ଆମେରିକାରେ କରୋନା ଟିକା ନେବାକୁ ଆସିଥିବା ଜଣେ ଯୁବକ ନର୍ସଙ୍କୁ ନିଆରା ସର୍ପ୍ରାଇଜ୍ ଦେଇଛନ୍ତି। ୩୧ ବର୍ଷୀୟ ମେଡିକାଲ ଆସିଷ୍ଟାଣ୍ଟ ରବି ଭାର୍ଗସ କୋର୍ଟେସ ଏବଂ ବୃତ୍ତିରେ ଜଣେ ନର୍ସ ଏରିକ୍ ଭର୍ଡେରଲି ୫ ବର୍ଷ ଧରି ସମଲିଙ୍ଗୀ ରିଲେସନଶିପ୍ରେ ଥିଲେ। ଟିକା ନେବାର ଠିକ୍ ପୂର୍ବରୁ କର୍ଟେସ ଟିକାକରଣ କେନ୍ଦ୍ରରେ ପହଞ୍ଚି ଏରିକ୍ଙ୍କୁ ବିବାହ ପ୍ରସ୍ତାବ ଦେଇଥିଲେ। ସୋସିଆଲ ମିଡିଆରେ ଏହି ପ୍ରସ୍ତାବର ଭିଡିଓ ଏବେ ଭାଇରାଲ ହେଉଛି।
ଆମେରିକାର ଦକ୍ଷିଣ ଡାକୋଟାସ୍ଥିତ ଏକ ଡାକ୍ତରଖାନାରେ ଟିକା ଦେବା ପାଇଁ କର୍ଟେସଙ୍କୁ ନିଯୁକ୍ତି ମିଳିଥିଲା। ସେ ଜାଣିଥିଲେ ଯେ, ତାଙ୍କ ପ୍ରେମିକା ମଧ୍ୟ ଟିକା ଉପରେ କାମ କରୁଛନ୍ତି। ଏହି କାରଣରୁ ସେ ଟିକାକରଣ ଦିନ ପ୍ରେମିକାଙ୍କୁ ଆଶ୍ଚର୍ଯ୍ୟ କରିବାକୁ ନିଷ୍ପତ୍ତି ନେଇଥିଲେ।
ପ୍ରେମିକାଙ୍କୁ ପ୍ରସ୍ତାବ ଦେବା ଏବଂ କରୋନା ଟିକାକରଣର ମାତ୍ର ୧୦ ମିନିଟ୍ ପରେ କର୍ଟେସଙ୍କୁ ମଧ୍ୟ ଡ୍ୟୁଟିରେ ଯିବାକୁ ପଡ଼ିଲା। କାରଣ ହଠାତ୍ ଆମ୍ବୁଲାନ୍ସ କଲ ଆସିଲା। ସନଫୋର୍ଡ ସ୍ବାସ୍ଥ୍ୟ କେନ୍ଦ୍ର ଫେସବୁକ୍ରେ ଏହି ସମଲିଙ୍ଗୀ ଯୋଡ଼ିଙ୍କ ବିବାହ ପ୍ରସ୍ତାବର ଏକ ଭିଡିଓ ପୋଷ୍ଟ କରାଯାଇଛି। ଯାହା ଏବେ ଭାଇରାଲ ହୋଇଛି।
ବିବାହ ପ୍ରସ୍ତାବ ଦେବା ପାଇଁ ୩ ବର୍ଷ ଧରି ଏକ ମୁଦି କିଣି ପାଖରେ ରଖିଥିଲେ ବୋଲି କର୍ଟେସ କହିଛନ୍ତି। କିନ୍ତୁ ସେ ଏକ ବିଶେଷ ଦିନ ଖୋଜୁଥିଲେ। ମହାମାରୀ ଶେଷ ହେବା ପରେ ହିଁ ସେମାନେ ବିବାହ କରିବେ ବୋଲି କହିଛନ୍ତି।
