ସଚେତନତା ହିଁ ଚିନ୍ତାଧାରା ବଦଳାଇବାର ବଡ଼ ମାଧ୍ୟମ

‘ଗୋମାୟା ପେଣ୍ଟ୍‌ସ’ର ପ୍ରତିଷ୍ଠାତା ତଥା ପରିଚାଳନା ନିର୍ଦ୍ଦେଶକ ଦୁର୍ଗା ପ୍ରିୟଦର୍ଶିନୀ ତାଙ୍କ ବ୍ୟବସାୟିକ ଯାତ୍ରା ଆରମ୍ଭ କରିବା ପୂର୍ବରୁ ଜଣେ ଗୃହିଣୀ ଭାବେ ସମାଜ ଓ ପରିବେଶ ପାଇଁ କିଛି କରିବାର ସ୍ବପ୍ନ ଦେଖୁଥିଲେ। ୨୦୨୦ ମସିହାରେ ଡେଏରୀ ଫାର୍ମିଂ ବିଷୟରେ ଅନୁସନ୍ଧାନରୁ ଜାଣିପାରିଥିଲେ ଯେ ବଜାରରେ କ୍ଷୀରର ମୂଲ୍ୟ ଥିବାବେଳେ ଗୋବରକୁ ପ୍ରାୟତଃ ଅବହେଳା କରାଯାଉଛି, ଯଦିଓ ଏହାକୁ ନେଇ ଅନେକ ସମ୍ଭାବନା ରହିଛି। ସେହି ଚିନ୍ତାଧାରା ତାଙ୍କ ଜୀବନ ବଦଳାଇଦେଲା। ସେ ସ୍ଥିର କରିଥିଲେ ଯେ, ଲୋକେ ଯାହାକୁ ଆବର୍ଜନା ବୋଲି ବିବେଚନା କରନ୍ତି, ତାହାକୁ ଏକ ମୂଲ୍ୟବାନ୍‌ ପରିବେଶ ଅନୁକୂଳ ଉତ୍ପାଦରେ ରୂପାନ୍ତରିତ କରିବେ। ଏଥିପାଇଁ ସେ ଗୋମାୟା ପେଣ୍ଟ୍‌ସ ପ୍ରତିଷ୍ଠା କରିଥିଲେ। ଏହା କେବଳ ଏକ ରଙ୍ଗ କମ୍ପାନୀ ନୁହେଁ, ଏହା କୃଷକଙ୍କୁ ସମର୍ଥନ କରିବା, ପରିବେଶକୁ ସୁରକ୍ଷିତ ରଖିବାର ଏକ ମିଶନ। ଦୁର୍ଗାଙ୍କ ବ୍ୟବସାୟିକ ଯାତ୍ରା ସମ୍ପର୍କରେ ତାଙ୍କ ସହ ସ୍ବତନ୍ତ୍ର ସାକ୍ଷାତ୍‌କାର…

