରେ ସମ୍ପୂର୍ଣ୍ଣ କାହାଣୀ ଶୁଣାଇଛନ୍ତି। ୟୁକେରେ ରହୁଥିବା ଲୁଇସ୍ ଷ୍ଟପାନି କହିଛନ୍ତି, ସେ ତାଙ୍କ ମା’ଙ୍କ ସହ ବହୁତ ଖୁସିରେ ଜୀବନ ବିତାଉଥିଲେ। ଯେତେବେଳେ ତାଙ୍କୁ ୭ ବର୍ଷ ହୋଇଥିଲା। ତାଙ୍କ ମା’ ଦିନେ ତାଙ୍କୁ କହିଲେ ଯାହାକୁ ତୁ ନିଜ ପିତା ବୋଲି ଭାବୁଛୁ ସେ ତୋ ପ୍ରକୃତ ପିତା ନୁହନ୍ତି। ମା’ଙ୍କ ଏହି କଥା ଶୁଣି ଲୁଇସ୍ଙ୍କୁ ବହୁତ କଷ୍ଟ ହୋଇଥିଲା। କିନ୍ତୁ ସେ ଏ ବିଷୟରେ ଜାଣିବାକୁ ବେଶ୍ ଉତ୍ସୁକ ଥିଲେ କି ପ୍ରକୃତରେ ତାଙ୍କ ପିତା କିଏ।
ଲୁଇସ୍ଙ୍କ ମା’ କହିଛନ୍ତି, ୧୬ ବର୍ଷ ବୟସରେ ତାଙ୍କର ଜଣେ ବ୍ୟକ୍ତିଙ୍କ ସହ ପ୍ରେମ ହୋଇଗଲା। ଏହା ପରେ ଲୁଇସ୍ଙ୍କ ଜନ୍ମ ହୋଇଥିଲା। ତାଙ୍କର ପ୍ରକୃତ ପିତାଙ୍କ ନାମ ପଲ୍। କିନ୍ତୁ ଏବେ ସେ ପଲ୍ଙ୍କ ସହ ରହୁନାହାନ୍ତି। ପରେ ଲୁଇସଙ୍କ ମା’ ଜନ୍ଙ୍କୁ ବିବାହ କରିଥିଲେ। ମା’ଙ୍କ ଦ୍ୱିତୀୟ ବିବାହ ପରେ ଲୁଇସଙ୍କର ଆଉ ଜଣେ ଭଉଣୀ ଜନ୍ମ ହେଲେ। କିନ୍ତୁ ଲୁଇସଙ୍କୁ ତାଙ୍କ ସାବତ ପିତା ବହୁତ ଭଲ ପାଆନ୍ତି। ଯେତେବେଳେ ମା’ଙ୍କଠାରୁ ଶୁଣିଲେ ଜନ୍ ତାଙ୍କ ପ୍ରକୃତ ପିତା ନୁହନ୍ତି, ସେତେବେଳେ ସେ ତାଙ୍କ ପ୍ରକୃତ ପିତାଙ୍କୁ ଖୋଜିବାକୁ ଲାଗିଲେ।
ଏକ ଟିଭି ଶୋ’ ମାଧ୍ୟମରେ ସେ ପିତା ପଲ୍ଙ୍କ ବିଷୟରେ ଜାଣିବା ପାଇଁ ସହାୟତା ଲୋଡ଼ିଥିଲେ। ଏହି ଟିମ୍ ପକ୍ଷରୁ ପଲଙ୍କୁ ବିଷୟରେ ସୂଚନା ମିଳିଥିଲା। ଶୋ’ର ହୋଷ୍ଟ ଡେଭିନା ମାଇକେଲ କହିଛନ୍ତି, ୨୮ ବର୍ଷ ବୟସରେ ପଲ୍ଙ୍କ ମୃତ୍ୟୁ ଘଟିଥିଲା। ମାତ୍ର ତାଙ୍କ ପରିବାରର ଅନ୍ୟ ସଦସ୍ୟମାନେ ଅଛନ୍ତି। ଲୁଇସ୍ ପିତାଙ୍କ ମୃତ୍ୟୁ ଖବର ପାଇବା ପରେ ଦୁଃଖିତ ହୋଇଥିଲେ। ଏକ ଫଟୋ ଶେୟାର କରି କହିଥିଲେ ପିତାଙ୍କୁ ସିନା ପାଇ ପାରିଲିନି କିନ୍ତୁ ପୂରା ପରିବାରକୁ ପାଇଲି। ମୁଁ ବହୁତ ଖୁସି।
