ପଦ୍ମପୁର, ୨୯।୫ (ପ୍ରଦୀପ୍ତ ଦାଶ): ପଦ୍ମପୁର ଉପଖଣ୍ଡର ୬ଟି ବିଦ୍ୟାଳୟର ସିବିଏସ୍ଇ ପରୀକ୍ଷା ଫଳ ନେଇ ଅଭିଭାବକ ଓ ଛାତ୍ରୀଛାତ୍ରଙ୍କ ମଧ୍ୟରେ ଅସନ୍ତୋଷ ବଢିବାରେ ଲାଗିଛି । ଏନେଇ ଅଭିଭାବକମାନେ ଏକ ବୈଠକ କରି ଆସନ୍ତା ୩୦ରେ ପଦ୍ମପୁର ଉପଖଣ୍ଡ ବନ୍ଦ ରଡ ଡାକରା ଦେଇଛନ୍ତି । ଅଭିଭାବକ ମଞ୍ଚ ତରଫରୁ କୁହାଯାଇଛି ଯେ, ପରୀକ୍ଷାରେ ଛାତ୍ରୀଛାତ୍ରଙ୍କ ଭୁଲ ନାହିଁ ।ଏଣୁ ସେମାନଙ୍କ ଭବିଷ୍ୟତ ସହିତ ଖେଲା ନ ଯାଉ। ଠିକରେ ପରୀକ୍ଷା ଫଳ ପ୍ରକାଶ କରିବା ପାଇଁ ଦାବି କରିଛନ୍ତି।
ସୂଚନାଯୋଗ୍ୟ ଯେ, ପଦ୍ମପୁର ଉପଖଣ୍ଡରେ ଥିବା ୪ଟି ଆଦର୍ଶ ବିଦ୍ୟାଳୟ ଓ ୨ଟି ଘରୋଇ ବିଦ୍ୟାଳୟ ଫଳାଫଳ ବାହାରି ନ ଥିଲା। ମାତ୍ର ପରବର୍ତ୍ତୀ ମୂହୁର୍ତ୍ତରେ ୧୧୮୫ ଜଣ ଛାତ୍ରୀଛାତ୍ରଙ୍କ ମଧ୍ୟରୁ ୩୦୦ଜଣ କୃତକାର୍ଯ୍ୟ ହୋଇଥିଲେ ବାକି ୮୮୫ଜଣଙ୍କ ଫଳାଫଳ ପ୍ରକାଶ ପାଇ ନ ଥିବାରୁ ଏହି ଅଭିଭାବକମାନେ ମିଳିତ ମଞ୍ଚ ଗଠନ କରିବା ସହିତ କୋର୍ଟର ଆଶ୍ରୟ ନିଆଯିବା ଓ ୩୦ ତାରିଖରେ ବନ୍ଦ ଡାକରାର ନିଷ୍ପତ୍ତି ନେଇଛନ୍ତି।
