ନୂଆଦିଲ୍ଲୀ,୨୬।୩: ଶୁକ୍ରବାର, ଶନିବାର ଓ ରବିବାର ବ୍ୟାଙ୍କ ଛୁଟି। ଶୁକ୍ରବାର ରାମନବମୀ ଛୁଟି, ଶନିବାର ଲାଷ୍ଟ ସଟର ଡେ, ରବିବାର ପଡୁଛି ସାପ୍ତାହିକ ଛୁଟି। ଯୁଦ୍ଧ ମୁକାବିଲା ପାଇଁ ତୈଳ କମ୍ପାନି ନେଇଛନ୍ତି କଠୋର ପଦକ୍ଷେପ। ଡିଲରଙ୍କ ପାଇଁ Payment Terms Policy ପରିବର୍ତ୍ତନ କରିଛି ତୈଳ କମ୍ପାନି। ଆଗୁଆ ପେମେଣ୍ଟ କଲେ ଡିଲରଙ୍କୁ ମିଳୁଛି ପେଟ୍ରୋଲ, ଡିଜେଲ।
ତେଲ ପାଇଁ ଡିଲରଙ୍କୁ ପ୍ରଥମେ ବ୍ୟାଙ୍କରେ ଟଙ୍କା ଜମା କରିବାକୁ ପଡୁଛି । ବ୍ୟାଙ୍କ ବନ୍ଦ ରହିଲେ ଟଙ୍କା ଡିପୋଜିଟ କରିପାରିବେ ନାହିଁ ଡିଲର। ଆଗୁଆ ଟଙ୍କା ନଦେଲେ ଡିଲରଙ୍କୁ ତେଲ ପଠାଇବ ନାହିଁ କମ୍ପାନି। ପେଟ୍ରୋଲ ପମ୍ପରେ ପେଟ୍ରୋଲ ସରିଯିବାରୁ କିଛି ପେଟ୍ରୋଲ ପମ୍ପ ରେ ଲାଗୁଛି ଗହଳି। ସାଧାରଣ ଲୋକ ବ୍ୟସ୍ତ ହୋଇ ପେଟ୍ରୋଲ ପମ୍ପରେ ଗହଳି ନ କରିବାକୁ ଅନୁରୋଧ କରିଛନ୍ତି ସଂଘ ସଭାପତି।
୩ ଦିନ ବ୍ୟାଙ୍କ ବନ୍ଦ ରହୁଥିବାରୁ ତେଲ ମିଳିବାରେ ହୋଇପାରେ ସମସ୍ୟା। ତୈଳ କମ୍ପାନି ପାଖରେ ତେଲ ବହୁ ପରିମାଣରେ ମହଜୁଦ ରହିଛି। ଛାନିଆ ହୋଇ ତେଲ ପାଇଁ ପେଟ୍ରୋଲ ପମ୍ପରେ ଭିଡ଼ ନ ଲଗାଇବାକୁ ଅନୁରୋଧ। ବ୍ୟସ୍ତ ହୋଇ ପେଟ୍ରୋଲ ପମ୍ପରେ ଗହଳି ନ କରିବାକୁ ଅନୁରୋଧ କରିଛନ୍ତି ପେଟ୍ରୋଲ ଡିଜେଲ୍ ବ୍ୟବସାୟୀ ସଂଘ ସଭାପତି ସଞ୍ଜୟ ଲାଠ।