ପ୍ର- ପରିବେଶ ଅନୁକୂଳ ଗୋବର ପେଣ୍ଟ୍‌ ତିଆରି କରିବାର ଚିନ୍ତାଧାରା ଆପଣଙ୍କୁ କେଉଁଠାରୁ ମିଳିଲା ଏବଂ ଏହି ଧାରଣା କିପରି ଏକ ବ୍ୟବସାୟର ରୂପ ନେଲା?
ଉ- ଡେଏରୀ ଟ୍ରେନିଂ ସମୟରେ ମୁଁ ଦେଖିଲି ଯେ ବୟସ୍କ ଗାଈମାନେ କ୍ଷୀର ନ ଦେବା ଫଳରେ ଚାଷୀମାନଙ୍କ ରୋଜଗାର ପ୍ରଭାବିତ ହେଉଛି। ଗୋବର ପ୍ରଚୁର ପରିମାଣରେ ଉପଲବ୍ଧ ହେଉଥିଲେ ମଧ୍ୟ ଏହାର କୌଣସି ବାଣିଜି୍ୟକ ମୂଲ୍ୟ ପ୍ରାୟ ନ ଥିଲା। ଏହି ବର୍ଜ୍ୟକୁ ଏକ ଉଚ୍ଚ ମୂଲ୍ୟଯୁକ୍ତ ଉତ୍ପାଦରେ କିପରି ପରିଣତ କରାଯାଇପାରିବ, ସେ ନେଇ ମନରେ ପ୍ରଶ୍ନ ଉଠିଥିଲା। ଚାଷୀ ଏବଂ ପରିବେଶ ଉଭୟକୁ ଲାଭଦାୟକ କରିବା ଉଦ୍ଦେଶ୍ୟରେ ଗୋବରର ପାରମ୍ପରିକ ବ୍ୟବହାର ଏବଂ ଆଧୁନିକ ପେଣ୍ଟ୍‌ କେମିଷ୍ଟ୍ରି ଉପରେ ଗବେଷଣା କରି ଏକ ପରିବେଶ-ଅନୁକୂଳ ରଙ୍ଗ ବିକଶିତ କରିଥିଲୁ। ଏନେଇ ଅନେକ ପରୀକ୍ଷା, ବିଫଳତା ଏବଂ ସଂସ୍କାର ପରେ ଆମେ ସଫଳତା ପାଇଥିଲୁ। ଗୋମୟ ପେଣ୍ଟ୍‌ସ କେବଳ ରଙ୍ଗ ଉତ୍ପାଦନ କରେ ନାହିଁ, ବରଂ ଚାଷୀମାନଙ୍କଠାରୁ ଗୋବର କିଣି ଏକ ଗ୍ରାମୀଣ ଅର୍ଥନୈତିକ ଇକୋସିଷ୍ଟମ ମଧ୍ୟ ନିର୍ମାଣ କରିଛି, ଯାହାକି ସେମାନଙ୍କୁ ଅତିରିକ୍ତ ଆୟ ପ୍ରଦାନ କରୁଛି।
ପ୍ର- ଗୋମୟ ପେଣ୍ଟ୍‌ସ ଅନ୍ୟ ସାଧାରଣ ଏବଂ ପରିବେଶ ଅନୁକୂଳ ପେଣ୍ଟ୍‌ ବ୍ରାଣ୍ଡ୍‌ଠାରୁ କିପରି ଅଲଗା? ୧୫ ବର୍ଷ ପର୍ଯ୍ୟନ୍ତ ରହୁଥିବା ଏହି ଉତ୍ପାଦ ପାଇଁ କିପରି ଗବେଷଣା କରାଯାଇଛି?
ଉ- ପାରମ୍ପରିକ ଜ୍ଞାନ ଏବଂ ଆଧୁନିକ ପ୍ରଯୁକ୍ତିର ମିଶ୍ରଣ ହେଉଛି ଆମର ସବୁଠାରୁ ବଡ଼ ଶକ୍ତି। ଗୋବରର ପ୍ରାକୃତିକ ଆଣ୍ଟି-ବ୍ୟାକ୍ଟେରିଆଲ ଏବଂ ଆଣ୍ଟି-ଫଙ୍ଗାଲ ଗୁଣ ବ୍ୟବହାର କରି କମ୍‌-ଭିଓସି (ଭୋଲାଟାଇଲ୍‌ ଅର୍ଗାନିକ୍‌ କମ୍ପାଉଣ୍ଡ୍‌ସ) ଏବଂ ବିଷାକ୍ତ ଦ୍ରବ୍ୟମୁକ୍ତ ଫର୍ମୁଲେଶନ ପ୍ରସ୍ତୁତ କରିଛୁ। ବୈଜ୍ଞାନିକ ପଦ୍ଧତିରେ ପ୍ରସ୍ତୁତ ହୋଇଥିବାରୁ ୧୫ ବର୍ଷ ପର୍ଯ୍ୟନ୍ତ ସ୍ଥାୟିତ୍ୱ ପ୍ରଦାନ କରେ। ଆମର ଗବେଷଣା ଓ ବିକାଶ କାର୍ଯ୍ୟରେ ବହୁତ ସମୟ ଲାଗିଥିଲା। ଆମେ ଏହାର ସ୍ଥିରତା, ମଜଭୁତ ଶକ୍ତି, ପାଣିପାଗ ପ୍ରତିରୋଧକ ଶକ୍ତି ଏବଂ ଜୀବାଣୁ ପ୍ରତିରୋଧ ଉପରେ କାମ କରିଥିଲୁ। ଏନେଇ ଅନେକଥର ବିଫଳ ହୋଇଥିଲୁ। ଲାବ୍‌ ଟେଷ୍ଟିଂ ଏବଂ ଫିଲ୍ଡ ଫିଡ୍‌ବ୍ୟାକ୍‌ ମାଧ୍ୟମରେ ଏହାକୁ ଆମେ କ୍ରମାଗତ ଭାବେ ଉନ୍ନତ କରିଛୁ।
