ବେଙ୍ଗାଲୁରୁର,୨୭।୩: IPL ବିଶ୍ୱର ସବୁଠୁ ବଡ଼ କ୍ରିକେଟ ଲିଗ୍। IPLର ୧୯ତମ ସଂସ୍କରଣ ମାର୍ଚ୍ଚ ୨୮ରେ ଆରମ୍ଭ ହେବ। ପ୍ରଥମ ମ୍ୟାଚ୍ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ସନ୍ରାଇଜର୍ସ ହାଇଦ୍ରାବାଦ ମଧ୍ୟରେ ଖେଳାଯିବ। ସନ୍ଧ୍ୟା ସାଢେ ୭ଟାରେ ଏମ୍ ଚିନ୍ନାସ୍ବାାମୀ ଷ୍ଟାଡିୟମରେ ମ୍ୟାଚ୍ ଖେଳିବା ନେଇ କାର୍ଯ୍ୟସୂଚି ରହିଛି।
ସୂଚନା ଯୋଗ୍ୟ, ପ୍ରଥମ ସିଜିନରୁ IPLର ଉଦ୍ଘାଟନୀ ଉତ୍ସବ ଅନୁଷ୍ଠିତ ହୋଇଆସୁଛି। ହେଲେ ୨୦୧୯ରେ ଏହାକୁ ବାତିଲ କରିବାକୁ ନିଷ୍ପତ୍ତି ନିଆଯାଇଥିଲା। ପରବର୍ତ୍ତୀ ସମୟରେ ପୁଣି ଉଦ୍ଘାଟନୀ ଉତ୍ସବ ଆରମ୍ଭ ହୋଇଥିଲା। ବର୍ତ୍ତମାନ ୧୯ତମ ସଂସ୍କରଣରେ ପୁଣି ଉଦ୍ଘାଟନୀ ଉତ୍ସବକୁ ବାତିଲ କରାଯାଇଛି। ହେଲେ ଚଳିତ ସିଜନରେ ଏହାର କାରଣ ଭିନ୍ନ ରହିଛି।
୨୦୧୯ରେ IPL ଉଦ୍ଘାଟନୀ ଉତ୍ସବ ବାତିଲ ହେବା ପଛର ଭିନ୍ନ କାରଣ ରହିଥିଲା ସେହି ବର୍ଷ, ପୁଲୱାମାରେ ଏକ ଆତଙ୍କବାଦୀ ଆକ୍ରମଣ ହୋଇଥିଲା, ଏଥିରେ ୪୦ଜଣ ଯବାନ ଶହୀଦ ହୋଇଥିଲେ। ଏହି କାରଣରୁ, BCCI ଉଦ୍ଘାଟନୀ ଉତ୍ସବକୁ ବାତିଲ କରିବାକୁ ନିଷ୍ପତ୍ତି ନେଇଥିଲା। ଗତ ବର୍ଷ, ପ୍ରଥମ ମ୍ୟାଚ୍ କୋଲକାତାରେ ଅନୁଷ୍ଠିତ ହୋଇଥିଲା, ଏହା ପୂର୍ବରୁ ଏକ ଭବ୍ୟ ରଙ୍ଗାରଙ୍ଗ ଉଦ୍ଘାଟନୀ ଉତ୍ସବ ଅନୁଷ୍ଠିତ ହୋଇଥିଲା।
ଏଥିରେ ଶାହରୁଖ ଖାନ, ଶ୍ରେୟା ଘୋଷାଲ, ଦିଶା ପଟାନି ପ୍ରମୁଖ ଯୋଗଦେଇ ରଙ୍ଗାରଙ୍ଗ କାର୍ଯ୍ୟକ୍ରମରେ ସାମିଲ ହୋଇଥିଲେ। ଯାହାକି ଦର୍ଶକଙ୍କୁ ବେଶ୍ ଆକୃଷ୍ଟ କରିପାରିଥିଲା।
ଗଣମାଧ୍ୟମ ରିପୋର୍ଟ ମୁତାବକ, BCCI ସଚିବ ଦେବଜିତ ସାଇକିଆ କହିଛନ୍ତି, ଏହି ବର୍ଷ କୌଣସି ଉଦଘାଟନୀ ଉତ୍ସବ ହେବ ନାହିଁ। ହେଲେ IPL ଗଭର୍ଣ୍ଣିଂ କାଉନସିଲ ସମାପନ ଉତ୍ସବ ପାଇଁ ଯୋଜନା କରୁଥିବା ସୂଚନା ମିଳିଛି।
ଆଇଏଲ୍ ସିଜିନ ୧୯ର ପ୍ରଥମ ମ୍ୟାଚ ବେଙ୍ଗାଲୁରୁର ଏମ୍ ଚିନ୍ନାସ୍ବାମୀ ଷ୍ଟାଡିୟମରେ ବେଙ୍ଗାଲୁରୁ ଏବଂ ହାଇଦ୍ରାବାଦ ମଧ୍ୟରେ ଖେଳାଯିବ। ଏହି ଷ୍ଟାଡିୟମରେ IPL ମ୍ୟାଚ୍ ଅନୁଷ୍ଠିତ ହେବ କି ନାହିଁ ତାହା କିଛି ଦିନ ପୂର୍ବରୁ ସ୍ପଷ୍ଟ ହୋଇ ନ ଥିଲା, କାରଣ ସେଠାରେ ମ୍ୟାଚ୍ ହେବା ନେଇ ପ୍ରତିବନ୍ଧକ ଲଗାଯାଇଥିଲା।
ଗତ ବର୍ଷ, IPL ଶେଷ ହେବା ପରେ, ସେଠାରେ ଏକ ଦୁଃଖଦ ଘଟଣା ଘଟିଥିଲା, ଦର୍ଶକଙ୍କ ଦଳାଚକଟାରେ ୧୧ଜଣଙ୍କ ମୃତ୍ୟୁ ହୋଇଥିଲା। ଏହାକୁ ନେଇ IPL 2026 ଉଦ୍ଘାଟନୀ ଉତ୍ସବ ବାତିଲ କରାଯାଇଥିବା ଜଣାପଡିଛି। ମୃତକଙ୍କ ପ୍ରତି ସମ୍ମାନ ଏବଂ ଶ୍ରଦ୍ଧାଞ୍ଜଳି ଜଣାଇବା ପାଇଁ ଏହା କରାଯାଇଥିବା ସୂଚନା ମିଳିଛି।
BCCI IPL 2026 ପାଇଁ ସମ୍ପୂର୍ଣ୍ଣ କାର୍ଯ୍ୟସୂଚୀ ପ୍ରକାଶ କରିଛି। ୨୮ ମାର୍ଚ୍ଚରୁ ଆରମ୍ଭ ହେଉଥିବା ଲିଗ ପର୍ଯ୍ୟାୟ ୨୪ ମାର୍ଚ୍ଚ ପର୍ଯ୍ୟନ୍ତ ଚାଲିବ, ଯେଉଁଥିରେ ମୋଟ ୭୦ଟି ମ୍ୟାଚ ୧୨ଟି ସ୍ଥାନରେ ଖେଳାଯିବ।