ପ୍ର- ସହରାଞ୍ଚଳ ବଜାରରେ ଗୋବର ଆଧାରିତ ରଙ୍ଗ ବିଷୟରେ ଗ୍ରାହକଙ୍କ ଆଶଙ୍କାକୁ କିପରି ଦୂର କରନ୍ତି?
ଉ- ପ୍ରାରମ୍ଭରେ ଅନେକ ଗ୍ରାହକ ଗୋବର ରଙ୍ଗ ବିଷୟରେ ଶୁଣି ଆଶ୍ଚର୍ଯ୍ୟ ହୋଇଥିଲେ। ପରେ ଏହାର ଉତ୍କୃଷ୍ଟତା ଦେଖି ଧାରଣା ସମ୍ପୂର୍ଣ୍ଣ ପରିବର୍ତ୍ତନ ହୋଇଛି। ଆମେ ପ୍ରତ୍ୟକ୍ଷ ପ୍ରଦର୍ଶନ, ସାମ୍ପଲ ବ୍ୟବହାର, ପ୍ରକ୍ରିୟାକରଣ ପ୍ରଯୁକ୍ତିର ବୈଜ୍ଞାନିକ ବ୍ୟାଖ୍ୟା, ଗ୍ରାହକ ପ୍ରଶଂସାପତ୍ର ଏବଂ ପ୍ରକୃତ ପ୍ରୋଜେକ୍ଟର ଉଦାହରଣ ମାଧ୍ୟମରେ ସନ୍ଦେହ ଦୂର କରୁ। କଞ୍ଚାମାଲ ବୈଜ୍ଞାନିକ ପଦ୍ଧତିରେ ପ୍ରକ୍ରିୟାକରଣ ହୋଇଛି ଏବଂ ସ୍ବାସ୍ଥ୍ୟକର ବୋଲି ବୁଝିବା ପରେ ଗ୍ରାହକଙ୍କର ଆଶଙ୍କା ଦୂର ହୋଇଯାଏ। ବାସ୍ତବରେ ଶିଶୁ, ବୟସ୍କ ଲୋକ ଏବଂ ପରିବେଶ ପାଇଁ ସୁରକ୍ଷିତ ହୋଇଥିବାରୁ ସହରାଞ୍ଚଳ ଗ୍ରାହକ ଏହାକୁ ବେଶି ପସନ୍ଦ କରୁଛନ୍ତି। ସଚେତନତା ହିଁ ଲୋକଙ୍କ ଚିନ୍ତାଧାରା ବଦଳାଇବାର ବଡ଼ ମାଧ୍ୟମ।
ପ୍ର- ଗୋମୟ ପେଣ୍ଟ୍‌ସର ଜାତୀୟ ସ୍ତରରେ ସମ୍ପ୍ରସାରଣ, ରପ୍ତାନି କିମ୍ବା ଉତ୍ପାଦ ବିବିଧତା ଭଳି କିଛି ଯୋଜନା ରହିଛି କି?
ଉ- ସାରା ଭାରତରେ ବ୍ୟବସାୟ ସମ୍ପ୍ରସାରଣ ସହ ରପ୍ତାନି ବଜାରରେ ପ୍ରବେଶ କରିବା, ଅଧିକ ସ୍ଥାୟୀ ନିର୍ମାଣ ସାମଗ୍ରୀ ବିକାଶ କରିବା ଯୋଜନା ରହିଛି। ଆମର ଗବେଷଣା ଏବଂ ବିକାଶ କ୍ଷମତାକୁ ସୁଦୃଢ଼ କରିବା ମଧ୍ୟ ଲକ୍ଷ୍ୟ ରଖିଛୁ। ଆମେ ଚାହୁଁ ଗୋମୟ ପେଣ୍ଟ୍‌ସ ଏକ ପ୍ରତୀକ ହେଉ ଯେ, କିପରି ଗ୍ରାମୀଣ ନୂତନତ୍ୱ ଜାତୀୟ ସ୍ତରରେ ପ୍ରଭାବ ପକାଇପାରେ।
ପ୍ର- ଯୁବୋଦ୍ୟୋଗୀଙ୍କୁ ଏହି କ୍ଷେତ୍ରରେ କ’ଣ ପରାମର୍ଶ ଦେବେ?
ଉ- ଯୁବୋଦ୍ୟୋଗୀମାନଙ୍କୁ କହିବି ଯେ, କେବଳ ଲାଭ ଉପରେ ଧ୍ୟାନ ଦେଇ ଏକ ସ୍ପଷ୍ଟ ଉଦ୍ଦେଶ୍ୟ ସହିତ କାର୍ଯ୍ୟ ଆରମ୍ଭ କରନ୍ତୁ। ବିଫଳତାର ସମ୍ମୁଖୀନ ହେବାକୁ ପ୍ରସ୍ତୁତ ରହିବା ଉଚିତ। ନିରନ୍ତର ଶିଖିବା ଜାରି ରଖିବା, ପ୍ରକୃତ ସମସ୍ୟା ସମାଧାନ ଉପରେ ଧ୍ୟାନ ଦେବା ଏବଂ ଏକ ଦୃଢ଼ ସମର୍ଥନ ଦଳ ଗଠନ କରିବା ଉଚିତ। ପ୍ରତିକୂଳ ପରିସ୍ଥିତିରେ ଆଦୌ ହାର୍‌ ମାନିବା ଉଚିତ ନୁହେଁ। ସଫଳତା ରାତାରାତି ଆସିବ ନାହିଁ- ଏହା ସ୍ଥିରତା, ଧୈର୍ଯ୍ୟ ଏବଂ ଆପଣଙ୍କ ଦୃଷ୍ଟିକୋଣ ପ୍ରତି ଗଭୀର ବିଶ୍ୱାସରୁ ଆସିଥାଏ।

 

Dharitri – Odisha’s No.1 Odia Daily

 


Enter your email to get our daily news in your inbox.

All Right Reserved By Dharitri.Com

ମାଡ଼ି ଆସୁଛି ବାତ୍ୟା ‘ଅକ୍ୱାନ’: ଆତଙ୍କିତ ସମୁଦ୍ର ତଟବର୍ତ୍ତୀ ଅଞ୍ଚଳବାସୀ

ଗଞ୍ଜାମ,୧୯।୧୧(ବିଦ୍ୟାଧର ସାହୁ ): ବାତ୍ୟା ଅର୍ଣ୍ଣବର ତାଣ୍ଡବ ଲୋକଙ୍କ ମନରୁ ଲିଭି ନ ଥିବା ବେଳେ ବାତ୍ୟା ଅକ୍ୱାନକୁ ନେଇ ଚିନ୍ତାରେ ଅଞ୍ଚଳବାସୀ l ବାତ୍ୟା ଅକ୍ୱାନ…

୧୦୦ ରନ ପୂର୍ବରୁ ୫ ୱିକେଟ ପଡ଼ିଲା, ତା’ପରେ ଟିମ ଇଣ୍ଡିଆ ଉପରେ ଜୋରଦାର ପ୍ରେସର; ୬୮୦ ରନରେ ଇନିଂସ ଘୋଷଣା କଲା ନ୍ୟୁଜିଲ୍ୟାଣ୍ଡ

ନୂଆଦିଲ୍ଲୀ,୧୯।୧୧: ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ପ୍ରଥମ ଟେଷ୍ଟ ମ୍ୟାଚ ବର୍ତ୍ତମାନ ‘ବେସିନ ରିଜର୍ଭ’ (Basin Reserve) ଠାରେ ଚାଲିଛି। ଗୁରୁବାର (ନଭେମ୍ବର ୧୯) ଆରମ୍ଭ ହୋଇଥିବା…

ବାତ୍ୟା ମୁକାବିଲା ପାଇଁ କୋରାପୁଟ ପ୍ରଶାସନ ପ୍ରସ୍ତୁତ:  ୧୬ ଭୂସ୍ଖଳନ ପ୍ରବଣ ଅଞ୍ଚଳ ଉପରେ ରହିଛି ନଜର…

କୋରାପୁଟ,୧୯ା୧୧(ଅମିତାଭ ବେହେରା ) ସମ୍ଭାବ୍ୟ ବାତ୍ୟା ‘ଅକ୍ୱାନ’କୁ ନେଇ ସଜାଗ ହୋଇଛି କୋରାପୁଟ ଜିଲା ପ୍ରଶାସନ। ବାତ୍ୟା ମୁକାବିଲା, ଉଦ୍ଧାର ଓ ରିଲିଫ୍‌ କାର୍ଯ୍ୟ ପାଇଁ ସମସ୍ତ…

ଅଶାନ୍ତ ସମୁଦ୍ରରେ ଫସିଲେ ଆନ୍ଧ୍ର ମତ୍ସ୍ୟଜୀବୀ, ସହଯୋଗର ହାତ ବଢ଼ାଇଲା ଗଞ୍ଜାମ ପ୍ରଶାସନ

ଛତ୍ରପୁର,୧୯।୧୧(ଦିଲ୍ଲୀପି ସାମଲ): ସମ୍ଭାବ୍ୟ ବାତ୍ୟା ଓ ସମୁଦ୍ରର ଅଶାନ୍ତ ପରିସ୍ଥିତି ଯୋଗୁ ନିଜ ଅଞ୍ଚଳକୁ ଫେରି ନ ପାରି ଓଡ଼ିଶା ଉପକୂଳରେ ଆଶ୍ରୟ ନେଇଛନ୍ତି ଆନ୍ଧ୍ରପ୍ରଦେଶର ମତ୍ସ୍ୟଜୀବୀ।…

ବାତ୍ୟା ଅକ୍ବାନ ମୁକାବିଲା ପ୍ରସ୍ତୁତିର ସମୀକ୍ଷା କଲେ ମହାକାଳପଡ଼ା ବିଧାୟକ, ଆଶ୍ରୟସ୍ଥଳୀରେ ଲୋକଙ୍କୁ ଭେଟି ଦେଲେ ସାହସ

ମହାକାଳପଡ଼ା,୧୯ା୧୧(ପ୍ରତାପ ଚନ୍ଦ୍ର ସ୍ୱାଇଁ): ମାଡ଼ି ଆସୁଛି ବାତ୍ୟା ଅକ୍ବାନ । ଏହାକୁ ମୁକାବିଲା ପାଇଁ ରାଜ୍ୟ ସରକାର ଉପକୂକ ଅଞ୍ଚଳରେ ଆଲର୍ଟ ଜାରି କରିଛନ୍ତି । ଏ…

ଭାରତକୁ ଧମକ ଦେଇଥିବା ପାକିସ୍ତାନୀ ମନ୍ତ୍ରୀ ମୁସାଦିକ ଆସୁଛନ୍ତି ଦିଲ୍ଲୀ, ଜାଣନ୍ତୁ ସେ କ’ଣ କହିଥିଲେ…

ଇସଲାମାବାଦ/ନୂଆଦିଲ୍ଲୀ,୧୯।୧୧: ପାକିସ୍ତାନ ମନ୍ତ୍ରୀ ମୁସାଦିକ ମଲିକ, ଯିଏ ପୂର୍ବରୁ ଭାରତ ବିରୋଧରେ ଧମକ ଦେଇଥିଲେବର୍ତ୍ତମାନ ତାଙ୍କର ଆଗାମୀ ଭାରତ ଗସ୍ତ ଆଲୋଚନାର ବିଷୟ ପାଲଟିଛି। ସେ ପଡ଼ୋଶୀ…

ବାତ୍ୟା ଅକ୍ବାନ, ୯ ହଜାର ଲୋକଙ୍କୁ ଆଶ୍ରୟସ୍ଥଳୀକୁ ନେଲା ପ୍ରଶାସନ

ରାଜନଗର,୧୯ା୧୧ (ଭାସ୍କର ରାଉତରାୟ ): ବଙ୍ଗୋପସାଗରରେ ସୃଷ୍ଟି ସମ୍ଭାବ୍ୟ ବାତ୍ୟା ଅକ୍ବାନକୁ ନେଇ କେନ୍ଦ୍ରାପଡ଼ା ଜିଲା ପ୍ରଶାସନ ପକ୍ଷରୁ ତତ୍ପରତା ପ୍ରକାଶ ପାଇଛି । କେନ୍ଦ୍ରାପଡ଼ା ଜିଲାପାଳ…

‘ସେହୱାଗ’ ହୋଇଥିବାର ମୂଲ୍ୟ ଆର୍ଯ୍ୟବୀରଙ୍କୁ ଦେବାକୁ ପଡ଼ିଛି; କାହିଁକି ଏମିତି କହିଲେ ପିତା ବୀରେନ୍ଦ୍ର ସେହଓ୍ବାଗ? ଜାଣନ୍ତୁ ଏହାର କାରଣ

ନୂଆଦିଲ୍ଲୀ,୧୯।୧୧: ବୀରେନ୍ଦ୍ର ସେହୱାଗ କ୍ରିଜରେ ଥିବାବେଳେ ନିର୍ଭୀକ ବ୍ୟାଟିଂ ପାଇଁ ଏବଂ ମାଇକ୍ରୋଫୋନ ସାମ୍ନାରେ ନିଜ ମତାମତକୁ ସ୍ପଷ୍ଟ ଓ ଖୋଲାଖୋଲି ଭାବେ ରଖିବା ପାଇଁ ଜଣାଶୁଣା;…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?